Mavhesi emuBhaibheri Ane Mukurumbira kubva kuna Ma̱rkut 13

Pakurirana nevamwe

Á̱niet ma̱ a̱di̱di̱t na lak li nyin, mat nyi yet á̱niet khwi nung bya. A̱wot a̱tyu a̱ gbang a̱lyia̱ a̱ si̱ yong mi̱ chet si̱ nat sangba̱p swuan nggu ji a̱ni; a̱ na shya̱ san.”

Nyi ta̱bam! Nyi cham! Mat nyi lyen jen nang n na mbwuok a̱ni bah.

“Jen nang á̱ na nya̱baat nyin á̱ bai ma̱ng a̱nyin a̱zaghyi á̱niet nyia̱ shi̱ri̱ya a̱ni; nyi yok nwuo a̱di̱dam tazwa kyang nang nyi na hyia̱ a̱ni bah. A̱wot ki̱ jen ji nyia̱ á̱ na nwuak nyin kyang hu nang nyi na hyia̱ a̱ni; mat nyin bya lyiat bah. A̱za̱za̱rak Ntswa A̱gwaza wu wa na lyiat nyin ndyo.

Kyai tswazwa ma̱ng a̱byin na kuut. A̱wot A̱lyiat nung na si̱ mi̱n kwa a̱byin bah!”

“A̱wot mam a̱hwa ku jen a̱ja; á̱ mbyia̱ a̱tyu a̱ lyen a̱ni bah. Ku a̱yaata̱m tswá A̱gwaza ba ba̱ shya̱ Ma A̱gwaza tswazwa ka a̱ni, mbeang Nggwon A̱gwaza ka, ba̱ lyen bah; si̱ ma̱ A̱tyia̱ wu ma̱nyin gu, nggu wa lyen.

Ka̱ nyi fwuong nkhang zwang ma̱ng nkhang a̱ka̱yaat ma̱ a̱di̱di̱t, nyi yok fa̱k a̱sok a̱fa bah. Ku yet ta hwa nkyang nani na bai, a̱wot a̱mgba̱m jen wu a̱ sii bai.

“Ma a̱nia wa, nyi swan cham! Mat nyi lyen jen ji nang a̱tyoli nyin wu na mbwuok a̱ bai a̱ni bah; ke jenshyung ja oo, ke a̱tyia̱ka̱u a̱tyetuk kya oo; ke mi̱n shong a̱tson hwa oo; ke ma̱ a̱tsotson a̱tson kya oo. Ka̱ a̱ bai di̱ mi̱ lyen, nyi yok shim á̱ ba̱ shya̱ nang nyi khan nda bah. A̱wot kyang hu nang n gba nyin a̱ni, huhwa n gba konyan: ‘Nyi swan cham bwuok gu hu!’ ”

“Nwap na kwan zwang ma̱ng nwap. A̱wot tyok ku kwan zwang ma̱ng tyok. A̱byin na tyi̱ri̱m da̱ a̱vwuo ma̱ a̱di̱di̱t mi̱ swanta hu. A̱wot á̱ bu nyia̱ a̱cha̱chet nzong da̱ a̱vwuo ma̱ a̱di̱di̱t. Nkyang nani nia na yet a̱son swuo a̱bung ka, ka̱ na bai ma̱nang a̱fa mbyin ni̱ ntsa bwuak a̱byii̱k di̱n jen twei ma̱ng byin a̱ni.

A̱wot ku yet ta hwa á̱ tsa shei A̱sham Nkhang ka da̱ a̱vwuo a̱mgba̱m nnwap mi̱ bibyin swanta na, a̱mgba̱m jen wu a̱ sii bai.

Mat á̱niet ma̱ a̱di̱di̱t na bai da̱ a̱lyoot nung di̱ bwoi a̱ka̱laa, ba̱ kyiak nyia̱ bibya yet ‘Kristi’ a̱ yet a̱tyu A̱gwaza kup gu tyok a̱ni. A̱wot ba̱ na laai á̱niet ma̱ a̱di̱di̱t.

“A̱wot nyin, nyi chok pyipyia̱ nyin. Mat á̱ na tyia̱ nyin mbwak sot a̱cha̱chet a̱yaakwak a̱son A̱yahudawa; a̱wot á̱ tsot nyin mi̱ á̱tutu a̱tung A̱yahudawa ba; á̱ nyia̱ nyin shi̱ri̱ya a̱zaghyi á̱gwam ma̱ng a̱yaagwomna mat shei A̱sham Nkhang nung ka. Huhwa nyi na byia̱ a̱wat nyi shei nkhang nung na a̱zaghyi mba.

Mat á̱niet bwoi a̱ka̱laa ba̱ kyiak nyia̱ ba̱ yet A̱gwam Kristi; ma̱ng á̱niet ba̱ kyiak nyia̱ bibya yet á̱tsak a̱yaata̱m a̱kwonu A̱gwaza, na ghwut kpa̱sai. Ba̱ nyia̱ nkyang a̱ri̱bi̱di ma̱ng a̱ga̱de, ba̱ ka laai á̱niet nang A̱gwaza khai a̱ni, ka̱ ba̱ shya̱ a̱wat ka.

“A̱wot mi̱ njen a̱ja, nang a̱gba̱ndang swuo a̱bung wu ka̱n swaak, á̱ lyuut nyia̱, ‘Mam na nyiip a̱vwuo ka̱ tyia̱ lyin. Ma a̱nia wa, zwat ji̱ na sai bah. Á̱ta̱ngwat na shyot á̱ kwa̱i neet mi̱ kyai tswazwa. A̱wot a̱mgba̱m a̱cha̱chet nkyang na̱ shya̱ tswazwa a̱ni, á̱ na zwun naa.’