Populära bibelverser från Exodo 3

Dela

Kinuna ti Dios, “Siak ti siak. Daytoy ti ibagamto kadagiti Israelita, ‘Imbaonnak ti mangawag iti bagina iti SIAK.’

“Addaakto kenka,” insungbat ti Dios, “ket daytoyto ti pagilasinan a siak ti nangibaon kenka: Inton mairuarmo dagiti tattaok iti Egipto, agdaydayawkayto kaniak ditoy a bantay.”

“Dika umas-asideg,” kinuna ti Dios. “Ikkatem ta pallokam ta nasantoan ti daga a pagtaktakderam.

Kinuna ni Yahweh, “Nakitak ti nakakaasi a kasasaad dagiti tattaok idiay Egipto. Nangngegko ti panagdawatda iti tulong gapu iti pannakaparparigatda. Wen, ammok dagiti sagsagabaenda. Bimmabaak tapno ispalek ida kadagiti Egipcio. Iruarko ida iti dayta a daga ket ipanko ida iti daga a nadam-eg ken nalawa. Nabaknang ken nabunga daytoy a daga a pagnanaedan ita dagiti Cananeo, Heteo, Amorreo, Perezeo, Heveo ken Jebuseo.

Sadiay, nagparang kenkuana ti anghel ni Yahweh a kas gumilgil-ayab nga apuy nga aggapu iti tengnga ti bassit a kayo. Nakita ni Moises a sumsumged ti kayo ngem saan a marunot.

Ita, ibaonka iti ari tapno iruarmo dagiti tattaok nga Israelita manipud Egipto.”