Цецн Ухана Багш 11
11
Тааҗ медгдшго иргч
1Эврәннь өдмгән уснд тәвәд гүүлг –
кесг хонад терүгән олҗ авхич.
2Бәәснәсн түгәһәд өг,
долан күн болну, нәәмн болну:
ямаран зовлң һазр деер ирхинь медхшич.
3Кемр үүлн хурар дүүрхлә,
терүгән һазрт асхх;
модн өмн үзг хәләҗ,
эс гихлә ар үзг хәләҗ унв чигн –
унсн ормдан тиигәд кевтх.
4Сальк хәләсн күн – тәрә тәрдго,
үүл хәләсн күн – хадлһ кедго.
5Салькна хаалһ чи медхшич,
саата гергнә геснд ясн альдас бүртдгинь медхшич –
тиигҗ чи Бурхна күцәҗәх цуг кергүдиг медҗ чадшгоч.
6Өрүнд һарад тәрәһән тәр,
асхнд чигн һартан амрлт бичә өг,
яһад гихлә юн туслхнь чи медхшич –
тернь, аль эннь,
эс гихлә, тернь чигн, эннь чигн сән.
7Герл тааста, нар үзхлә – нүднд сән.
8Күн кедү җилдән эс бәәв чигн,
оньдинд нәәрлҗ йовтха.
Зуг харңһу өдрмүдин тускар сантха.
Яһад гихлә тиим өдрмүд баһ биш болх;
учрх тоот – цугтан тус уга.
Баһчудт өгчәх селвг
9Көвүн, баһ наста деерән нәәрлҗ йов;
баһ цага өдрмүд чамаг, чини зүркиг байрлултха;
зүркән дуудсн тал од, нүдән хәләсн тал йов.
Болв тодлад авчк: цуг эн тоотар Бурхн чамаг зарһд орулх.
10Зүркнәсн һундл көөһәд һарһ,
цогцасн зовлңгта бәәдл уга ке;
бичкндк болн баһ цаг – тус уга.
Aktualisht i përzgjedhur:
Цецн Ухана Багш 11: ХКО_ӘБ
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© Институт перевода Библии, 2002-2023