Një Shkundje GëzimiShembull

Çfarë është gëzimi në fund të fundit? A ekziston një përkufizim me një fjalë që mund të përshkruaj intensitetin e kësaj fjale të thjeshtë, të mrekullueshme? Unë mendoj që jo ... por mbase ekziston një numër i pafund kuptimesh që gjenden në Fjalën e Zotit për këtë fjalë të fuqishme, që bën një ndryshim të madh në jetën e një të krishteri!

Gëzimi është paqja që kalon mirëkuptimin.

Gëzimi është turma e dëshmitarëve që po brohorasin egërsisht për ty!

Gëzimi është njohja që asgjë nuk mund të të ndajë nga dashuria e Zotit.

Gëzimi është të ecësh mbi ujë! Thjesht pyet Pjetrin!

Gëzimi është të shndërrosh ujin në verë dhe të ushqesh mijëra njerëz me drekën e një djali të vogël bujar.

Gëzimi janë engjëjt në një kodër mbi Betlehem në një natë plot me yje.

Gëzimi ka të bëjë me madhësinë e farës së mustardës.

Gëzimi janë fëmijët ... nga të gjitha format dhe madhësitë ... të ulur në gjunjët e atij që ata me dashuri e quajnë, "Mësues".

Gëzimi është një bandë derrash që vrapojnë në ujë dhe mbyten!

Gëzimi është një vajzë e virgjër që i thotë një engjëlli: "Le të bëhet për mua sipas fjalës tënde".

Gëzimi është një foshnje kur je 90 vjeç!

Gëzimi është një lumë dhe një rrugë në shkretëtirë.

Gëzimi është prania e Tij e mrekullueshme, e palodhshme në jetën time të përditshme.