Mistari Maarufu ya Biblia kutoka ꠁꠘ꠆ꠎꠤꠟ ২: ꠝꠣꠞ꠆ꠇꠥꠍ 5

Shirikisha

ꠁꠍꠣꠄ ꠛꠦꠐꠤꠞꠦ ꠇꠁꠟꠣ, “ꠝꠣꠁ ꠉ, ꠔꠥꠝꠣꠞ ꠁꠝꠣꠘꠦ ꠔꠥꠝꠤ ꠛꠣꠌꠟꠣꠄ। ꠅꠈꠘ ꠡꠣꠘ꠆ꠔꠤꠄ ꠛꠣꠠꠤꠔ ꠎꠣꠅ, ꠀꠞ ꠁ ꠛꠦꠝꠣꠞ ꠕꠣꠇꠤ ꠢꠦꠚꠣꠎꠔ ꠞꠅ।”

ꠅꠃ ꠜꠤꠠꠞ ꠝꠣꠎꠦ ꠄꠇꠎꠘ ꠛꠦꠐꠤ ꠝꠣꠘꠥꠡ ꠀꠍꠟꠣ, ꠛꠣꠞꠅ ꠛꠞꠍ ꠗꠞꠤ ꠔꠣꠘ ꠛꠦꠐꠤꠀꠞꠣ ꠛꠦꠝꠣꠞꠞ ꠟꠃ ꠎꠣꠁꠔ। ꠛꠃꠔ ꠒꠣꠇ꠆ꠔꠞ ꠇꠛꠤꠞꠣꠎ ꠖꠦꠈꠣꠁꠀ ꠇꠡ꠆ꠐ ꠇꠞꠤ ꠘꠤꠅꠝ-ꠇꠣꠘꠥꠘ ꠝꠣꠘꠤꠀ, ꠢꠇꠟ ꠐꠦꠇꠣ-ꠙꠄꠡꠣ ꠈꠥꠀꠁꠀꠅ ꠇꠥꠘꠥ ꠚꠣꠄꠖꠣ ꠅꠁꠍꠦ ꠘꠣ। ꠖꠤꠘꠦ ꠖꠤꠘꠦ ꠛꠦꠝꠣꠞ ꠀꠞꠅ ꠛꠣꠠꠤꠍꠦ।

ꠢꠣꠍꠣꠃ, ꠁꠍꠣꠞ ꠌꠣꠖ꠆ꠖꠞꠞ ꠇꠥꠘꠣꠔ ꠍꠁꠔꠦꠃ, ꠛꠦꠐꠤꠞ ꠟꠃ ꠎꠣꠅꠀ ꠄꠇ꠆ꠇꠦꠞꠦ ꠇꠝꠤꠉꠦꠟ। ꠛꠦꠐꠤꠄ ꠘꠤꠎꠞ ꠡꠞꠤꠟꠞ ꠢꠣꠟꠔ ꠛꠥꠎꠤꠟꠤꠟ, ꠛꠦꠝꠣꠞ ꠇꠝꠤꠉꠦꠍꠦ।

ꠔꠣꠁꠘ ꠙꠥꠠꠤꠞ ꠀꠔꠅ ꠗꠞꠤꠀ ꠇꠁꠟꠣ, “ꠐꠣꠟꠤꠕꠣ ꠇꠥꠝ,” ꠝꠣꠘꠤ, “ꠅ ꠙꠥꠠꠤ, ꠔꠥꠝꠣꠞꠦ ꠇꠁꠀꠞ, ꠃꠑꠅ।”

ꠔꠣꠁꠘ ꠅꠔꠣ ꠝꠣꠔꠅ ꠞꠁꠍꠂꠘ, ꠅꠃ ꠡꠝꠄ ꠝꠍꠤꠖꠞ ꠢꠃ ꠘꠦꠔꠣꠞ ꠛꠣꠠꠤ ꠕꠣꠇꠤ ꠈꠛꠞꠤꠀ ꠀꠁꠀ ꠘꠦꠔꠣꠞꠦ ꠇꠁꠟ, “ꠍꠣꠛ, ꠀꠙꠘꠣꠞ ꠙꠥꠠꠤ ꠔ ꠀꠞ ꠘꠣꠁ, ꠖꠥꠘꠤꠀ ꠍꠣꠠꠤꠀ ꠉꠦꠍꠂꠘꠉꠤ। ꠔꠦ ꠢꠥꠎꠥꠞꠞꠦ ꠀꠞ ꠔꠇꠟꠤꠚ ꠖꠤꠛꠣꠞ ꠇꠣꠝ ꠘꠣꠁ।” ꠅꠁꠟꠦ ꠁꠈꠣꠘ ꠢꠥꠘꠤꠀ ꠁꠍꠣꠄ ꠢꠃ ꠘꠦꠔꠣꠞꠦ ꠇꠁꠟꠣ, “ꠒꠞꠣꠁꠛꠣ ꠘꠣ, ꠈꠣꠟꠤ ꠄꠇꠤꠘ ꠇꠞꠃꠇ꠆ꠇꠣ।”

ꠁꠍꠣꠄ ꠀꠉꠦ ꠅꠃ ꠜꠥꠔꠞꠦ ꠇꠁꠍꠟꠣ, “ꠔꠥꠁ ꠅꠃ ꠛꠦꠐꠣꠞꠦ ꠍꠣꠠꠤꠀ ꠛꠣꠞ ꠅꠁꠀ ꠎꠣ,” ꠄꠞꠖꠣꠄ ꠢꠦ ꠁꠍꠣꠞꠦ ꠅꠃ ꠝꠤꠘꠔꠤ ꠇꠞꠟ। ꠔꠣꠁꠘ ꠅꠃ ꠜꠥꠔꠞꠦ ꠎꠤꠇꠣꠁꠟꠣ, “ꠔꠞ ꠘꠣꠝ ꠇꠤꠔꠣ?” ꠢꠦ ꠇꠁꠟ, “ꠀꠝꠣꠞ ꠘꠣꠝ ꠚꠃꠎ, ꠇꠣꠞꠘ ꠀꠝꠞꠣ ꠛꠃꠔ ꠎꠘ ꠀꠍꠤ।”