Jeto një jetë të mbushur me qëllim!Shembull

“Pikat kryesore të një marrëdhënie të suksesshme”

Çdo marrëdhënie, ka dy përbërës themelorë që e bëjnë atë të suksesshme, qoftë me një mik, familjar, bashkëshort, apo edhe me Perëndinë: dashuria dhe dhembshuria ndërmjet individëve dhe vënia në veprim të kësaj dashurie.

E vërteta është se dashuria e vërtetë shoqërohet gjithmonë nga veprimi. Një mik i vërtetë që e sheh dikë tjetër në nevojë do të reagojë duke i dhënë ndihmë. E njëjta gjë është e vërtetë me marrëdhënien tonë me Perëndinë. Dashuria e vërtetë për Perëndinë shoqërohet nga veprimi; të prekësh zemrën e Perëndisë duke prekur jetët e atyre që na rrethojnë.

Shfrytëzimi maksimal i marrëdhënieve tona me të tjerët fillon me marrëdhënien tonë me Perëndinë. Në fakt, Perëndia kërkon që marrëdhëniet tona me të tjerët të jenë zgjatim i marrëdhënies sonë me Të. Ki parasysh dy urdhërimet më të mëdha të Biblës, të përmenduara nga Jezusi:

“Duaje Zotin, Perëndinë tënd, me gjithë zemrën tënde, me gjithë shpirtin tënd, me gjithë mendjen tënde e me gjithë forcën tënde!” Ky është i pari urdhërim. Dhe i dyti i ngjan këtij: “Duaje të afërmin tënd porsi vetveten.” Nuk ka urdhërim tjetër më të madh se këta.” Marku 12:30-31

Si besimtarë, marrëdhënia jonë vertikale me Perëndinë dhe marrëdhëniet tona horizontale me njëri-tjetrin janë ato që janë më të rëndësishmet për Perëndinë - të duam Atë dhe të tjerët.