Salmos 64
64
1Dios, bze̱ naga chi'a lawe' da zua' ste̱be dxuláwizra' Lue'.
Bxue xel-la' nabán chia' lawe' da dxezreba' bi xelún benne' ca'
dxeledábague̱' neda'.
2Bcache chawe' neda' chee̱ quebe xelún benne' we̱n
da cale̱la chia' ca da dxelezá lazre̱',
ne chee̱ quebe xelún benne' dxelún da zrinnaj chia'
ca da zaj nune̱' xelune̱' chia'.
3Dizra' dxuluchálaje̱' zaj naca na ca xia zaj nalále̱'e̱ na,
ne dxelenné̱' schanni' ca dxun tu benne' dxusane̱'
xaga nalá xéche'ze chee̱'.
4Caní dxelenné̱' bagácheze chee̱ xelune̱' cheajlechaze
benne' zaj naque̱' li lazre'.
Chadite̱ dxelune̱' na, ne quebe bi dxelezrebe̱'.
5Dxelune̱' ba xuzre xelune̱' da zrinnaj da zaj nune̱' xelune̱',
na' dxuluzúe̱' xralaj ca' chee̱ xele̱le̱' bénneache,
dxelenné̱': “¿Nuzra le'e da dxundxu?”
6Dxelílaje̱' ca zaj naca da zrinnaj xelune̱',
ne dxelenná' xánnie̱' ca zaj naca na.
Ca da zaj xu'u xichaj lázrdawe̱' zaj naca na sté̱bele̱'e̱
ca zaj naca lázrdauqueze̱'.
7Dios gune̱' benne' ca' we̱' nen tu xaga nalá xéche'ze chee̱'.
Chadite̱ xelu'e̱ xízrawe̱' zren ca'.
8Dizra' buluchalaj benne' ca' xelún na cheajlecházie̱',
na' xelezrebe xúgute̱ bénneache gate xelelé'ene̱' benne' ca'.
9Nadxa xelezrebe xúgute̱ bénneache, ne xuluzenne̱'
ca da nun Dios,
na' xuluxúnbe'e̱ ca zaj naca da be̱ne̱' Le̱'.
10Béqueze benne' xrlátaje lau Xránadxu, ne guxrén lazre̱' Le̱',
na' xelezúa lu da ba neza xúgute̱ benne' zaj naque̱' li lazre'.
Aktualisht i përzgjedhur:
Salmos 64: zat
Thekso
Kopjo
Krahaso
Ndaje
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 1981, Wycliffe Bible Translators, Inc. All rights reserved.