Sawmus 124
124
Wake Kiyavwiye Uhokri yumahbe ay ukakwiy
1Wake Kiyavwiye Uhokri yumahbe ay ukakwiy, pariye danuhkama wotwiy? Kaytwanay nuwnuh, yis hiyeg izhaewyenevwi!
2Igkisme izhaewyenevwi kaytwa:
“Wake ig Kiyavwiye Uhokri yumahbe ay ukakwiy, nikwekam uvetunyavuwiy 3dakerevwiykama ivegi; mmanawa igkis ivukwe uminwiy akak madikte gidagonikis kewa pahow parawbe nopsadnano. 4Nore paraw hiyuhpewiykama piyawakad, nikwe akemni digisasevwiykam. 5Hawata nikwe wixwiy madikte aniksewvikam abet amiyan.”
6Uyay kabayha Kiyavwiye, mmanawa ig ka isaksa uvetunyavuwiy pisenwa ukakwiy.
7Wixwiy kewa pahavu kuhivrayanbe ku pariye isahptewviye ariw wewvekevutne giteyni. Kuwawta matisbete, nikwe wixwiy isahptew.
8In wamnihkawiy ayta giwntak Kiyavwiye Uhokri, ku pariye kehe en akak waxri.
Aktualisht i përzgjedhur:
Sawmus 124: pluPB
Thekso
Kopjo
Krahaso
Ndaje
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2018, Wycliffe Bible Translators, Inc. All rights reserved.