ਹਿਜ਼ਕੀਏਲ 42
42
ਜਾਜਕਾਂ ਲਈ ਕਮਰੇ
1ਫਿਰ ਉਹ ਆਦਮੀ ਮੈਨੂੰ ਉੱਤਰ ਵੱਲ ਬਾਹਰਲੇ ਵਿਹੜੇ ਵਿੱਚ ਲੈ ਗਿਆ ਅਤੇ ਮੈਨੂੰ ਮੰਦਰ ਦੇ ਵਿਹੜੇ ਦੇ ਸਾਮ੍ਹਣੇ ਅਤੇ ਉੱਤਰ ਵਾਲੇ ਪਾਸੇ ਦੀ ਬਾਹਰਲੀ ਕੰਧ ਦੇ ਸਾਮ੍ਹਣੇ ਕਮਰਿਆਂ ਵਿੱਚ ਲੈ ਗਿਆ। 2ਜਿਸ ਇਮਾਰਤ ਦਾ ਦਰਵਾਜ਼ਾ ਉੱਤਰ ਵੱਲ ਸੀ, ਉਸਦੀ ਲੰਬਾਈ ਲਗਭਗ ਸੌ ਹੱਥ ਅਤੇ ਚੌੜਾਈ ਪੰਜਾਹ ਹੱਥ ਸੀ।#42:2 ਲਗਭਗ 175 ਫੁੱਟ ਲੰਮਾ ਅਤੇ 88 ਫੁੱਟ ਚੌੜਾ 3ਅੰਦਰਲੇ ਵੇਹੜੇ ਦੇ ਵੀਹ ਹੱਥ#42:3 ਵੀਹ ਹੱਥ ਅਰਥਾਤ 35 ਫੁੱਟ ਦੇ ਫ਼ਾਸਲੇ ਦੇ ਸਾਹਮਣੇ, ਬਾਹਰਲੇ ਵੇਹੜੇ ਦੇ ਫਰਸ਼ ਦੇ ਸਾਹਮਣੇ ਕੋਠੜੀਆਂ ਦੀਆਂ ਤਿੰਨ ਛੱਤਾਂ ਇੱਕ ਦੂਜੀ ਦੇ ਸਾਹਮਣੇ ਸਨ। 4ਕਮਰਿਆਂ ਦੇ ਸਾਹਮਣੇ ਇੱਕ ਅੰਦਰਲਾ ਰਸਤਾ ਸੀ, ਜੋ ਲਗਭਗ ਦਸ ਹੱਥ ਚੌੜਾ ਅਤੇ ਇੱਕ ਸੌ ਹੱਥ ਸੀ। ਉਹਨਾਂ ਦੇ ਦਰਵਾਜ਼ੇ ਉੱਤਰ ਵੱਲ ਸਨ। 5ਉੱਪਰਲੀ ਮੰਜ਼ਿਲ ਦੇ ਕਮਰੇ ਛੋਟੇ ਸਨ, ਕਿਉਂਕਿ ਇਮਾਰਤ ਦੀ ਪਹਿਲੀ ਅਤੇ ਦੂਜੀ ਮੰਜ਼ਿਲ ਦੇ ਕਮਰਿਆਂ ਦੇ ਮੁਕਾਬਲੇ ਉੱਪਰਲੀ ਮੰਜ਼ਿਲ ਦੇ ਕਮਰਿਆਂ ਵਿੱਚ ਕੁਝ ਥਾਂ ਗੈਲਰੀਆਂ ਦੁਆਰਾ ਲਈ ਗਈ ਸੀ। 6ਕਿਉਂ ਜੋ ਉਹ ਤਿੰਨ ਮੰਜ਼ਲੀਆਂ ਸਨ, ਪਰ ਉਹਨਾਂ ਦੇ ਥੰਮ੍ਹ ਵੇਹੜੇ ਦੇ ਥੰਮ੍ਹਾਂ ਵਾਂਗੂੰ ਨਹੀਂ ਸਨ, ਇਸ ਕਰਕੇ ਉਹ ਹੇਠਲੀ ਅਤੇ ਵਿਚਕਾਰਲੀ ਮੰਜ਼ਲ ਤੋਂ ਧਰਤੀ ਉੱਤੋਂ ਤੰਗ ਸਨ। 7ਕਮਰਿਆਂ ਅਤੇ ਬਾਹਰੀ ਵਿਹੜੇ ਦੇ ਸਮਾਨਾਂਤਰ ਇੱਕ ਬਾਹਰੀ ਕੰਧ ਸੀ; ਇਹ ਕਮਰਿਆਂ ਦੇ ਸਾਹਮਣੇ ਚਹੱਤਰ ਹੱਥ ਤੱਕ ਫੈਲਿਆ ਹੋਇਆ ਸੀ। 8ਜਦੋਂ ਕਿ ਬਾਹਰਲੇ ਵੇਹੜੇ ਦੇ ਨਾਲ ਵਾਲੇ ਪਾਸੇ ਦੇ ਕਮਰਿਆਂ ਦੀ ਕਤਾਰ ਪੰਜਾਹ ਹੱਥ ਲੰਬੀ ਸੀ, ਪਵਿੱਤਰ ਅਸਥਾਨ ਦੇ ਨੇੜੇ ਵਾਲੇ ਪਾਸੇ ਦੀ ਕਤਾਰ ਇੱਕ ਸੌ ਪਚੱਤਰ ਹੱਥ ਲੰਬੀ ਸੀ। 9ਹੇਠਲੇ ਕਮਰਿਆਂ ਵਿੱਚ ਪੂਰਬ ਵਾਲੇ ਪਾਸੇ ਇੱਕ ਪ੍ਰਵੇਸ਼ ਦੁਆਰ ਸੀ ਕਿਉਂਕਿ ਇੱਕ ਬਾਹਰੀ ਵਿਹੜੇ ਤੋਂ ਅੰਦਰ ਜਾਂਦਾ ਹੈ।
