Sawmus 126
126
Kehnaba usuh bateke uminuh akiw
1 Minikwak ku aysaw ig Kiyavwiye Uhokri waxwevwiy diyuhe avitit Jerusalém, in ke wotbe wixwiy karisunibe.
2Avim ini hawkri, wixwiy pekne avat; wixwiy hiyarepne, awaku ubetkiwiy. He hiyeg ku pariye kane hiyak Uhokri igkis hiyapni hene igkis awna:
“Kiyavwiye Uhokri kehe ka aynsima kabayka gidahankis.”
3Henewa, ig Kiyavwiye Uhokri kehe ka aynsima kabayka udahanwiy. Inneki kehe wixwiy bateke uminwiy.
4Kiyavwiye, uya amnih wiwh usuh ariw mbeyne pahaynewata akiw! Kehnaba usuh bateke uminuh akiw. Kivunsanaba usuh akak kabayka akiw, hawata ku samah muwok digisasa kariy makaravye akak un.
5Kahadbe pihiyegavu ku pariye mutuhne akak gikankis, igkis matisnek akak gibetkikis.
6 Henewatbaki! Ku pariye pesne akak gikankis adahan amutriyakis, igkis diyuhnek kivun akak batekka, hiyuhmine akak gimatsankis ariwntak gamutravwikis.
Aktualisht i përzgjedhur:
Sawmus 126: pluPB
Thekso
Kopjo
Krahaso
Ndaje
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2018, Wycliffe Bible Translators, Inc. All rights reserved.