Mistari Maarufu ya Biblia kutoka ꠁꠘ꠆ꠎꠤꠟ ২: ꠝꠣꠞ꠆ꠇꠥꠍ 6

Shirikisha

ꠅꠃ ꠡꠝꠄ ꠛꠃꠔ ꠝꠣꠘꠥꠡ ꠁꠍꠣꠞ ꠉꠦꠍꠦ ꠀꠅꠀ-ꠎꠣꠅꠀꠔ ꠕꠣꠇꠣꠄ ꠍꠣꠢꠣꠛꠤ ꠅꠇꠟꠦ ꠇꠥꠘꠥ ꠈꠣꠘꠣ-ꠙꠤꠘꠣꠞꠅ ꠡꠥꠎꠥꠉ ꠙꠣꠁꠟꠣ ꠘꠣ। ꠄꠞꠖꠣꠄ ꠔꠣꠁꠘ ꠍꠣꠢꠣꠛꠤ ꠅꠇꠟꠞꠦ ꠇꠁꠟꠣ, “ꠔꠥꠝꠞꠣ ꠀꠝꠣꠞ ꠟꠉꠦ ꠇꠥꠘꠥ ꠘꠤꠞꠣꠁ ꠎꠣꠉꠣꠔ ꠀꠁꠀ ꠕꠥꠠꠣ ꠎꠤꠞꠣꠅ।”

ꠔꠦꠃ ꠁꠍꠣꠄ ꠔꠣꠞꠣꠞꠦ ꠇꠁꠟꠣ, “ꠎꠦꠇꠥꠘꠥ ꠘꠛꠤꠃ ꠘꠤꠎꠞ ꠉꠣꠃ, ꠘꠤꠎꠞ ꠖꠦꠡ, ꠘꠤꠎꠞ ꠛꠣꠠꠤ, ꠈꠦꠡ-ꠇꠥꠐꠥꠝꠞ ꠛꠣꠁꠞꠣꠈꠣꠘꠅ ꠁꠎ꠆ꠎꠔ ꠙꠣꠁꠘ।”

ꠁꠍꠣ ꠘꠣꠅ ꠕꠣꠇꠤ ꠟꠣꠝꠤꠀꠃ ꠖꠦꠈꠟꠣ, ꠛꠃꠔ ꠝꠣꠘꠡꠦ ꠔꠣꠘ ꠛꠣꠞ ꠌꠣꠁꠞꠣ। ꠖꠦꠈꠤꠀ ꠄꠞꠣꠞ ꠛꠣꠄ ꠔꠣꠘ ꠛꠠ ꠖꠞꠖ ꠢꠣꠝꠣꠁꠟ। ꠄꠞꠣ ꠀꠍꠤꠟ ꠀ-ꠞꠣꠈꠣꠟꠤ ꠝꠦꠠꠣꠞ ꠟꠣꠈꠣꠘ। ꠅꠃ ꠁꠍꠣꠄ ꠄꠞꠣꠞꠦ ꠛꠃꠔ ꠟꠣꠈꠣꠘ ꠔꠣꠟꠤꠝ ꠖꠤꠟꠣ।

ꠛꠣꠖꠦ ꠔꠣꠁꠘ ꠇꠄꠎꠘ ꠛꠦꠝꠣꠞꠤꠞꠦ ꠀꠔꠣꠁ ꠖꠤꠀ ꠛꠦꠝꠣꠞ ꠡꠤꠚꠣ ꠇꠞꠟꠣ। ꠅꠁꠟꠦ ꠢꠤꠘꠅ ꠀꠞ ꠇꠥꠘꠥ ꠝꠥꠎꠦꠎꠣ ꠎꠣꠁꠞ ꠇꠞꠣꠞ ꠃꠙꠣꠄ ꠅꠁꠟ ꠘꠣ। ꠝꠣꠘꠡꠦ ꠔꠣꠘ ꠃꠙꠞꠦ ꠁꠝꠣꠘ ꠘꠣ ꠀꠘꠣꠄ ꠔꠣꠁꠘ ꠈꠥꠛ ꠔꠣꠁꠎ꠆ꠎꠥꠛ ꠅꠁꠉꠦꠟꠣ। ꠛꠣꠖꠦ ꠔꠣꠁꠘ ꠉꠣꠃꠄ ꠉꠣꠃꠄ ꠌꠣꠁꠞꠅꠛꠣꠄ ꠍꠚꠞ ꠇꠞꠤꠀ ꠝꠣꠘꠡꠞꠦ ꠔꠣꠟꠤꠝ ꠖꠤꠟꠣ।

ꠁꠍꠣꠄ ꠢꠃ ꠙꠣꠌꠈꠣꠘ ꠞꠥꠐꠤ ꠀꠞ ꠖꠥꠁꠐꠣ ꠛꠤꠞꠣꠘ ꠝꠣꠍ ꠀꠔꠅ ꠟꠁꠀ ꠀꠟ꠆ꠟꠣꠞ ꠀꠞꠡꠞ ꠛꠣꠄ ꠌꠣꠁꠀ ꠡꠥꠇꠞꠤꠀ ꠀꠖꠣꠄ ꠇꠞꠤꠀ, ꠝꠣꠘꠡꠞꠦ ꠛꠣꠐꠤꠀ ꠖꠤꠛꠣꠞ ꠟꠣꠉꠤ ꠅꠃ ꠞꠥꠐꠤ ꠐꠥꠇꠞꠣ ꠐꠥꠇꠞꠣ ꠇꠞꠤ ꠍꠣꠢꠣꠛꠤ ꠅꠇꠟꠞ ꠀꠔꠅ ꠖꠤꠟꠣ। ꠅꠃ ꠟꠣꠈꠣꠘ ꠝꠣꠍ ꠖꠥꠁꠐꠣꠅ ꠛꠣꠐꠤꠀ ꠖꠤꠟꠣ। ꠢꠇꠟ ꠝꠣꠘꠡꠦ ꠙꠦꠐ ꠜꠞꠤ ꠈꠣꠁꠟꠣ। ꠈꠣꠁꠀ ꠢꠣꠞꠟꠦ ꠛꠣꠠꠔꠤ ꠞꠥꠐꠤ ꠀꠞ ꠝꠣꠍꠞ ꠐꠥꠇꠞꠣꠁꠘ ꠘꠤꠀ ꠛꠣꠞꠅꠐꠣ ꠐꠥꠇꠞꠤ ꠜꠞꠟꠣ।