Mistari Maarufu ya Biblia kutoka Rom 11

Shirikisha

Taha mara-ei winiyan bwe! Tasah, lakou mari asahan badeh, iy le amekes; Iy asehek na le bohon badeh, lakou asahan i le buku aliy; Ma iy amekes iri lakou mara-ei badeh, tan le ari. Ya ta katin le doh badeh, taha lau mari katudun iy kudu le buku doh. Handru!

Handru labai, Kindrei amekes mwasin solo-an labai eme tataha mari. Lomondra tan ta aleben ndra amwenen le, Ma tanan tan badeh, ili labai. Taha winiyan batakalahei kati budon tan ta aleben bwe, Ma taha winiyan bala tanan tekedek tan bwe.

“Are lau handru, iy ndratanan iri budon marakon ta Laban? Ma, are lau winiyan batanau iy ta sasah?”

Ya eme na len dah i le buku aliy, na tikisiy ta Kindrei le, iy solo-ei oro rayah le tawi oro areu. Iy atehei tikisiy badeh, i kati budon tan, ya buku iy anya kasolo-ei ndramak badeh, iy ba-en hamon ta lahou ndramak amekes doh bwe. Tasah, ki buku none Kindrei kasolo-ei ndramak ki-in hamon le ta lahou iy amekes, idah kameh tikisiy tan ari moson bwe.

Iri lau badu Isra-el badeh, i buku kei olip ateh udu bolo bilin. Kindrei eme tubwani andran rayah ma akahei iu. Ya, aha lau badu leheleh badeh, i buku andra kei olip ateh laleyah udu bolo lokei. Eme aha andra olip saniy badu bolo lokei doh badeh, Kindrei andrei aha ala ya tabahani aha ahas ala bada ndro-o andra olip rayah nane udu bolo bilin. Ma eme gwa edek bolo kandron eme ma nyohonei bakatabadah dah akuk ma andra iri basara bwe, uru asahan ari buruwen. Eme ya aha andra olip ta bakatabadah, mada aha sandra-i sala toro andra olip udu bilin ibok mene, ndri-iy. Tasah, aha badeh, andran laleyah; aha akohok nyosowan ma boto-on badeh, edek udu ta kandron le. Kandron badeh, balelei aha bwe.