Mistari Maarufu ya Biblia kutoka ꠁꠘ꠆ꠎꠤꠟ ১: ꠝꠕꠤ 18

Shirikisha

ꠀꠝꠣꠞ ꠘꠣꠝꠦ ꠎꠦ ꠎꠣꠉꠣꠔ ꠖꠥꠁ ꠛꠣ ꠔꠤꠘ ꠎꠘ ꠎꠝꠣ ꠅꠄ, ꠢꠃ ꠎꠣꠉꠣꠔ ꠀꠝꠤꠅ ꠀꠎꠤꠞ ꠕꠣꠇꠤ।”

“ꠢꠥꠘꠅ, ꠀꠝꠤ ꠔꠥꠝꠞꠣꠞꠦ ꠀꠞꠅ ꠇꠁꠞꠣꠝ, ꠔꠥꠝꠞꠣꠞ ꠝꠣꠎꠞ ꠖꠥꠁꠎꠘ ꠎꠥꠖꠤ ꠄꠇꠝꠔ ꠅꠁꠀ ꠇꠥꠘꠥ ꠛꠦꠙꠣꠞꠦ ꠖꠥꠀ ꠇꠞꠦ, ꠔꠦ ꠀꠝꠣꠞ ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣꠄ ꠅꠃ ꠖꠥꠀ ꠇꠛꠥꠟ ꠇꠞꠛꠣ।

ꠔꠦꠃ ꠁꠍꠣꠄ ꠄꠇ ꠢꠥꠞꠥꠔ꠆ꠔꠣꠞꠦ ꠒꠣꠇꠤꠀ ꠀꠘꠤꠀ ꠔꠣꠞꠣꠞ ꠝꠣꠎꠦ ꠃꠛꠣ ꠇꠞꠣꠁ ꠇꠁꠟꠣ, “ꠀꠝꠤ ꠔꠥꠝꠞꠣꠞꠦ ꠢꠣꠍꠣꠃ ꠇꠁꠞꠣꠝ, ꠔꠥꠝꠞꠣ ꠎꠥꠖꠤ ꠝꠘ ꠚꠤꠞꠣꠁꠀ ꠅꠃ ꠢꠥꠞꠥꠔ꠆ꠔꠣꠞ ꠟꠣꠈꠣꠘ ꠘꠣ ꠅꠅ, ꠔꠦ ꠇꠥꠘꠥꠝꠘ꠆ꠔꠦꠃ ꠛꠦꠢꠦꠡ꠆ꠔꠤ ꠛꠣꠖꠡꠣꠁꠔ ꠢꠣꠝꠣꠁꠔꠣꠄ ꠙꠣꠞꠔꠣꠄ ꠘꠣꠄ।

ꠎꠦ ꠎꠘꠦ ꠘꠤꠎꠞꠦ ꠅꠃ ꠢꠥꠞꠥꠔ꠆ꠔꠣꠞ ꠟꠣꠈꠣꠘ ꠢꠥꠞꠥ ꠝꠘꠅ ꠇꠞꠦ, ꠛꠦꠢꠦꠡ꠆ꠔꠤ ꠛꠣꠖꠡꠣꠁꠔ ꠢꠦ-ꠃ ꠢꠇꠟ ꠕꠣꠇꠤ ꠖꠣꠝꠤ।

ꠀꠞ ꠎꠦ ꠎꠘꠦ ꠀꠝꠣꠞ ꠟꠣꠉꠤ ꠅꠃ ꠢꠥꠞꠥꠔ꠆ꠔꠣꠞ ꠟꠣꠈꠣꠘ ꠇꠥꠘꠥ ꠍꠣꠛꠣꠟꠞꠦ ꠇꠛꠥꠟ ꠇꠞꠦ, ꠢꠦ ꠀꠝꠣꠞꠦꠃ ꠇꠛꠥꠟ ꠇꠞꠦ।

ꠔꠦ ꠀꠝꠤ ꠔꠥꠝꠞꠣꠞꠦ ꠢꠣꠍꠣ ꠇꠕꠣ ꠇꠁꠞꠣꠝ, ꠅꠃ ꠖꠥꠘꠤꠀꠁꠔ ꠔꠥꠝꠞꠣ ꠎꠦꠔꠣꠞꠦ ꠘꠣꠎꠣꠁꠎ ꠇꠁꠛꠣꠄ, ꠁꠔꠣ ꠀꠟ꠆ꠟꠣꠞ ꠖꠞꠛꠣꠞꠅ ꠘꠣꠎꠣꠁꠎ ꠅꠁꠎꠤꠛ, ꠀꠞ ꠔꠥꠝꠞꠣ ꠎꠦꠔꠣꠞꠦ ꠎꠣꠁꠎ ꠇꠁꠛꠣꠄ, ꠀꠟ꠆ꠟꠣꠞ ꠖꠞꠛꠣꠞꠅ-ꠅ ꠁꠔꠣ ꠎꠣꠁꠎ ꠅꠁꠛ।

“ꠑꠤꠇ ꠅꠃ ꠟꠣꠈꠣꠘ, ꠔꠥꠝꠞꠣꠅ ꠎꠥꠖꠤ ꠔꠥꠝꠞꠣꠞ ꠜꠣꠁꠞꠦ ꠖꠤꠟ ꠕꠣꠇꠤ ꠝꠣꠚ ꠇꠞꠤ ꠘꠣ ꠖꠦꠅ, ꠔꠦ ꠀꠝꠣꠞ ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣꠄꠅ ꠔꠥꠝꠞꠣꠞꠦ ꠅꠃꠟꠣ ꠡꠣꠎꠣ ꠖꠤꠛꠣ।”

“ꠢꠥꠘꠅ, ꠀꠝꠣꠞ ꠔꠞꠤꠇꠣꠞ ꠅꠃ ꠢꠥꠞꠥ-ꠝꠥꠞꠥ ꠄꠇꠎꠘꠞꠦ ꠎꠦꠉꠤꠄ ꠉꠥꠘꠣꠞ ꠙꠕꠦ ꠐꠣꠘꠤꠀ ꠘꠦꠄ, ꠅꠉꠥꠞ ꠟꠣꠉꠤ ꠀꠞꠅ ꠜꠣꠟꠣ ꠅꠁꠟ ꠅꠘꠦ, ꠅꠉꠥꠞ ꠉꠟꠣꠔ ꠙꠣꠔ꠆ꠔꠞ ꠛꠣꠘ꠆ꠖꠤꠀ ꠖꠞꠤꠀꠔ ꠚꠣꠟꠣꠁ ꠖꠦꠅꠀ।

“ꠝꠘꠅ ꠇꠞꠅ, ꠇꠥꠘꠥ ꠝꠣꠘꠡꠞ ꠄꠇ-ꠡꠉꠥ ꠝꠦꠠꠣ ꠀꠍꠦ, ꠄꠞ ꠝꠣꠎꠞ ꠄꠉꠥ ꠝꠦꠠꠣ ꠀꠞꠣꠁ ꠉꠦꠟꠦ ꠢꠦ ꠛꠣꠇꠤ ꠘꠤꠞꠣꠘ꠆ꠘꠛ꠆ꠛꠁꠐꠣ ꠛꠘ꠆ꠖꠅ ꠕꠁꠀ, ꠢꠃ ꠀꠞꠣꠁꠟ ꠅꠉꠥ ꠔꠥꠇꠣꠘꠤꠔ ꠎꠣꠄ ꠘꠣ ꠘꠤ?