Versete biblice populare din SANTIAGO 2

Împărtășește

Xalla nuź ni thapa quśki watćha: Tshi źoñi ana lanqźtichiślax nïki, ni źoñiki perśunpacha tikhśićha.

Niźaśa tshi xañchiki ana animuchiślax nïki tikhśićha, xalla niźtaśaqaś tshi thapa quśki ana pätanakźtanaki tikhśićha.

Weth jilanaka, ¿tshisuñźkiśiki ćhhulkiśtan thapa quśśiśtćha khiś wakiśixo, ans nïź lanqźtanaka ana thensnanxo? ¿Nïź thapa quśki nïx liwriyasaya?

Amki tshi Yöś źelhćhaqam khiqaya, amki nuź chïkuki añcha walim päćha; niźaśa ni Saxranakaki nuźuśaqaś kirïćha, neqhśtan ninakaki aźkiśtanź Yöś eqhsku kharkatćha.

Niźaśa tshïsuñaki tuź khesaź nïki: “Amki thapa quśśiśamćha, niźaśa werhki lanqźtanakchiśtćha. Am thapa quś ana lanqźtichiś thëźna; ans werhki amkiś weth thapa quś lanqźtankchiśl thëźnaćha.”

Niźaśa ni yaqha źoñi ana oqśñinakaki, niźtaśaqaś ana oqźku juchjiptayta khekićha, ans ni źoñi oqśi źoñinakaśti ni juchjiptayś thuñkiś añcha śuma khitaź ulnakićha.

Anćhukkiź cherćha, Yöśki ni źoñiź pätanakkiśtan źkayi quśśiśśa khićha, ans ana nïź thapa quśkiśtanqaś.

Niźaśa amki ni Abrahamźkiśtanim cherźnasaćha, nïź thapa quśki pätanakźtan thëśićha niźaśa nïki nïź pätanakźtan nïź thapa quś źkayi khisqatchićha.