10ਦੱਖਣ ਵਾਲੇ ਪਾਸੇ ਦੇ ਬਾਹਰਲੇ ਵੇਹੜੇ ਦੀ ਕੰਧ ਦੀ ਲੰਬਾਈ ਦੇ ਨਾਲ, ਮੰਦਰ ਦੇ ਵਿਹੜੇ ਨਾਲ ਜੁੜੀ ਅਤੇ ਬਾਹਰਲੀ ਕੰਧ ਦੇ ਸਾਹਮਣੇ, ਕਮਰੇ ਸਨ, 11ਅਤੇ ਉਹਨਾਂ ਦੇ ਅੱਗੇ ਇੱਕ ਰਸਤਾ ਸੀ। ਇਹ ਕਮਰੇ ਉੱਤਰ ਵਾਲੇ ਪਾਸੇ ਦੇ ਕਮਰਿਆਂ ਵਰਗੇ ਸਨ; ਉਹਨਾਂ ਦੀ ਲੰਬਾਈ ਅਤੇ ਚੌੜਾਈ ਵੀ ਇੱਕੋ ਜਿਹੀ ਸੀ ਅਤੇ ਉਹਨਾਂ ਦਾ ਨਿਕਾਸ ਅਤੇ ਆਕਾਰ ਵੀ ਸਮਾਨ ਸੀ। 12ਦੱਖਣ ਦਿਸ਼ਾ ਵਿੱਚ ਦਰਸ਼ਨ ਗੇਟ। ਦਰਸ਼ਨਾਂ ਲਈ ਰਸਤੇ ਦੇ ਸ਼ੁਰੂ ਵਿੱਚ ਇੱਕ ਗੇਟ ਸੀ; ਇਹ ਰਸਤਾ ਪੂਰਬ ਵੱਲ ਝੁਕਦੀ ਸਮਾਨਾਂਤਰ ਕੰਧ ਦੇ ਸਮਾਨਾਂਤਰ ਸੀ।
13ਫਿਰ ਉਸਨੇ ਮੈਨੂੰ ਆਖਿਆ, “ਹੈਕਲ ਦੇ ਵਿਹੜੇ ਦੇ ਉੱਤਰੀ ਅਤੇ ਦੱਖਣ ਪਾਸੇ ਵਾਲੇ ਕਮਰੇ ਜਾਜਕਾਂ ਲਈ ਹਨ ਜਿੱਥੇ ਉਹ ਯਾਹਵੇਹ ਦੀ ਸੇਵਾ ਕਰਨ ਵਾਲੇ ਜਾਜਕਾਂ ਲਈ ਸਭ ਤੋਂ ਪਵਿੱਤਰ ਬਲੀਆਂ ਖਾਣਗੇ। ਉੱਥੇ ਉਹ ਸਭ ਤੋਂ ਪਵਿੱਤਰ ਬਲੀਆਂ ਅਨਾਜ ਦੀ ਭੇਟ, ਪਾਪ ਦੀ ਭੇਟ#42:13 ਪਾਪ ਦੀ ਭੇਟ ਅਰਥਾਤ ਸ਼ੁੱਧੀਕਰਨ ਦੀ ਭੇਟ ਅਤੇ ਦੋਸ਼ ਦੀ ਭੇਟ ਚੜ੍ਹਾਉਣਗੇ ਕਿਉਂਕਿ ਇਹ ਸਥਾਨ ਪਵਿੱਤਰ ਹੈ। 14ਜਦੋਂ ਵੀ ਜਾਜਕ ਪਵਿੱਤਰ ਸਥਾਨ ਵਿੱਚ ਜਾਂਦੇ ਹਨ, ਉਹਨਾਂ ਨੂੰ ਬਾਹਰਲੇ ਵਿਹੜੇ ਵਿੱਚ ਨਹੀਂ ਜਾਣਾ ਚਾਹੀਦਾ ਜਦੋਂ ਤੱਕ ਉਹ ਆਪਣੇ ਕੱਪੜੇ ਉਤਾਰ ਕੇ ਪਵਿੱਤਰ ਸਥਾਨ ਵਿੱਚ ਨਾ ਪਾ ਦੇਣ ਕਿਉਂਕਿ ਉਹ ਕੱਪੜੇ ਪਵਿੱਤਰ ਹਨ। ਪੁਜਾਰੀਆਂ ਨੂੰ ਆਮ ਲੋਕਾਂ ਲਈ ਨਿਰਧਾਰਤ ਥਾਵਾਂ ਤੇ ਜਾਣ ਤੋਂ ਪਹਿਲਾਂ ਹੋਰ ਕੱਪੜੇ ਪਾਉਣੇ ਚਾਹੀਦੇ ਹਨ।”
