Populära bibelverser från Mataio 24

Dela

Ina oubi godo nei himia niro kemahebidio na’i nou kekibuo aiwaiti, mabu nouri ubauba kidia nou godogodo airia. Wia nouri dubu hiwio modobo nou giieha airohidio, nouro kiiro aiwaveai.

Wia nouri pai‐mea batibati auwohawa, oubio totomuito aiwaimo‐iaodioi, batibati oubido imapoiwai; ina nou ta’uwa koropoiio mabu aiwauro’ui.

Nou ta’uwa kihi wade wia kihi pai rioo aiwaimo‐irovidioi, tore iatimo aue; nana nouri ko’uiha aiwaumo’ui, ata modobo oropoiio raihe.

Na’u oubi ata oubimu aiwaimo‐orowotoi, na’u bububati ata bububati oubimu aiwaimo‐orowotoi. Wia due ta’ua wia gooa ta’ua batibati amida aiwaumo‐o’ui wia bati atawa hopu mumuruoro aiwai‐iriti. Nouri nana auwoha mibo ta’uwa airowahorodai.

Toboro wia hopu aiwaimo‐oropoiioi, mo himia wade oropoiioumo raihe.

Nouri oubi godogodo mo painawa aiwaumo‐o’ui naiba aiwaimo iaoi, mo Kerisori. Neiio oubi godo aiwaimoimatuhuti.

Ina neiio rio aiwaimo‐iwoi gooa iwaimoi wia neiio rio aiwaimo‐iwotoi wia oubi auwoha neiio rioido oriha aiwaimo‐imeauri mo himia painawa. Wia hiwio’i nouowa oubi godogodo neiio gunuuni aiwaimo‐iati, wia nei himia himia aiwaimo‐erematuhuti wia nei himia himia oriha aiwaimo‐ereauri. Wia kiromohuwodio peroveta oubi godogodo aiwaimo‐o’ui wia neiio oubi godogodo aiwaimo‐aratiuti.

Wia Iesuro imowameaiwa neido naiba iaowa: Taiaurimo meaha, oubio rio imatuhuti tore.

Nouri rio himia nana meaha taidodiaimo, mabu nouri tou hiwio rio araromo biahai, Oubiha‐mere tou hiwio wauro’ui.

Mabu nouri, taiaurimo meaha! Taiba hiwio rio Pai‐dubu aiwauro o’ui rio umoitimo biahai.

Hiwio nouri, ta’ui nouri, oubi umo biahai, ina gururu oubi umo biahai ina mere umo biahai. Mo Abea na’u nou himia umori.

Mabu nouri kiromohuwodio Keriso’i wia kiromohuwodio peroveta oubii nei aiwaumo‐o’ui wia auwo modobo’i wia tiahatiaha nana neiio aiwaimo‐iwaeviai ina nei kidodiai umowa, neiio kimeibomatuti oubi aiwaimo‐aratiuti.

Wia Oubiha‐mere ko’u hiwio, Noe hiwio’i nou aibori. Hiwio nouowa ina karuru ko’u biahai, oubi nei airihodiodumo wia airimediodumo wia upira dubura airoitutidumo wia upi dubido rimaatidumo, hiwio’i nouowa Noe auwo pewa naibaha orovia. Wia nei umo biahai karuru ko’u ta’ui ina karuru nou naibaha o’uro wia nei auwoha naibaha iwodaudio. Oubiha‐mere ko’u hiwio nou aibori.