Populära bibelverser från Lugaa 12

Dela

Meih mbuo yaac oix zuqc liuc leiz ziangx zanc-zanc zuov jienv, weic zuqc meih mbuo jangx maiv zaaic nyei ziangh hoc yie, Baamh Mienh nyei Dorn, ziouc taux aqv.”

Oix zuqc bun Tin-Hungh zoux meih mbuo nyei Ziouv gunv meih mbuo, naaiv deix yietc zungv ga'naaiv ninh ziouc jaa tipv bun meih mbuo.

Yesu gorngv mbuox zuangx mienh, “Oix zuqc faix fim. Maiv dungx zoux hnyouv hlo mauv haaix nyungc. Maiv gunv ndongc haaix butv zoih, zien maengc maiv zeiz yiem naaiv deix ga'naaiv.”

Meih mbuo siou jaaix nyei ga'naaiv yiem haaix norm dorngx, meih mbuo nyei hnyouv haaix zanc yaac jangx jienv wuov aqv.

Meih mbuo haaix dauh laaix kuonx hnyouv haih borqv duqv maengc ndaauv deix?

Yesu aengx mbuox ninh nyei sai-gorx, “Hnangv naaic yie mbuox meih mbuo, maiv dungx weic yungz maengc nyei nyanc hopv kuonx hnyouv. Yaac maiv dungx weic sin zaangc nyei lui-houx kuonx hnyouv.

Liemh meih mbuo nyei mba'biei zungv saauv nzengc mi'aqv. Hnangv naaic maiv dungx gamh nziex. Meih mbuo zungv gauh jaaix jiex norqc meix camv.

“Meih mbuo naaiv guanh zoqc nyei mienh aah! Maiv dungx gamh nziex oc. Meih mbuo nyei Zaangc Diex a'hneiv zorqv ninh nyei guoqv bun meih mbuo.

Hnamv mangc gaax, norqc aa! Ninh mbuo maiv zuangx yaac maiv siou. Ninh mbuo maiv maaih mbaatc yaac maiv maaih lamz. Mv baac Tin-Hungh uix ninh mbuo. Meih mbuo zungv gauh jaaix jiex norqc.

“Meih mbuo maiv dungx zanc-zanc nzauh jienv oix zuqc nyanc oix zuqc hopv haaix nyungc, yaac maiv dungx kuonx hnyouv.

Lomc nyei miev ih hnoi ziangh, njang hnoi kou nqaai zuqc douz buov, mv baac Tin-Hungh zorng miev nzueic. Hnangv naaic, Tin-Hungh zungv gauh oix zorng meih mbuo. Meih mbuo sienx duqv hei haic weqv!

Maiv maaih haaix nyungc gem jienv maiv zuqc cuotv yaangh. Maiv maaih haaix nyungc bingx jienv mienh maiv haih hiuv.