15ਜਦੋਂ ਉਹ ਮੰਦਰ ਦੇ ਅੰਦਰਲੇ ਹਿੱਸੇ ਨੂੰ ਮਿਣ ਚੁੱਕਾ ਸੀ, ਤਾਂ ਉਹ ਮੈਨੂੰ ਬਾਹਰ ਪੂਰਬੀ ਦਰਵਾਜ਼ੇ ਕੋਲ ਲੈ ਗਿਆ ਅਤੇ ਉਸ ਦੇ ਆਲੇ-ਦੁਆਲੇ ਦੇ ਖੇਤਰ ਨੂੰ ਮਿਣਿਆ: 16ਉਸਨੇ ਮਾਪਣ ਵਾਲੀ ਸੋਟੀ ਨਾਲ ਪੂਰਬੀ ਪਾਸੇ ਨੂੰ ਮਾਪਿਆ; ਜੋ ਕਿ ਲਗਭਗ ਪੰਜ ਸੌ ਹੱਥ#42:16 ਪੰਜ ਸੌ ਹੱਥ ਲਗਭਗ 875 ਫੁੱਟ ਦੇ ਬਰਾਬਰ ਹੈ ਸੀ। 17ਉਸਨੇ ਉੱਤਰੀ ਹਿੱਸੇ ਨੂੰ ਮਾਪਿਆ; ਉਹ ਵੀ ਮਾਪਣ ਵਾਲੀ ਸੋਟੀ ਵਿੱਚ ਤਕਰੀਬਨ ਢਾਈ ਪੰਜ ਸੌ ਹੱਥ ਸੀ। 18ਉਸ ਨੇ ਦੱਖਣੀ ਹਿੱਸੇ ਨੂੰ ਮਿਣਿਆ; ਉਹ ਵੀ ਮਾਪਣ ਵਾਲੀ ਸੋਟੀ ਦੀ ਵਰਤੋਂ ਕਰਕੇ ਪੰਜ ਸੌ ਹੱਥ ਦੇ ਕਰੀਬ ਨਿਕਲਿਆ। 19ਫਿਰ ਉਹ ਪੱਛਮੀ ਹਿੱਸੇ ਵੱਲ ਮੁੜਿਆ ਅਤੇ ਇਸ ਨੂੰ ਮਾਪਿਆ; ਉਹ ਵੀ ਮਾਪਣ ਵਾਲੀ ਸੋਟੀ ਦੀ ਵਰਤੋਂ ਨਾਲ ਪੰਜ ਸੌ ਹੱਥ ਦੇ ਕਰੀਬ ਨਿਕਲਿਆ। 20ਇਸ ਤਰ੍ਹਾਂ ਉਸ ਨੇ ਆਲੇ-ਦੁਆਲੇ ਦੇ ਖੇਤਰਾਂ ਨੂੰ ਮਿਣਿਆ। ਇਸ ਦੇ ਦੁਆਲੇ ਇੱਕ ਕੰਧ ਸੀ, ਜਿਸ ਦੀ ਲੰਬਾਈ ਪੰਜ ਸੌ ਹੱਥ ਅਤੇ ਚੌੜਾਈ ਵੀ ਲਗਭਗ ਪੰਜ ਸੌ ਹੱਥ ਸੀ; ਇਸ ਕੰਧ ਨੇ ਪਵਿੱਤਰ ਸਥਾਨ ਨੂੰ ਸਾਂਝੇ ਸਥਾਨ ਤੋਂ ਵੱਖ ਕਰ ਦਿੱਤਾ।
Aktualisht i përzgjedhur:
ਹਿਜ਼ਕੀਏਲ 42: PCB
Thekso
Kopjo
Krahaso
Ndaje
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
ਪਵਿੱਤਰ ਬਾਈਬਲ ਪੰਜਾਬੀ ਮੌਜੂਦਾ ਤਰਜਮਾ
ਕਾਪੀਰਾਈਟ ਅਧਿਕਾਰ © 2022, 2025 Biblica, Inc.
ਮਨਜ਼ੂਰੀ ਨਾਲ ਵਰਤਿਆ ਜਾਂਦਾ ਹੈ। ਸੰਸਾਰ ਭਰ ਵਿੱਚ ਸਾਰੇ ਅਧਿਕਾਰ ਰਾਖਵੇਂ ਹਨ।
Holy Bible, Punjabi Contemporary Version™
Copyright © 2022, 2025 by Biblica, Inc.
Used with permission. All rights reserved worldwide.