Populära bibelverser från Matáyoso 24

Dela

Bɔbɛ gasans nɛnama nɛ́nyá ká ɛlɛ́ga yá giod gá band gonig. Mɔnd ugɔnuɔ́mínɔɔn gɔg meyú guám agá gusúgúdenyi, Gɔdányá gosódi wɔ́.

Bɔ́gɔyɔ ndág yá nsɔ́m ya bufúŋ bá muana agá gus gidigid ká egúl gidigid yá gus ɔ́b yɛ́, ány guman gá gus bád gusiám.

Nugɔ́bɔɔn bódógonyi bide, na bioŋúl bá bide, nudɛbiá gɔg buwa, búguófoon ká búbiál, ta anaány, búdigabá guman gá gus.

Gɛdɔŋ gebígébelidinyi sɔ́g gɛdɔŋ, bufuŋ bígébélidinyi sɔ́g bufuŋ nsana gabá agá mɔkɔɔ́m, gus biéyen agá mɔkɔɔ́m. Manda amaány gidigid gabá anyɛ gubanyɛg gá meyú má nubiényé.

Na gus na muana ánɔ́dɔ́mb, móony mám digadɔ́mb.

Band giod gólón agá ɔfɛ́n wám, bɔ́gɔyɔ ká: “Yaŋuá nnyá Kilíse”, bégeneneni band giod.

Band gaal ká bénúsésenyi, bɔ́nuɔ́nɔ́, band bá gus gidigid ganúfɛ́ma gá busió bá ɔfɛ́n wám; Giod gabɛ́yɛ́bɛd guádáb gɛsɛgɛl igiány; bɔ́gɔsɔ́mɔnɛn bónd báfɛ́manɛn. Mubús má bɛsɔbɔ giod gaám buas agá giŋi ká bénénenyi giod gá band

Uwondinyi bɔ́ ká: «Ánubɛ́nyáŋanyáŋ, mɔnd dinúnéní.

Buád buandá, banuá sɔ́n, ánɔbá babɛ́dábɔ́nan, gobúsió ká gigúl igiány ɛgɛ́ núnɔmɔnɔmá gɛ́gɛ́ yaŋuá Mɔɔn wá mɔnd ngenúul.

Énubíbídenyi gágual ká nudɛgɔ́lɛnsan buɔ́s ubú Ɔgúnɔ́ wanɔ gonúsiondo.

«Agá giáy gá budug na gɛsɛgɛl ɛgɛ́ manda amaány ganúbiála, ta mɔnd udɛgɔlɛnsan; ta ɛngɛlɛs bá muana, ta mɔɔn, asiá Babá uwɔ́ eŋényé.

Gágual ká bekilíse bá bɛsɔbɔ na mubús má bɛsɔbɔ gámaan buas na buas, bála bigégén bá manda na bisey ká béneni band, ta band bányá beyíden, búmabá yɔd yɔd.

Anaány buanda búmáabɛ́dɔ́mbaán gá gigul gá Nowé, ganuánd gubídɔ́mbaan gá gúul gá Mɔɔn wá mɔnd. Búmabá ká, ká nɔbɔl ná gifúfie mányɛ núdɛ́guá, band manyánán, bábúwánan, begíŋe bagánd, béŋeen bɛgɔna bɔ́b gá bigiŋ gutɔ guám anyɛ́ Nowé méebíŋín agá gilu; bádimáagɛ́nan ta na buanda, guám anyɛ́ nɔbɔl ná gifúfie móol unuɔ́nɔ bɔ́ ták. Anaány guúl gá Mɔɔn wá mɔnd ganúbá.