Mavhesi emuBhaibheri Ane Mukurumbira kubva kuna Marocohacha Laenai 13

Pakurirana nevamwe

Canu cachaneein neeichene corenihate inara cotaairiin inara coaraa cuurureein satiin caa chauratane sacuritaain nenacaauru cachaauru. Nete nitohaniha sainejeein satono que tiaain caitoonjoan tonoraain neite ichoteratenojoiniha cureein.

Niique tihanereen tiaain caohachaain nainaain Cana Coaunera bajajeein neeuche. Coatiha coitucueraai nii airichaainne jaa cojoanonaa.

Aihane jaun, cocoainanacaihuri rene inara amaauruhane, jiaonriha acaauru rai ereeiche jaaque tonajeein cuhichene. Inae ecu ereeiche coina turuhichene coatiha inara aitoriheeicheein. Cana Coaunera aitoroatenojoin Cana Coaunera Suujue letononeeinte aitoriquicheein.

nitajereein caa chauratane aina dede. Nete lae caa aitocoaaunne jaa quere, caa aitocoaaunne rijijieein que tihane reeintiaain nereein.

Nete laen: ‘Naaonjoain cojoanonaa banate ecu tiaain aicheein’, nene naain nii chuni coitucuera. Niheichu dedeeu nenacaauru anjeraauru niha natiin coitucuuruhi. Niheichu canu niha natiin coitucuhaaun, leinjiin Ofaachate coitucuujue.

Jiaonriha: ‘Ecuuru ecuurute ne sonaana’, naain coitucuhichene nesooneein casiichene. Nitohaneeinte nunuheca cureein. Nete caa caitoonjoan cojoanonaa satono que turuhane jaun ainenereein.

Aihane jaun, caohachaain nainaain turuhane cohajeein neeuche inara. Coatiha coitucueraai turuha nii loreri erorane, sona naluque, dede cataaun, ataohari irihanau, janone, naaonjoainiji, turuhane jana letona jatoroaain neneeichene coataa. Caa inara rai aitocoaaunne rijitojoeeine leeochaauru rai netonai aitoon, caohachaain nainaain cohaquichene coina”, nae jetao, Fedoro, Saantiaao, Joaan, Anderesi, naaonjoainuri rai Jesoso.

Lauri nenacaauru cachaaurute, leeochaauru aina nejerateein, ita que nererojoecaain niha cuurureein. Jana leeocha atane que ichaonacaaurute, leeocha atane que ichaonacaauru aina sonaana que niha cuurureein. Chaentechu araai lauriin aihane jaaunru, jataain mijiaaineein niha cureein carora tabai. Nii janate, niha cureein mijitena. Niite aasaaeriin necairichanaa nunuheniha cureein.

Jaiti nitohaneein satono que turuenihane ajinihate, satiin cachaauru chauratane sacutaain lauri lauri nenacaauru rai caa caitonjoan nosa caje nichoteeururichaaine beebejiha curiquicheein.

Arajiichurute canuniha nocoetiinchuru turuhin: ‘Canune Curisito neeunra’, naa uuruhane, arajiin cachaauru nii acaauru coritaauruhane esenetaa cuurureein.

Aihane jaun caohachaain nainaain neeuche. Canu corenihate, cocoainanacaihuri, reey curu, naaonjoainuri bijiu inara teeuruhane janate, sinacocaauru asaaecuru teein inara bisiha cuurureein. Nitohaneein inara teeuruhane banate, esinae rauhijiriin canuneein nihanune biha curiquicheein acaauru rai.

Mesihasi niha nocoetiinchurute profeta ne lanaala nenacaaurune maajeeichuru, inara coritaa cojoelanaacojoai ichaa cuurureein. Janijiin Cana Coaunera ranojoinuru niha natiinte coritaaurureein.

Niritiin jetaote: “Nitohaneein inae niha necairichanaa cojoanonaane baihate, nocoena niha enotone jana, atene netonai conoenereein. Nii janate, dede cajene maajeeichuru naluhacoaa arasijieeurune jana, nesoone caaun rijijijianiha cuurureein dedeeu nenacaauru netonai.