Sawmus 127
127
Aymwah yivinekuya avigkutavrik Uhokri gihiyekemni
1Ku ka igma Kiyavwiye Uhokri wagahkisne uvinekyavu gawaygikis, nikwe waditnevyenen wannivwi adahan adahan ahegbeta wowskeki. In hawata ku samah wis ubetki awna: “Ku ka igma Kiyavwiye Uhokri mpithamni paytwempu, waditnevyenen avuriwkevutnevwi avuriwni.”
2Hawata in waditnevyenen wis kannivwiye mataytak hewke tiyegem ininewa adahan wis aharitnene waymuhwan. Wis ka muwaka kiyimwihwa amin ariknawnema ku pariye muwekne wot. Mmanawa ignewa Kiyavwiye Uhokri ikap ku pariye gibetkivu, hiyawa igkis himekbetnekis. Heneme amawka wis aymwah uvinekuyavu avigkutavrik Uhokri gihiyekemni.
3Ukamkayuvwi igkis giwntakwa Kiyavwiye Uhokri. Igkis inyewa kabayka. Igkis Uhokri gikan wot.
4Ku pariye awayg kakamkayh gitakwayewka, ignes gikamkayuvwi kewa yakotbe ay giwaku pahavwi kerkevutne.
5Ka aynsima kabayka gidahan pahavwi ku pariye kadahanye ka aynsima gikamkayuvwi, ke norasbe yakot. Igkisme gimaptenten. Ig ka hahwati ku aysaw ig patiptaka givetunyavu ay anumeku givin.
Aktualisht i përzgjedhur:
Sawmus 127: pluPB
Thekso
Kopjo
Krahaso
Ndaje
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2018, Wycliffe Bible Translators, Inc. All rights reserved.