Historia e PashkësShembull

E DIEL - Në këtë ditë mbresëlënëse, ne do të kalojmë kohë duke përsiatur mbi kryqin, varrin e boshatisur dhe gjithçka që kjo na ka dhënë. Por le të përsiatim edhe mbi detyrën drejt së cilës na thërret kjo ditë për "të shkuar dhe bërë dishepuj...". Ungjilli i pastër që Jezusi u kaloi dishepujve të Tij ishte lajmi i mirë i një hiri që është për t'u përcjellë te të tjerët, jo thjesht për t'u marrë. Jezusi i la dishepujt e Tij të pajisur për të bërë dishepuj të tjerë, për të dhënë fryt. Mund të themi që funksionoi, sepse njerëzit të cilët ata i bënë dishepuj ishin duke bërë dishepuj, gjithashtu. Dhe kështu kjo është përcjellë për dy mijë vjet. Por ndoshta në çdo brez, dhe sigurisht në tonin, ndonjëherë ungjilli që ne përhapim ndryshon në diçka më të dobët. Në vend që të japim vërtet fryt, ne kultivojmë rrush të pafarë. Ndërsa kalojmë kohë në adhurim dhe falënderim para Perëndisë sot për hirin që kemi marrë, le të lutemi që të jemi më shumë të sfiduar se kurrë për t’jua përcjellë këtë hir dhe për ta përjetuar Mandatin e Madh.