Populära bibelverser från aMatiyu 24

Dela

Kamok amaan kunye tin barang, kushim ánerawe whe̱re̱ tà shirim. Amma aner aya ne a nyeseng be agap ma nigang'e, a tà se̱ kashesh.

Á ta taas Rife̱ Ritek na natoon rigwo̱m kaza kaye̱e̱r kazatse na cei nong i ta sor asheda natoon koangan, ne igang'e ma be̱.

Yin tà fok yin itak itsom ne i foos yin nawor itsom. Sang yin tu te yin febek baꞌ, kamok ma a nye anong, amma igang'e rusek nizham.

Kaben kakak tà ko̱n be kakak ne rigwo̱m ko̱n be rigwo̱m. A tà nye amaan izong ne kaben zu ni naro̱ ze̱r ze̱r. Amma iyu ne i ta nye ime̱se̱ng risam'me tsek.

Kaza be kaben ta gor, amma ko rife̱ mi sen gor ze̱r baꞌ.

Kamok ánerawe whe̱re̱ tà be̱s kaye̱e̱r riyerek'i, ne á fe̱ ye, ‘Mi ne i nye aKiristi,’ ma á tà wo̱ro̱k ánerawe whe̱re̱.

“Ne a ka yising yin nong a ta ka tabak yin ne a ka fe̱s yin. Kazatse cice̱r tà ka ranyin kamok riyerek'i. Nizen iyong, ánerawe whe̱re̱ tà won kuno̱o̱k katsak ba ne á naka wosong nibo̱k ámudo̱n ba ne á naka shishim. Áner kuzarap áfe abo̱o̱s whe̱re̱ tà wuruk ne á wo̱ro̱k ánerawe whe̱re̱.

aYeso fe̱ be ba ye, “Nye yin tatan fan a ba ka wo̱ro̱k yin.

Kamok anong, yin gip nye yin kanye̱k, kamok yin ren yin izen Igon Anerawe tana be̱ baꞌ.

“Kamok anong, sor yin be kanye̱k kamok yin ren katuk Agwo̱m Ágwo̱m'me tana be̱ baꞌ.

“Ko akak ren ike̱ng ikak natoon kunom'e ka izen'e baꞌ, ko ámaleka kaye̱e̱r kaza, ka Igon'e ren baꞌ, Ada'me wu ze̱r tsek ne a ren.

Kamok aKiristi áfe abo̱o̱s be áner kuzarap abo̱o̱s tà wuruk ne á nye itomong azhing be ike̱re̱ azhing nong á ta wo̱ro̱k ánerawe ma be áya a tan kasa, ke i ta kyem i se anong.

Kyo̱ndi i ta se nizen aNuhu anong ne kube̱ Igon Anerawe ta se. Nizen Adakunom tá kis kazatse be ashi, ánerawe sen ya ne á so̱ ne á nye iwe̱ne̱ng ne á nyesek ángas ba niwe̱ne̱ng, ma katuk aNuhu tá no̱ kaye̱e̱r kukpara ashi, nizham ba ta ra ren ike̱ng i ta sen tseng ashi'me be̱ a tá ka kis baꞌ. Anong ne i ta se nizen kube̱ Igon Anerawe.