Mistari Maarufu ya Biblia kutoka Romə tɩ̀án 1

Shirikisha

Cavɩra ba à mʋ̀ Polə jə, sə à swɩ̀n sʋywáŋʋ́ tə à bɩrɩ lɩ̀à nə. Yɩɩ dɩ̀àn wulə sʋywáŋʋ́ təntə wa, sə tə jon lɩ̀à tə mama, ba nə keni ba waa Zwezi-*Kərisə nə, ba cʋna wa. Cwəŋə təntə təntən ka wulə *Zwifə-ba yɩrɩ. Kʋ kwa nə, ka wulə *Gərɛkə-ba tə də yɩrɩ.

Sʋywáŋʋ́ təntə nə bɩrɩ nətʋ tə, Yɩɩ nə pɩn ləzwənə jì cɩ́gá tíú ʋ mʋ̀ Yɩɩ yáá con. Kʋ yoo təntə cwəŋə də̀ń laŋʋ də kʋ yígúrə́ nə yɩ, sə lɩ̀à tə kəni ba waa Zwezi-Kərisə nə wuuu. Kʋ yɩ ndə, kʋ nə pʋ́pʋ́nɩ́ Yɩɩ sagɩ tə wa, kʋ wʋ́: «Lìù tə, ʋ nə keni ʋ waa Zwezi nə, Yɩɩ yàá pa ʋ jì cɩ́gá tíú, ʋ mʋ̀ Yɩɩ yáá con. Yá ʋ mʋ̀ lìù təntə wá ya mɩɩ wa, kʋ nə ba zwɛ̀e Yɩɩ con».

Lìù mama yà tə wà nɩ Yɩɩ nə yɩ nətʋ. Yá kʋ nə zɩgɩ máŋá tə wa, Yɩɩ nə fwa lʋʋ, kʋ ja bà kʋ yí zə̀n, wiən tə, ʋ nə fwa, tə bɩrɩ nətʋ tə, ʋ nə yɩ. Tə ma bɩrɩ də, cɩ́gá mama, ʋ jə dɩ̀àn, tə nə bá zwɛ̀e, abada də. Tə ma kʋ́ʋ̀ bɩrɩ də, ʋ mʋ̀ cɩcɩ cɩ́gá nə yɩ Yɩɩ də. Ba yə̀ə́ də, Yɩɩ wulə zəni, yá ba ga vɩ, sə ba pa wá dun, nə à yə̀ə́, sə ba kə ʋ lɛ̀eɛ̀e, ndə ba nə mɛ, sə ba fwa nətʋ. Kʋ mʋ̀ nə pɩn, ba kʋ́ʋ̀ wàrɩ̀ ba swɩ̀n də, ba wà ʋ mʋ̀ Yɩɩ nii zìlí, ba nə yə̀rì wá yɩrɩ. Yá ba bɩcanɩ kʋ́ʋ̀ ba pubʋŋa jə. Ba yə̀rì won mama, ba ga yə̀rì yozəŋu də.

Lìù mama yà tə wà nɩ Yɩɩ nə yɩ nətʋ. Yá kʋ nə zɩgɩ máŋá tə wa, Yɩɩ nə fwa lʋʋ, kʋ ja bà kʋ yí zə̀n, wiən tə, ʋ nə fwa, tə bɩrɩ nətʋ tə, ʋ nə yɩ. Tə ma bɩrɩ də, cɩ́gá mama, ʋ jə dɩ̀àn, tə nə bá zwɛ̀e, abada də. Tə ma kʋ́ʋ̀ bɩrɩ də, ʋ mʋ̀ cɩcɩ cɩ́gá nə yɩ Yɩɩ də. Ba yə̀ə́ də, Yɩɩ wulə zəni, yá ba ga vɩ, sə ba pa wá dun, nə à yə̀ə́, sə ba kə ʋ lɛ̀eɛ̀e, ndə ba nə mɛ, sə ba fwa nətʋ. Kʋ mʋ̀ nə pɩn, ba kʋ́ʋ̀ wàrɩ̀ ba swɩ̀n də, ba wà ʋ mʋ̀ Yɩɩ nii zìlí, ba nə yə̀rì wá yɩrɩ. Yá ba bɩcanɩ kʋ́ʋ̀ ba pubʋŋa jə. Ba yə̀rì won mama, ba ga yə̀rì yozəŋu də.

Ba yá Yɩɩ cɩ́gá tə, ba ga pú kʋnkʋn kwa. Ba tʋŋa ba pɩn wiən tə nə, Yɩɩ nə fwa, də ba pɩn tə dun, ba ga yá Yɩɩ tətə, ʋ nə fwa tə wiən təntə mama. Yá ʋ mʋ̀ nə ba yà mɛ, sə ba bʋ ʋ nə, máŋá mama wuuu, kʋ nə ba zwɛ̀e. Amɩɩna!

Yɩɩ bɩrɩ də, ʋ lɩŋa zaŋa ʋ sàń tə nə, lɩ̀à tə tʋtʋnkʋkwɩnan tə mama yɩrɩ, ʋ nə ba pɩ̀à, də kʋnkʋn yìə̀n yɩrɩ. Mə tə mʋ̀ nə, ba ma cɩ̀ lɩ̀à tə yáá nə, ba dàn ká lwarɩ cɩ́gá tə.

Mə kʋ mʋ̀ nə pɩn, Yɩɩ dàń ma yá ba, sə ba fwa cavɩyiən tə, ba nə swə tə fàŋʋ́. Ba kana dàń yá bara nə, ba pìí ba pəni ba duən kana, ba ma tʋŋa yìə̀n duən yɩra, tə nə wà mɛ. Bara tə də con, ba də tʋŋa kʋ yoo təntə. Ba də yá kana tə nə, ba duən bara fɩra ga pìí kʋ gwɩ ba. Ba də pəni də ba duən bara, ba ma tʋŋa cavɩyiən duən yɩra. Càn nə wá ya ba ŋwɩ́rán, tə yolwana təntə yɩrɩ, ba nə fwa. Ba mʋ̀ lɩ̀à təntə ba pɩ̀à, sə ba lwarɩ Yɩɩ. Kʋ mʋ̀ nə pɩn, Yɩɩ ma yá ba, sə ba pubʋŋa tə ya pubʋnkʋkwɩʋn, sə kʋ pa ba tʋn yìə̀n tə, ba nə wà mɛ, sə ba tʋn.

Ba swɩ̀n də, ba mʋ̀ jə wʋbʋŋa, yá ba ga yə̀rì də, ba yɩ ləyərən. Ba mʋ̀ con nə, ba yá dun Yɩɩ tə, ʋ nə wàrɩ̀ ʋ tɩ ʋ pwɩ, yá ba ga jʋ̀nɩ̀ woŋwanan. Tə woŋwanan təntə yɩ ləzwənə nyɩnyɩga, ba nə sárɩ́, yá ləzwənə tətə ga tɩ ʋ pwɩ. Tə duən də nyɩn də zuŋi. Tə duən də nyɩn də vàná, tə nə jə nɛɛ banɩa, tə duən də kʋ́ʋ̀ nyɩn də wiən tə, tə nə vəli tə pùə́ ban.