Populära bibelverser från Matie 18

Dela

Ɛ'ɛ ‑bhö nyɩasɛ, ‑maa, a yi 'sɔ ‑bhli oo, a yi ta ‑bhli oo, dɛ a ‑kä na 'nglɩ 'mö 'wlu 'yɩbhänɩɩ, n ‑wʋanyɩ jijo'wʋ.»

Sɛ'ɛ n gbä'ɛɛ nɩɩ: Mä'ä dʋdʋ 'wʋ, a gla'mö a nɩkpa 'sɔ, wa ‑kä dlɩ ‑bhʋlʋ 'mö na dɩba Lagɔ ‑ɔ ‑wʋ ‑mä ghäyɩ 'wʋ ‑lu 'yɩbhänɩɩ, ɔ yuënyɩ 'nyɛ.

Wa gbää sa'aa, 'n Zezwii yiɛ 'ywilɛ wäzɩ, ‑lɛ wa jijo'wʋ 'n ɔ yoo ‑lɛ 'nigba. Ɔ lɛ naa: «‑Tiamö n nyanyɩɛ dɛ'ɛ 'dɩ nɩɩ: A 'nɩ anyɩ dʋdʋ 'wʋ ‑lɛ a 'kä 'yuë a sɛ ‑wʋʋ, 'pɩwʋ mää Lagɔ 'kämanɩɛ, a 'naa 'kä ‑mä 'bhle ghlɩ 'lɩlɩlɩ.

‑Ɔ lɛmöä ɔnyɩ dʋdʋ 'wʋ ‑ɔ ‑wʋä 'yu a sɛɛ, 'pɩwʋ mää Lagɔ 'kämanɩɛ, mɔɔ 'kää ‑mä dɛsɛ ‑kä mɔɔ 'kää ‑muë'la 'wuë 'wʋ zi.

Sɛ'ɛ n gbä'ɛɛ nɩɩ, sɛ'ɛ a 'ywilɛ, ‑ɔ ‑kɔɔ na 'nglɩ 'mö pälaa, na'bhë ‑amö ɔ yɛɛ päla.

Abhʋa na ‑nʋa, ‑tiamö n nyanyɩɛ dɛ'ɛ 'dɩ nɩɩ: 'Saa a 'kää mä'ä dʋdʋ'wʋ gwaa, wʋ yi ‑mä zlɩ 'mö ‑gwa, 'Saa a 'kää mä'ä dʋdʋ 'wʋ bulonɩɩ, 'wʋ yi ‑mä ghäyɩ 'wʋ ‑bulonɩ.

‑Maa sɛ ‑bhʋlʋ ‑kpɔ 'la ‑sɩbhä a gla'mö a ‑mɔ ɔ 'lilɛ ‑kä ‑lizoku 'wlu nʋ, 'n ɔ 'nɩ ‑mä 'ɔ dlɩɩ 'wuë zɛmö yɩ gbʋ 'yi 'tatinɩɩ, ‑sɩbhä na dɩba Lagɔ ‑ɔ ‑wʋä ‑mä ghäyɩ 'wʋ 'kɔɔ 'zʋmö.»

Na ‑nʋa a gla'mö a ‑nɔ ‑bhlʋ, ‑ɔɔɔ dɛsɛ ‑kä nɩkpa 'yila 'klʋ a dɔ'wʋʋ, 'n nɩkpɛ ‑kɔɔ dula 'n ɔ ‑kɔɔ na gbʋ dlɩ 'wʋ ‑sɛɛ, ɛ nɩkpɛ 'la, yɩ nɛnɩ ɔ dɔ'wʋ nɩɩ, wa nɩ gwanɔɔ kpiyigwli ‑bʋlʋ 'mö, nzɩɩ wa 'kɔ ‑mä gïnyɛ 'mö 'pä.

A dɔ'wʋ, nɩkpɛ ‑kä wïla a gwlɩ ngbï ‑kä, 'n yɩ gla'mö a ‑bhlʋ ‑kä tʋʋ, sɛ ɔ 'kä bhä 'zʋ 'nɩ? ‑Mi'la a gwlɩ ‑mʋäna kʋgbä ngbï‑mʋäna ‑kpɔ 'mö ɔ 'kää ‑lɛ tɩ, ‑mɛ'la ‑bhlʋ ‑kpɔ ‑ɛ tʋʋä, ɔ 'kɛ sɛ tɛlɩɛ mö.