У Цябе Сапраўды Ёсць Малітва!Sample

Мадэль Эфектыўнай Асабістай Малітвы Ад Бога

Малітва «Ойча наш» лічыцца адным з найбольш вядомых урыўкаў у Бібліі. Многія людзі ведаюць малітву на памяць ці, па меншай меры, могуць лёгка яе пазнаць, пачуўшы яе. Ісус запаведаў сваім вучням:

«А вось так вы маліцеся: Ойча наш, Які ёсць у небе, свяціся імя Тваё, прыйдзі Валадарства Тваё, будзь воля Твая, як на небе, так і на зямлі. Хлеба нашага штодзённага дай нам сёння; і даруй нам правіны нашы, як і мы даруем вінаватым нашым; і не ўводзь нас у спакусу, але збаў нас ад злога. Бо Тваё ёсць Валадарства, і сіла, і слава ў векі векаў. Амін»Мацвея 6:9-13.

Да сённяшняга дня малітва «Ойча наш» з’яўляецца адной з самых часта чытаных малітваў. Ісус не проста хацеў, каб вучні завучылі гэтыя каштоўныя словы, Яго намеры былі больш глыбокімі. Ён прапанаваў важную схему, на якой можна будаваць усе нашы малітвы.

Падумай на хвіліну, што абмяжоўвае твае малітвы, і якія перашкоды ў цябе ўзнікаюць падчас малітоўнага часу. Магчыма, у цябе ёсць схільнасць занадта канцэнтравацца на сабе. Можа, ты часта губляеш увагу падчас малітвы або нават засынаеш. Такія праблемы часам здараюцца ў кожнага з нас.

Малітва «Ойча наш» прапануе спосаб пераадолець гэтыя цяжкасцi, калі разглядаць яе па кампанентах, апісаных у наступным раздзеле плана.