Versete biblice populare din MANUGWALI 4

Împărtășește

Ang duha maayo pa sa isa, bangud nga may maayo sila nga balus tungud sang ila pagpangabudlay. Kay kon mapukan sila, ang isa nagabayaw sang iya kaupud; apang kailo sa iya nga isa lamang kon mapukan sia kag wala sing isa nga magbayaw sa iya.

Kag kon ang isa ka tawo maglandas sa iya nga isa lamang, ang duha magatindug sa iya. Ang lubid nga tatlo ka dupli indi mabugto sing madali.

Liwat, kon ang duha nagahulid, niyan may kainit sila; apang paano nga ang isa lamang mag-init?

Maayo pa ang isa ka tapnay nga may kalinong sang sa duha ka tapnay nga may kabudlayan kag pagpanikasug sa hangin.

Niyan nakita ko ang bug-os nga kinabudlayan kag ang tagsa ka sampaton nga buhat nga tungud sini ang tawo ginakahisaan sang iya isigkatawo. Ini man kadayawan kag pagpanikasug sa hangin.

Maayo pa ang imol kag maalam nga pamatan-on sang sa tigulang kag buangbuang nga hari, nga indi na makahibalo magbaton sing laygay