Populära bibelverser från 1 Jean 4

Dela

Sama od’a nga mi le mandar ri, kayam o mam mba ndak memeta nga d’i dik mandarâ woyo. Hina, sama nga ki o d’a memeta d’uo na, nga mi le mandarâ, kayam mandarâ nga mi mba ki ndaka.

Grona, agi ni suma hAlonina, agi kuzugi wa yam suma djok vun suma ka zlad’a, kayam Muzuk ma nga kurugina, mi kal muzuk ma nga kur suma duniyad’ina ki ngola.

Ei nga lei od’a, ni kayamba Alona mi le kei adjeud’a.

Buniyôn suma od’a, ar ei leigi yam teya, kayam od’a tcholï nata Alona. Sama lara pî ma nga mi le od’ina, Alona mi vud’um mi mamu, mi wAlona mi.

Sama nga mi le od’a d’uo na, mi we nga Alona d’i, kayam Alona tamba ni od’a.

Wana ni od’a: Ni ei ba, lei yam Alona d’i, wani ni mam ba, mi le keya, mi sunï Goroma á mbut tam vama ngat buzuna kayam mam vat hurum mbei yam tcho meid’a.

Buniyôn suma od’a, le Alona mi le kei na ni, mbeî ei lei yam tei na mi.

Wana ni od’a hAlona d’a mi tageizi woid’a: Alona mi sunï Gorom ma tu gid’engâ kur duniyad’a, kayam ei kagei karid’a kamu.

Le sana mi dala: An le yam Alona, le mi noî wiyema woyo ni, mam mi ma ka zlad’a. Le mi le nga yam wiyem ma mam wum ki irama d’uo ni, ni nana ba, mi le yam Alo ma mam wum nga ki iram mbuo na ge?

Sama lara pî ma mi de woi ala: Jesus nAlona Goroma na, Alona mi nga kaka kurumu, mam mi nga kaka zlapa tu kAlona mi.

Wana ni vun ma he ma Christ heizina: Nala, sama nga mi le yam Alonina, djivid’a mi le yam wiyema mi.

Buniyôn suma od’a, ar agi hagi gagazid’a yam suma a nga dala azi nga ki Muzu’â na pet ti, wani agi kugugiziya, agi wagazi na ni muzuk máma tcholï ni gen Alona zu? Kayam suma djok vun suma lop ira ablaud’a a b’rau wa woi kur duniyad’a. Lovot ta agi wagi ki Muzu’â hAlonina ba wana: Muzuk ma lara pî ma nga mi de woi ala: Jesus Christ mi mbut sana na, ni muzuk ma tcholï gen Alonina.

Wani muzuk ma lara pî ma nga mi de hina woi yam Jesus d’uo na, mi nga ki muzuk ma tcholï gen Alonina d’i. Ni ma nga ki muzu’â hi Ma djangûna hi Christ-sîna, ni ma agi humugizi zlam ala nga mi mbana; ki tchetchemba, mi nga kur duniyad’a da’.