Mistari Maarufu ya Biblia kutoka Roma 3

Shirikisha

Ŋei korop borikine ma warekoi paki, Kaisale wane ebu ebu kibi qelaŋanine yewa kakale rau paki, eri abaran ari warekoi. Ŋo siluŋ Kaisale qomine rarainane seseone more, wet menaŋine yewa lewine midaine, yaup eŋe korop ebu more, Kristo Yesuŋo borikino ŋine siwot ongane, eŋane raki paki, eŋino koboine biraonge.

Kaisaleŋo ŋei eŋe Yesu Kristo detlukkau paki malipkakei, eya wane ŋei koboboine edorayake. Kaisale eŋe masi iwa yemo ŋeiwa korop diyawa edo Kristo malipka gemami, eŋe okanoniyake, onoka wane kineine etkeka mi pamaike, Midakaka.

Kaisaleŋo seukeyakane ra mangane, eŋe gegeine qaisik kaki, weŋemineŋo ŋei korop eŋe detlukakei, eŋane borikine-enane turuŋ ma more seuke more saukki mo siukke. Kaisale eŋe masi yewa okangi paki, tanik manik koboboine eya wane kine ma wakonge. Mo alakan yemo eŋe loloŋone more, ŋei eŋane borikineene yewa qeliŋgi pake. Wane naso iwao yemo, eŋe ŋei eŋane borikineene eya ka modare eŋine masi tanik koboboine eya wane kine ma wakonge. Eŋe numa yaleoken okangi paki, Kaisale oŋom koboboine gemaike, eya wane kine sikanonge paki, eŋe ŋei natne Yesu malip kamami eya ebuki koboboine okanmami.

Ŋei maneŋo ra rokop don teweke ge mage more, Kaisale wane kaitko koboine mi okorayake, ra rokop don yemo eŋe ŋei sot okange yewa sikankaki, ka detkayake, eya wane.

Eya wane Kaisale wane ekapko iwa yale ramaike, “Ŋei maneŋo koboboine mi gemaike, Ŋei maneŋo dereret korop mi gemaike, me maneŋo Kaisale kayakane mi zuwaŋka okanmaike. Ŋei korop eŋe Kaisale qeliŋka qeyau ariwarekoi, eŋe korop borikine okan warekoi, weku maneŋo maine mi okanmaike.

Ŋene ramaine, yemo ŋei eŋe mali malipinane weku ra more, koboboine Kaisale wano biraka okanmaike, eso ra rokop donŋo raki teweke okanmaike, eya wane mida.

I Midakaka! Kaisale eŋe don welekatne ra okanmaike, ŋo ŋei korop eŋe isi okanmami, eya wane Kaisale wane ekapko iwa yale ramaike, “Ge dongo biraganbi, ge don raraŋone eyaŋo bile okangi, ge maine don yuwangene.”