Sawmus 125
125
Uhokri ay ganwakis gihiyegavu
1Hiyeg ku pariye kamaxwenevwi givitit Kiyavwiye Uhokri, ignes kewa waxri Siyawhbe, ku kavit Jerusalém misakwa. Yuma ariknawnama hiya gisamanakkisnek.
2Ku samah waxribdi imuwadminene ay aranwa Jerusalém, hene ig Kiyavwiye Uhokri ay ganwakis gihiyegavu. Igkis ay giwanmaku ku akak inin hawata adahan avanenekwa.
3Hiyeg mbayavye ka kumadukanek Uhokri gihiyegavu adahan avanenekwatma. Ig Kiyavwiye ka isaksanek igkis mpiksaptih gihiyegavu adahan ignesme keh ku pariye kane wadit.
4Kiyavwiye Uhokri, kehnaba kabayka gikakkis hiyeg ku pariye wadityevwi!
5Igkisme neras ku pariye tukuhwevye ariw pihiyekemni, igkis katiwnihnek gitaraksankis payak gikakkis neras mbayavye gihiyekemnikis. Hene izhaewyenevwi misakwanek akak pasamraka. Igkis misakwa karisaw adahan avanenekwa!
Aktualisht i përzgjedhur:
Sawmus 125: pluPB
Thekso
Kopjo
Krahaso
Ndaje
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2018, Wycliffe Bible Translators, Inc. All rights reserved.