Цецн Ухана Багш 6
6
1Шар нарн дор би зовлң үзләв, күүнд тернь күнд.
2Бурхна өгсн өлгэдиг, зөөриг болн күндллһиг аль сансарн бәәдг күүнд зәрмдән эдниг цугтаһинь Бурхн эдлүлхш. Тернь кевтән талдан күүнд күртнә. Тегәд эннь – тус уга, тегәд эннь – хорта зовлң.
3Кемр кен чигн күн зун үртә болад, удандан бәәһәд, ут нас наслад, болв кишгән күцц эдллго, нам оршадг күн уга болсн болхла, би келхв – зуурм һарсн үрн терүнәс хөвтә,
4юңгад гихлә, керг уга ирн харңһуд орна,
тегәд терүнә нернь бийләнь хамдан харңһуд үкнә.
5Зуурм һарсн үрн нариг медсн чигн, үзсн чигн уга, тегәд эн терүнәс амр бәәдлтә.
6Кемр тер хойр миңһн җил бәәһәд, болв кишгән эс эдлсн болхла – цугтан тиигән орна эсий?
7Күүнә күчкөлсн – терүг цадххин төлә, зуг терүнә седвәрнь ханҗахш.
8Цецн күн һәргтә күүнәс юуһарн деер? Кемр угатя күн җирһлдән яһҗ бәәхән меддг болхла, терүнд ямаран тус?
9Һарт бәргдсн көквш шовун, теңгрдк богшурһаһас деер. Эннь – тус уга, эннь – сальк көөлдән.
10Цугтад нерн бәәнә, күн гисн юн болҗахнь темдгтә. Бийәсн чидлтә күүнлә яһҗ тер зарһцхмб?
11Чинр уга үгмүд олн – терүнәс күүнд ямаран тус болҗана?
12Терүнә сүүдр мет давҗах тус уга җирһлд юнь сән болҗахинь кен медхмб? Терүнә хөөн шар нарн дор юн болхинь күүнд кен келҗ өгхмб?
Aktualisht i përzgjedhur:
Цецн Ухана Багш 6: ХКО_ӘБ
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© Институт перевода Библии, 2002-2023