Mistari Maarufu ya Biblia kutoka Roma 2

Shirikisha

Ŋo ge naŋane kimane, ge masi tanik mide, iwa goŋomka okan warenom paki, ŋei natne eŋeka kineene ma wakoniyake, yale mane misuk raikene! Ge wetke ramaine, ge baŋ Kaisale wane kine ma wakon ma wakon eya baŋ kakak kaikene me? Me ge eŋane wet pesek, peyam maine, zok kakapa suwaine okangangi paki, loloŋgane geki, ge dere qewoloŋ okane gemaine. Welekatne ge mo detmaine Kaisale eŋe wet pesek okanganmaike, yemo onoka wane mida eŋe goŋo wetŋone maingekenane raki paki, iwengane gemaike.

Kimane, ge ŋei ŋerep natne eŋane solaeno qenom paki, eŋe mo sot korop ra, wanok wanok urata eya mo mamaine baŋ yale ma okanmaŋkene me? Ge mane maŋo geŋone sotŋone maine mi motkekene. Ge ŋei natne eŋane kineene ra wakonnom paki, eŋe okanmami, ge masi yewaka siluŋ okane more, ge goŋomka kineŋone ma wakonmaine.

Kaisale eŋe ŋei ŋerep gege mageenane rokopko turuŋine eboniyake.

Ra rokop don ketŋoka dere qewoloŋ okanmami, ŋei yaline eŋe Kaisalerop ŋei koboine mi gekei, ra rokop donŋo ramaike, yewa keteneŋo dere teweke ma okanmami, ŋei yaline edoka Kaisalerop ŋei koboine gekei.

Kaisale eŋe baŋ ŋei ŋerep korop gege mageene okane ma gekoi, eya wane rokopko turuŋine eboniyake.

Ŋei natne enŋenaneka wetke ge okanmami, so don wele eya ŋadekkau paki, masi tanik borikine eya mogare gemami, eŋane kuteno yemo baŋ Kaisale wane sot osi osi so busuŋo qakki wayake.

Ŋo siluŋ ge wetŋone togogole mi zinge zingine ma gemaine, eso yalinane ge goŋomka turuŋine marat kaikenane dubuke wa magenom, kakapa suwaine okangi, naso suwaine yewao Kaisale wane sot osi osi, so kine ma wakon ma wakon koboine baŋ wakongi gaeyake.