Populära bibelverser från Micha 4

Dela

Jieda Volkj läft doano aus äa Gott daut haft, oba wie woaren opp emma soo läwen, aus ons HAR un Gott daut haben well.

Un väle Velkja woaren doahan gonen un sajen: Komt, well wie opp däm HARN sien Boajch nopp gonen un doa no daut Hus von Jakob sienen Gott. Dee woat ons unjarechten, waut wie doonen sellen, soo daut wie läwen kjennen, soo aus am daut jefelt. Daut Jesaz kjemt von Zion, un däm HARN sien Wuat kjemt von Jerusalem.

Doa woat eene Tiet komen, wan de Boajch, wua däm HARN sien Hus steit, de wichtichsta Boajch sennen woat, un woat hecha sennen aus aule aundre Boaj. Un de Velkja woaren doahan streemen.

Hee woat de groote Velkja rechten, un väle Lenda wiet un breet trajchtstalen. Von äare Schwieed woaren see Pluach Schoaren moaken, un von äare Spiessen woaren see Säakjel moaken. Kjeen Launt woat jäajen daut näakjste daut Schwieet opphäwen, un see woaren nich jäajen eenaunda Kjrich plonen.