मत्ती 16
16
सरग को चिन्ह को मांग
(मरकुस 8:11-13; लूका 12:54-56)
1 #
मत्ती 12:38; लूका 11:29-30 मंग फरीसी अखिन सदूकी यीसु को जवर आयिन वय ओला ताड़न चाव्हत होतीन एकोलाइ ओन्हीसीन ओकोलक कोनी चमत्कार करन लाई कहीन, मनजे मालुम कर सकेत का ओला परमेस्वर को मंजुरी मिली से की नही, 2ओना जवाब देयो “दिन बुड़न पर तुमी लोक कव्हसेव आज मौसम साजरो रव्हेत, काहेका बादर लाल सेत” 3अना दिन उगन पर तुमी कव्हासेव “आज आँधड़ आहेत, काहेका बादल धुँधरो अना लालसे” तुमी बादल को चिन्हानी ला बाचनो जानासेव, पर आपरो बेरा को चिन्हानी ला नही जानासेव। 4#मत्ती 12:39; लूका 11:29 “यो दिवस को बूरो अना परमेस्वर ला नही माननवारा लोक मोला एक चिन्हानी मांगासेत मंग योना को चिन्हानी ला सोड़ उनला अना कोनी चिन्हानी नही दियो जाहे।” ऐतरो सांगके
उ उनला छोडके चली गयो।
फरीसीगुरू अना सदुकिगुरु गीन को सिक्सा को खमीर
(मरकुस 8:14-21)
5चेला गीन झील को वोनागन गईन, मंग वय भाकर लेनो बिसर गईन। 6#लूका 12:1 यीसु न उनला कहीस “हुसियार रव्हो, फरिसी गुरूगीन अना सदुकि गुरूगीन को खमीर लक आपरो ला बचाय राखो।” 7वय आपस मा विचार करन लगीन, हमी भाकर नही आनीसेजन एकोलाय उ असो कव्हासे। 8यो जानके का वय आपस मा काजक कव्हसेत यीसु न उनला कहीस, “अरे कच्चो भरोसा राखनवारा! तुमी आपस मा काजक विचार करासो, का हमरो जवर भाकर नहात?” 9#मत्ती 14:17-21 का तुमी अब तकन नही समजयत? का तुमीला “वय पाँच हजार को लाय पाँच भाकर हेत नहोत?” हेत करो, तुम्ही ना केतरी टोपली उचलयत होता? 10#मत्ती 15:32-38 वा सात भाकर मा चार हजार मानूस जेयके ना केतरो डलिया उचालयत होता? 11तुम्हीला बोध नाहत, का मीना तुमीला भाकर को बारेमा नही कह्यो, “मंग फरिसी गुरुगीन अना सदुकि गुरुगीन को खमीर मनजे बिचार लक हुसियार रव्हन लाई कह्यो होतो। ” 12तब उन चेलाहुन ला समज मा आयो, का वोना पोड़ी को खमीर ला नही कह्यो, पर फरिसी गुरूगीन अना सदुकि गीनको सिक्सा लक हुसियार रव्हन ला कह्यो।
पतरस को यीसु ला मसीह माननो
(मरकुस 8:27-30; लूका 9:18-21)
13जबा यीसु कैसरिया फिलिप्पी को परदेस मा आयो ता अना ओना अपरो चेला लक पुसयो “लोकगीन का कव्हसेत की मानूस को टूरा कउन से?” 14#मत्ती 14:1-2; मरकुस 6:14-15; लूका 9:7-8उनना कहीन “काही लोक योहन बप्तिस्मा देवन वालो कव्हसेत, अना काही लोकगीन एलियाह अना काही यीरमीयाह अना भविस्यवक्ता गीन मा लक, कोनी एक कव्हासेत।” 15यीसु ना उनला पुसिस, तुमी मोरो बारे मा काजक कव्हसेव? “का मि कउन सेउ?” 16#योहन 6:68-69समौन पतरस न जवाब देइस,“ तु जित्तो परमेस्वर को टूरा मसीह आस।” 17यीसु न वोला जवाब देइस, “हे समौन, योहन को टूरा तु धन्य सेस, काहेका मानूस को मन की गोस्टी नाहत, पर मोरो दाअजी परमेस्वर ना जोन सरग मा से, येनो गोस्टी ला तोरो मन मा डाखी सेस।” 18अना मी तोला कव्हसू का “तु पतरस सेस, अना मी येनो गोटा पर अपरी कलीसिया बनाऊ अना मिरतु वोको, पर ताकतवर नही होहेत।” 19“#मत्ती 18:18; योहन 20:23मी तोला सरग राज की कुन्जी देसू, अना जोन काही तु धरती पर बाँधबिन उ सरग मा बँधेत, अना जो काही तु धरती पर उघाड़बिन, वय सरग मा उघडेत।” 20तबा यीसु ना चेला गीन ला चितायके कहीस, “तुमी कोनी ला नोको सांगने का मी मसीह सेऊ।”
आपरी मौत को बारे मा यीसु की गोस्टी
(मरकुस 8:31-33; लूका 9:22)
21उ बेरा लक यीसु अपरो चेला ला सांगन लग्यो, जरुरी से का मी येरुसलेम नगर जाऊ अना सियानोगिन अना मुखिया याजक, अना मोसे को नियम को गुरू को हात लक लगत दुख उठाऊ अना मि मार दियो जाऊ अना तीसरो दिवस मंघा मि जित्तो भय जाऊ। 22एको पर पतरस पिरभु ला अलग लिजाय, के डाटन लग्यो अना कह्यो “हे पिरभु! परमेस्वर तोरो पर दया करेत तोरो सँग असो कबच नही होहे!” 23वोना मंघा पछलके पतरस लक कहीस “हे सैतान मोरो पुढ़ा लक दुहुर भयी जाय” तु मोरो लाई रास्ता को ठोकर सेस, कहेका तु परमेस्वर लक आयो बिचार पर नही, पर मानूस की सुभाव लक गोस्टी करासेस।
यीसु को मंघा चलन को मतलब
(मरकुस 8:34—9:1; लूका 9:23-27)
24 #
मत्ती 10:38; लूका 14:27 तबा यीसु न अपरो चेला लक कहीस, “यदि कोनी मोरो माघा आवनो चाव्हसो, ता अपरो आप मा मुकरके, अपरो कूरूस खुदच उचलेह अना मोरो मंघा होय जाय। 25#मत्ती 10:39; लूका 17:33; योहन 12:25काहेका जोन कोनी अपरो जान बचावनो चाव्हासे, वय वोला खोय देहेत, अना जो कोनी मोरो, लाय अपरो जान खोहेत वय वोला पाहेत।” 26“ यदि मानूस सप्पा जग ला पाय लेहेत, अना अपरो जान को हानी उठायहेत, ता वोला का नफा होयहेत, यो मानूस अपरो जान को बदला का देहे? ” 27#मत्ती 24:27 ता मानूस को टूरा अपरो सरगदूत को संग अपरो, बाप को गौरव मा आहेत, अना वोनो बेरा मा उ हर एक ला, उनको काम को अनुसार बदला देहे। 28मी तुमला खरो सांगसेऊ “का जो यहान उभो सेत, उनमा लक काही असो सेत का उ जब तकन, मानूस को टूरा ला राज मा आवता नही चोव लेहेत, तब तकन नही मरहेत।”
Aktualisht i përzgjedhur:
मत्ती 16: PSP25
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
The Powari Bible© The Word for the World International and Powari Madhya Pradesh, 2025.