Mistari Maarufu ya Biblia kutoka Sigingo 7

Shirikisha

Me KOTA GBIA atene na Moïse: “Baa, mbi zia mo tongana nzapa na ndö ti Faraon; fade ita ti mo Aaron ayeke ga zo ti tenengo peko ti tënë ti yanga ti mo.

Ti mbi, mbi yeke sara si be ti Faraon akpengba; mbi yeke sara aye ti kpene na aye ti dongo be mingi na kodro ti Ezipte. Me lo yeke ma ala pepe. Tongaso, mbi yeke fâ ngbanga ti ngangu na ndö ti azo ti Ezipte si mbi yeke zi azo ti mbi, azo ti Israel, na kodro ti Ezipte ti sigigi na ala na lege ti molongo ti amara ti ala oko oko.

Na ndembe so mbi yeke yoro maboko ti mbi na ndö ti Ezipte si mbi yeke zi azo ti Israel na popo ti ala ti sigigi na ala, na ndo so laa azo ti Ezipte ayeke hinga atene, mbi laa mbi yeke KOTA GBIA.”

Me gbia Faraon airi azo ti hingango nda ti aye nga na anganga; azo ti mazi ti Ezipte so asara gi mara ti ye so na lege ti mazi ti ala. Zo oko oko abi keke ti lo na sese si keke ni aga ngbo. Me keke ti Aaron amene akeke ti ala kue.

Tënë so KOTA GBIA atene ayeke so: ye so ayeke fa ti hinga atene mbi yeke KOTA GBIA ayeke so: mbi yeke pika ngu ti Nil na keke so ayeke na maboko ti mbi so si ngu ni ayeke ga mene.

“Tongana Faraon ahunda na ala ti sara mbeni ye ti dongo be, fade mo Moïse, mo tene na Aaron ti mu keke ti lo, ti bi na sese na dawa ti Faraon; fade keke ni ayeke ga ngbo.” Moïse na Aaron ague na ndo ti Faraon si ala sara ye ni gi tongana ti so KOTA GBIA amu yanga na ala. Aaron abi keke ti lo na dawa ti Faraon nga na dawa ti azo ti gbe ti lo si keke ni aga ngbo.