Mistari Maarufu ya Biblia kutoka ᐁᑭᓴᑕᔅ 7

Shirikisha

ᒦᑕᔥ ᒨᓯᔅ ᑳᐃᑯᒡ ᑳᑎᐯᒋᑫᓂᒡ, ᐃᓇᔥᑫ ᑭᐐ ᐃᔑᐃᓐ ᑖᐱᔥᑰ ᐁᑭᔐᒪᓂᑑᐎᐗᒡ ᒋᓈᓯᑲᐗᒡ ᑭᒋᐅᑭᒫ᙮ ᐊᐊ ᑕᔥ ᑭᓴᔦᔅ ᐁᕒᐊᓐ Aaron ᑭᑲ ᑮᑭᑑᑕᒫᒃ᙮

ᓂᐐ ᑑᑕᐙ ᓴ ᐯᕒᐆ ᒋᔕᔒᐱᑕᕽ᙮ ᒫᓄ ᓴ ᐃᓂ ᓂᑭᑭᓇᐙᒋᒋᑲᓇᓐ, ᓂᒪᔥᑲᐎᓰᐎᓇᓐ ᑲᔦ ᒋᐙᐸᒋᑳᑌᑭᓐ ᐃᐃᒫ ᐄᒋᐸᑮᕽ᙮ ᐊᐲ ᑕᔥ ᐱᓯᑕᐎᓯᓄᒃ, ᒦᑕᔥ ᐃᐃ ᑳᐐ ᑭᒋ ᓴᓇᑳᑯᓂᒪᒃ ᐅᐱᒫᑎᓰᒪᐞ ᐄᒋᐸᑮᕽ ᐁᔮᓂᒡ᙮ ᓂᐐ ᓵᑭᒋᐎᓈᒃ ᐃᔅᕒᐃᔭᓬᐊᒃ ᑳᑎᐯᓂᒪᒀ ᐃᐃᒫ ᐄᒋᐸᑮᕽ᙮

ᒦᑕᔥ ᐄᒋᐸᑮᕽ ᐁᔮᐙᒡ ᒋᑭᑫᓂᒥᐙᒡ ᓃᓐ ᐁᑎᐯᒋᑫᐗᒃ ᐊᐲ ᑭᒋ ᓴᓇᑳᑯᓇᒀ ᐐᓵᑭᒋᐎᓂᒪᒃ ᐃᔅᕒᐃᔭᓬᐊᐞ ᐁᔮᓂᒡ ᐅᑕᑮᐙᕽ, ᐅᑮᐃᑰᓐ᙮

ᒦᑕᔥ ᐯᕒᐆ ᑫᐐᓐ ᑳᑮ ᐊᑐᒫᒡ ᑫᑮᑖᐗᑭᓱᓂᒡ ᐃᓂᓂᐗᐞ, ᒣᒫᑖᐎᓯᓂᒡ ᑲᔦ᙮ ᒦᔥ ᐯᔑᑾᓐ ᑳᐃᔑ ᒪᒫᑖᐎᒋᑫᓂᒡ ᐃᐃ ᐄᒋᐸᑮᕽ Egypt ᐌᒌᓂᒡ᙮ ᐁᑕᔑᓂᒡ ᓴ ᐅᑮ ᐊᐸᑭᑑᓂ ᐅᓴᑲᐅᓈᑯᓂ, ᒦᔥ ᑳᐃᔑ ᑭᓀᐱᑯᓭᓂᑭᓐ᙮ ᐁᕒᐊᓐ ᐃᑕᔥ ᐅᓴᑲᐅᓈᒃ ᑳᑮ ᑭᓀᐱᑯᓭᓂᒃ, ᐅᑮ ᑯᑕᒦᓂ ᐃᓂ ᐅᓴᑲᐅᓈᑯᓂ ᑳᑮ ᑭᓀᐱᑯᓭᓂᑭᓐ᙮

ᒦ ᓴ ᑕᔥ ᐅᐅ ᑳᑎᐯᒋᑫᒡ ᐁᑭᑐᒡ: ᒦᑕᔥ ᐅᐅ ᑫᐅᒋ ᑭᑫᑕᒪᓐ ᓃᓐ ᐁᑎᓄᐎᔮᓐ ᑳᑎᐯᒋᑫᒡ᙮ ᐃᓇᔥᑫ ᓂᐐ ᐋᐸᒋᑑᓐ ᐅᐅ ᓴᑲᐅᓈᒃ ᑳᑕᑯᓇᒫᓐ ᐁᐐ ᐸᑭᑌᐊᒫᓐ ᐅᐅ ᓈᔭᓬ ᓰᐱ, ᒦᔥ ᑫᔑ ᐋᑖᑲᒥᓭᒃ ᒋᒥᔅᑸᐙᑲᒥᒃ᙮

ᐊᐲ ᓴ ᐯᕒᐆ Pharaoh ᐅᐅ ᐃᓂᓀᒃ, ᒫᒪᑳᒋᒋᑫᒃ, ᐅᐅ ᓴ ᑕᔥ ᐃᓈᑲᓐ ᐁᕒᐊᓐ, ᐃᐃ ᑳᑕᑯᓇᒪᓐ ᑭᓴᑲᐅᓈᒃ, ᐊᐸᑭᑑᓐ ᐁᓈᓴᒥᐊᔮᒡ ᐯᕒᐆ, ᒦᑕᔥ ᒋᑭᓀᐱᑯᓭᓂᒃ, ᐅᑮᐃᑯᐙᓐ᙮ ᒦᑕᔥ ᑳᑮ ᐊᑕ ᐙᐸᒫᐙᒡ ᐯᕒᐆᓐ, ᐁᑮ ᐃᔑᒋᑫᐙᒡ ᑳᑮᐃᑯᐙᒡ ᑳᑎᐯᒋᑫᓂᒡ᙮ ᒦᔥ ᐁᕒᐊᓐ ᑳᑮ ᐊᐸᑭᑑᒡ ᐅᓴᑲᐅᓈᒃ ᐁᓈᓴᒥᐊᔮᓂᒡ ᐯᕒᐆᓐ, ᐃᐃ ᑲᔦ ᐅᑖᓂᑫᐎᑭᒫᒥᓂ, ᒦᔥ ᑳᐃᔑ ᑭᓀᐱᑯᓭᓂᒃ᙮