Mavhesi emuBhaibheri Ane Mukurumbira kubva kuna Mélékusu 13

Pakurirana nevamwe

Batɔ biimée bá ŋga nyó bɛlábɛ́láa go busío bámɛ, kanɛ́ mɔ́ɔnyɔ a ŋgaá simbímídé, gó ɛ́da húme naá mamáná, Asaŋa a ŋga mo sódío.

«Bébeŋéemú nɔnɔ bese, gɛ́gáa nɔnɔ pɔnyɛ́ɛ, goakɛ́ no do íyíménée gɛcamɛna aŋa gɛ́ ná bolamɔ́.

Gɛcamɛna gɛ́ɛgɛ bá nɛ́ ɛ́damɔ́ nɛnyɔ́ go cáágá, no do gá lɛ́ go yóbimido bo bɔ́ɔbɔ no ŋgoó oyáa. Kanɛ́ oyáa nɔnɔ dogálɔ dɔ́ɔdɔ bá ŋgaá nyó fáá naá gɛcamɛna moánɛ; mammana, caá bɛɛnyɔ́ɔ báa no ná gálagalamɔ́, a lɔ́mɔ́ Gimmúmpúu gá Giliíli.

Mmoɛná na cí mó ŋga maná, kanɛ́ dogálɔ dámɛ dó do ŋgá mana.

Mɔtɔ a dɛ íyíménée akɛ́ buisí ɛ́na lí gigúlí gá moóma moánɛ go bola, akɛ́ bɛɛ́ŋgɛlɛsɛ báaba naá mmoɛná, akɛ́ Moɔnɔ́, Baaba mokáa mɔ́ɔ i íyimenemú.

Aŋa no ŋgɔɔ́ ɔ́bɔ́nɔ́ɔ bó oya cɔ́mɔ sá bidé, na biuŋgúlú bá bidé, no do bɛáa bofoá, moóma moánɛ mó háanana go bola, kanɛ́ bó do ŋgá bɛ́ɛmba gomana gá cí.

Gɛ́gáa nɔnɔ kanɛ́ pɔnyɛ́ɛ, goakɛ́ no do íyíménée gɛcamɛna gɛ́ɛgɛ mɔtɔ ba nnyaŋá a ŋgaá ncó gunde, bó lɛ́ ba go bɛ́ɛmba na hɛɔbɔ́bɔ́ɔ, akɛ́ na odɛ́má yá budúgú, akɛ́ naá godádɛda gá gɛnɔ́mɛ gá ŋgɔɔ́, ɛ́na lí na gɛyɛ́nɛ́. Bébeŋéemú nɔnɔ goŋaá cɛ nyó sulúŋényée cɛ nyó gídé go dɔnɔ́ɔ. Boóma bɔ́ɔbɔ nnyó oyanamɔ́ bɔ́ɔbɔ, ŋgaá bó oyɛ́dá go busío bá mɔtɔ uŋkimée caá: gɛ́gáa nɔnɔ pɔnyɛ́ɛ.»

Mammana, boɛ́nɔ búmmue bó ŋga nɔɔ́ɔ sɔ́gɔ́ɔ boɛ́nɔ bidé, bufuŋe bó ŋa nɔ́ɔ caŋa mmue na sɔ́gɔ́ɔ bufuŋe. Goyiŋkime gá cí na incíli mó ŋga bɛ́ɛ́mbá naá bigísi bá cí gɛca. Bó ŋga bɛ́ɛ́mbá aŋa mabayɛga má gɛɔ́bɛgɔ gá manómana má okɔ́dɔ go bíene.

Bó úhene goŋaá Gɛnɔ́gɔ́ gá Cɔ́mɔ gɛ́ manɛ bó oya naá mɛɛ́nɔ miimée.

Batɔ degédegé bá ŋgu úlénée bá béfínenye go ufíno yámɛ, bó oya bá amɔ́: “Yɔmɔ́ɔ ndɔ́mɔ́ Kilítusu”. Bá ŋga ŋaáa goŋaá gɛca gá batɔ gɛ́ nana mammana ya pɛ́.

Kanɛ́ bɛɛnyɔ́ɔ, bébeŋéemú nɔnɔ. Batɔ bá nɛ́ ɛ́dana nɛnyɔ́ naá nnyaŋá sá mógála na naá nnyaŋá sá mbósógólí, bá nyó sóala mobágɔ. Bá ŋga nyó dílíményée go cáágá naá busío bá baŋgɔ́mɔnɔ na naá mefuŋe go busío bámɛ, kɔ́ɔ no ŋga bɛ́ɛ́mbá ŋgominyo sámɛ naá busío bábɔ́.

Mammana, bemesíi bá mbele na mbúsí sá mbele bá ŋga bológánáa. Bá ŋga ŋanánáa bieninye bá gobékúke na bɛsɛɔ go go fúmbe go nenugie akɛ́ báaba Asaŋa a mbií iyídé.

«Kanɛ́ naá medúgú mɔ́ɔmɔ, naá nnyimé ya makánya go dómba, buisí bó ŋga fúé, ofɛ́ yó do gɔnɔ́ nomɛda, muotóti mó káfakafa go mmoɛná mó obana; gɔnɔ́ magaaga máama naá mmoɛná má dɛ gɔnɔ́ bɛa ndukúménínée.