Mistari Maarufu ya Biblia kutoka Rom 10

Shirikisha

Ya, i buku none ou asehek na bohom eme lewan anya, “Handru, Jises badeh, iy Laban,” ma ou atehei budon tam handru na ndrinem katiye ta Kindrei badeh, mete-ei Jises ta imek handru, idah kameh, iy akohok ou ame hamon.

Tasah, ou badeh, atehei budon tam handru na ndrinem, ya eme Kindrei aloh ou mwasin mara-ei ta madan. Ma ou asehek sahou na bohom eme lewan, ma eme iy akohok ou ame hamon.

Eme ma, taha tanan, taha anuhun sahou ta Kindrei, ya sahou tan badeh, tiyani budon tataha handru asahan. Ma sahou asehek doh badeh, sahou ta nyala Krais.

I le buku none buk ndrabun mene ndrasehek anya, “Are lau atehei budon tan handru in tan kameh iy winiyan bani bwilima bwe.” Tasah, iri Juwis ma hawe iri lau badu leheleh badeh, ari ndrokowa iri aliy bwe. Laban turu ma lubuk badeh, Laban le ari, iy Laban tiri mari. Ma iy edeu nyosowan solo-an mwasin i tiri mari ala aloh nyaran i san ta asolom ma ndremenya iy ta seben. I buku buk ndrabun ale ndrasehek anya, “Lau amekes salom na nyara Laban ma ndremenya iy ta seben kameh, iy winiyan sebenei iri.”

Ya, i buku none ndramak basuni oro lau rayah bala len bwe, na saba san kameh oro lau nane atiye sahou doh? I buku ndratorowenei udu bolo buk ndrabun, “Lau sekesek handru ta anyolom ma anuhun ndramak atiye sahou mwasin.”

Ya, buku none iri batehei budon tiri handru ba-en tan bwe, na saba san handru kameh iri aloh nyaran i san ta salom ma ndremenya iy ta seben? Ya, i buku none iri banuhun sahou ta nyalan bwena bwe, na saba san handru kameh iri atehei budon tiri handru in tan? Ya, i buku none iri lau batiye sahou mwasin bala tiri bwe, na saba san kameh iri anuhun?

Tasah, Krais ndraweneyani batanau malen ta Moses kabwe, ya eme are lau oro atehei budon handru le badeh, Kindrei aloh iy mwasin mara-ei ta madan.