Salmos 53
53
1Benne' xala ca' dxelenná lu lázrdawe̱': Quebe zua Dios.
Xúgute̱' zaj naque̱' sban, ne zaj nune̱' da cale̱la.
Quebe nu chilá' benne' dxune̱' da xrlátaje.
2Dios zue̱' xabáa dxenné̱'e̱ bénneache
chee̱ lé'ene̱' che zua tu benne' sina,
bénnea' dxape̱' Dios ba lá'ana.
3Xúgute̱ benne' zaj nabéaj xíchaje̱' Dios.
Xúgute̱' zaj naque̱' sban.
Quebe nu chilá' benne' dxune̱' da xrlátaje, netú gue̱'.
4Dxenná Dios: “¿Quebe dxeléajni'i benne' caní
dxelune̱' da cale̱la?
Dxele̱'aj dxelawe̱' da dxelebane̱' chee̱ bénneache chia',
ne quebe dxelexílaje̱' neda'.”
5Za zrin zra xelexruse̱' ca da quebe ne xelezaque̱',
lawe' da gusedinnaj Dios zrita ca' chee̱ benne'
guledábague̱' bénneache chee̱'.
Dios na' nuzúe̱' chalá'ala benne' ca',
na' bénneache chee̱' xuluzría xi'e̱ benne' ca'.
6Dxenaba' Dios gune̱' dxuaj Sión da gácale̱ na
benne' Israel ca'.
Gate ba nun Dios xelezrín bénneache chee̱' lu xe̱zr la xu
cheé̱queze̱',
xelebé zri'ine zre sua Jacob,
ne xelezúa lu da ba neza benne' Israel ca'.
Aktualisht i përzgjedhur:
Salmos 53: zat
Thekso
Kopjo
Krahaso
Ndaje
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 1981, Wycliffe Bible Translators, Inc. All rights reserved.