Sawmus 97
97
Kiyavwiye Uhokri ig hawkri akivara
1Kiyavwiye Uhokri ignewa ukivarawiy. Batekvitawnaba waxri! Bateknay yimin yis kewgihribdi parahwokwenevwi!
2Ay ganwa kadahan ukuhne akak amisnavye; barewvitka akak waditka in ku pariye kamax gikumadukan.
3Tiket wew givitkig, in ku pariye bukah givetunyavu ganwew.
4Ig keh ugugune kabutni pahakte hawkri. Waxri hiyapni, in sagka.
5Waxribdi imuwadminene pusuk kewa iytibe ta givetunat Kiyavwiye Uhokri, givetunat ner madikte waxri akivara.
6Inurik akka gidahan waditka. Hawata madikte hiyegviyenevwi hiyap gikiytani.
7Madikte ku pariye kiyathenevwi ahehpakti igkis misakwa akak maraki; mpiyasa maraki madikte ignes ku pariye kehnevwi giwantikis akak gidahankis ahehpakti bataka. Givetunat Kiyavwiye Uhokri madikte uhokrivyene mabukwa.
8Hiyeg avityavu Jerusalém igkis bateke giminkis, Kiyavwiye, hawata paytwempuvyene avit Judá batekvitnekuye awaku ku samah pannivwi kibeyne.
9Kiyavwiye, Uhokri inurikyene, pis ka pidatnisima. Pis kumaduka madikte waxri. Pis givitminkis madikte uhokrivyene.
10Ig Kiyavwiye Uhokri batek gikakkis hiyeg ku pariye amiyha mbayka. Ig mpitha gihiyegavu hawata ig wiwhgikis ariw arewhavye gidatnikis.
11Kabutniki hamahwa givitkis barewvityevwi. Inme batekka hamahwa givitkis kibeynevwi.
12Yis ku pariye wadityevwi bateknay yimin ku samah yis gikak Kiyavwiye Uhokri!
Kabayhanay giw barewbetye!
Aktualisht i përzgjedhur:
Sawmus 97: pluPB
Thekso
Kopjo
Krahaso
Ndaje
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2018, Wycliffe Bible Translators, Inc. All rights reserved.