Populära bibelverser från Naanearü ügüchiga 32

Dela

Rü yexguma ga yema duü̃xü̃ ga nügü namaxã inawogüxü̃, rü ñanagürü nüxü̃: —Ñu̱xmawena rü marü taxũtáma Acóbu nixĩ i cuéga. Rü Iraé tá nixĩ i cuéga i ñu̱xmax, erü Tupanamaxã rü duü̃xü̃gümaxã cugü icuwogü rü curüporamae —ñanagürü.

Rü yexguma ga yema duü̃xü̃ rü ñanagürü Acóbuxü̃: —¡Choxü̃ inge̱x erü marü ningóonechaü̃! —ñanagürü. Rü yexguma ga Acóbu rü nanangãxü̃ rü ñanagürü: —Ngẽxguma taxũtáma mexü̃ chomaxã cuxuegu̱xgu, rü taxũtáma cuxü̃ chinge̱x —ñanagürü.

Rü yexguma Acóbu nüxicatama yéma yaxüãchigu, rü wüxi ga duü̃xü̃ namaxã nügü nawogü rü ñu̱xmata yangunemare.

Rü yexguma ga Acóbu rü Penuégu nanaxüéga ga yema nachica yerü ñanagürü: —Woo Tupanachiwexü̃ chadau, natürü chamaxãma —ñanagürü.

Natürü yema duü̃xü̃ rü nüxü̃ nacua̱x ga tama Acóbuxü̃ nax naporamaexü̃. Rü yemaca̱x düxwa Acóbutacugu nidagü, rü nanatüxüchitacu ga yexguma nügü inawogügu.

Rü Acóbuna naca ga yema duü̃xü̃ rü ñanagürü: —¿Ta̱xacü nixĩ i cuéga? —ñanagürü. Rü Acóbu nanangãxü̃, rü ñanagürü: —Acóbu nixĩ i chauéga —ñanagürü.

Rü yexguma ga Acóbu rü nüxí nüxna naca rü ñanagürü: —Ñu̱xma chanaxwa̱xe i chomaxã nüxü̃ quixu ¿rü ta̱xacü nixĩ i cuéga? —ñanagürü. Natürü ga yema duü̃xü̃ rü nanangãxü̃ rü ñanagürü: —¿Tü̱xcüü̃ nüxü̃ cucuáxchaü̃ i chauéga? —ñanagürü. Rü ñu̱xũchi ga yema duü̃xü̃ rü yématama Acóbumaxã mexü̃ naxuegu.

Choma rü taxuwama chame nax ngẽmaãcü chomaxã cumecümaxü̃ rü aixcüma mea choxü̃ curüngü̃xẽẽxü̃. Rü yexguma noxri chaunatüna íchaxũxũ̱xgux rü ñaatama Yudáü̃ i natüwa chixüegu rü taxuxü̃ma choxü̃́ nayexma rü chorü naixmena̱xãxicatama. Natürü i ñu̱xma nax chataeguxü̃ rü choxü̃́ nangẽxma i muxü̃ma i duü̃xü̃gü i taxretücumü ixĩxü̃.

Rü ngẽmaca̱x nixĩ i woo i ñu̱xma i Iraétanüxü̃ i tama nangõ̱xgüãxü̃ i ngẽma namachi i natacuwaama üxü̃, yerü Acóbu rü yexma nixĩ ga nüxü̃́ yadagüxü̃.

Rü ñu̱xũchi inanaxügü ga nax nayumüxẽxü̃, rü ñanagürü: —Pa Cori Pa Tupana Ya Chorü O̱xi Ya Abraáü̃arü Tupana, Rü Chaunatü Ya Ichaáarü Tupanax, cuma rü marü chomaxã nüxü̃ quixu nax chorü naaneca̱x rü chautanüxü̃ca̱x chataeguxü̃ rü cuma rü tá mea choxna cudauxü̃.

Rü ñu̱xma rü cuxna chaca rü chanaxwa̱xe i choxü̃ ícupoxü̃ nüxna ya chauenexẽ ya Echaú. Rü nüxü̃ chamuü̃ erü ngürüãchi nuxã toxü̃ nayadai rü ngẽmaãcü tüxü̃ nadai ya cho̱xma̱xgü rü chauxacügü.