Populära bibelverser från ኤፍ 6

Dela

ኑ̈ኒ ኦሊ̇ንቲ̇ዛ̈ዲ ኣሳባር ጊዳካ̇ይዶን ዓና̇ ም ኣላሚን ጋልዳ ኦ̈ዝ ዎልቃ̇ባሮንባራ፣ ጋዣንባራ፣ ኣላቃንባርኬ ኣፋ ዎ ዎልቃ̇ባሮ ኢ̈ታ ኣያ̇ናንባራ።

ጌ̈ሻ ኣያ̇ና ዪንታ̇ ቲ̈ናዚንዲፌ̈ኒ ዎይ ጋላስ ዎይ ባዛቦ ጾ̈ሳ̇ ዎሲ̇ ኢያ ጌሺብቴ̇። ዪና ኢዝፌ̈ኒ ጾ̈ሳ̇̇ ዎርዣ̈ቦ ዎይ ጋላስ ባርካር ሚጛር ዎ̈ሲ̇ብቴ።

ሴ̈ጣና̈ኮን ዉጫ ኦ̈ሲን ጋማንዳ̇ቦ ጾ̈ሳ̇ኮ ኦላ ማሳ̇̈ራ ዎይ ጊጺ̇ብቴ።

ዪ̈ኮታ̇ቦ ኢታ̇ ቃ̈ም̇ባራ ዪንታ̇ ጻላ̈ታ ጋማንዳ̇ብኬ ኦሊንታ̇ር ዉርሲኖፖ ዓኒ ዪንታ̇ ቤሲ̇ን ጋልዳ ሚ̈ጛር ኤቃ̇ንዳብ ዳንዳኣምፔ̈ን ጾ̈ሳ̇ኮ ኦላ̇ ማሳ̇̈ራ ዎይ ኤ̈ብቴ።

ዪን ጋልዳ ጉጃ̇ሪ ታ̈ማፌን ላ̈ኣዚን ሴ̈ጣና ኦ̈ሲን ዎይ ይሳ̇ንዳብ ዳንዳኣዝ ኣማ̇ኒን ጊቲምፔ̈ን ኤ̈ብቴ። ፋቲን ሲላባር ኮቺንቲ̇ኖ ባርኔ̈ጻፌ̈ኒ ዪንታ̇ ቆ̈ሚን ጋልዳ ጋዲ̇ብቴ፥ ጌ̈ሻ̇ ኣያ̇ና ኢማ̇ዝ ማሺ̇ን ኤ̈ብቴ ኢዛሬ ጾ̈ሳ̇ ቃ̈ሊንዶ።

ዪዚ ዪንቲ̇ ኪን ሶ̈ሊዝ ኣስ ማ̈ቃ̇ሪ ኪንቲን ዪንታ̇ ባንቲ̇ምባራ ቃባታ̇ፌ̈ን ጊጻ̇ር፥ ኦል ኦሊዝ ኣሲ ሲላባር ኮቺ̇ንቲ̇ኖ ኣፊላ ፌ ቲራ ጋልዳ ማኣዚንዲፌ̈ኒ ዪንታ̇ር ጺሊቲ ኦ̈ሲን ዪና̇ ኢዝፌ̈ን ማኣሪ፥ ሳሪቲ ኢማ̇ዝ ዎጛሊን ዪንታ̇ ቶ̈ህ ጋርታ ጫ̈ማፌ̈ን ኣሪ ጊ̈ጊንታ̇ሪ ኤቂ̇ብቴ።

ዪዚ ዉርሲ ጋልዳ ቴ ዪንታ̇ክ ጋ̈ዚንዳ፥ ዪንታ̇ብ ጎዳባራ ዎ ፔቲ̇ቲ̇ንባርኬ ዪንቲ ኢ ጋልዳፖ̇ ዲጚዝ ጴች ዎልቂንባራ ሚ̈ጚብቴ̇።

“ኔ ባ̈ባክ ኔ ኢንዲ̇ክ ቦንቻ̇ቤ” ጋ̈ዝ ኪቲ̈ንዳ ኢዝ ጋርታ̇ ታስፋ ቃ̈ላ ዎ ዎይፖ ቲ̈ን ኢሚ̇ኖ ኪ̈ታ፥ ኔ ዪኖ̇ ዎቴጌይንዶ “ዎይ ባዚ ኔ̈ብ ኮሽኪ̈ሬ፥ ኔ ላ̈ይንዳር ጳሪጛሬ።”

ና̈ኣን! ጎዳ ዬሱ̈ሲ ኮዪዛ ዪ ማ̈ቂ̇ኖኮታ̇ቦ ዪንታ̇ ባ̈ባብኬ ዪንታ̇ ኢንዲ̇ብ ኪ̈ቲንቲ̇ብቴ።