Versete biblice populare din MANUGWALI 5

Împărtășește

Dili ka magdasodaso sang imo baba, kag ang imo tagiposoon indi magmadagmit sa pagmitlang sing bisan ano nga butang sa atubangan sang Dios, kay ang Dios yara sa langit, kag ikaw sa duta; busa magdiotay ang imo mga polong.

Ang tagsa ka tawo man nga ginhatagan sang Dios sing manggad kag pagkabutang kag ginhatagan sia sing gahum sa pagkaon sini, kag pagkuha sang iya bahin kag sa pagpangalipay sa iya kinabudlayan—ini amo ang hatag sang Dios.

Ang nagahigugma sang pilak indi mabusug sing pilak; bisan ang nagahigugma sang kabuganaan, sing patubas: ini man kadayawan.

Bantayi ang imo tiil kon magkadto ka sa balay sang Dios; kay ang pagpalapit sa pagpamati maayo pa sa paghatag sang halad sang mga buangbuang; kay wala sila makahibalo nga sila nagahimo sing malaut.

Kon nagasaad ka sa Dios, indi ka magpalantang sa pagbayad sini; kay wala sia sing kahamuut sa mga buangbuang. Bayari ang imo ginasaad.

Maayo pa nga indi ka magsaad, sang sa magsaad ka kag indi magbayad.

Matam-is ang katologon sang tawo nga nagapangabudlay, bisan nagakaon sia sing diotay ukon madamu; apang ang pagkabusug sang manggaranon indi magtugut sa iya sa pagtolog.

Subong sang iya paggowa sa tiyan sang iya iloy magataliwan sia nga hublas subong sang iya pag-abut, kag wala sing madala tungud sang iya pagpangabudlay, nga madala niya sa iya kamut.