Sawmus 98
98
Matakaki akak waditka gidahan Uhokri
1Paknay pahat nukune avat git Kiyavwiye Uhokri, mmanawa ig kehe ka aynsima barewyevwi annut. Ig mateke madikte akak gidatni hawata akak inin gikiytani barewbetye.
2Ig Kiyavwiye Uhokri ekke ku samah gidatni. Ig kehe nawwotunyevwi hiyeknekuye inin gidatni amnihkevutne.
3Ku samah gikaksan gitkis gihiyegavu izhaewyenevwi henewa ig kehni. Ig ekke gabay danuhte arit iwetritviyene piyawakadnene avit waxri. Madikte igkis hiyepnekuye uwohkigawiy gidatni.
4Paknay akak yibetki git Kiyavwiye Uhokri, yis hiyegviyenevwi amadgayavu inin.
Kabayhanay Kiyavwiye akak avatman hawata akak kabimanka awaku yibetki.
5Paksanay Kiyavwiye Uhokri, bukihka akak hebek. Agighanay agigman akak hebek.
6Agighanay tohompet akak egu kohneta. Akkanay yibetki git Kiyavwiye Ikivarat.
7Kimanhawnay parahwokwa akak madikte ku pariye misekwenevwi nihakwa.
Paknay waxri akak madikte ku pariye misekwenevwi nivit.
8Warikviyene, biwhnay yikak! Waxribdi imuwadminene, paknay akak yibetki givetunat Kiyavwiye Uhokri.
9Awaku ig nehmnik adahan kumadukene waxri. Ig kumadukanek madikte hiyegviyenevwi akak waditka hawata avigkutavriknawa kabayka.
Aktualisht i përzgjedhur:
Sawmus 98: pluPB
Thekso
Kopjo
Krahaso
Ndaje
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2018, Wycliffe Bible Translators, Inc. All rights reserved.