بشارة الفرح العظيمSample

أعظم خلاص ممكن نتخيله
الله عادل وقدوس ومنفصل عن الخطاة اللي زينا. هي دي مشكلتنا الرئيسية في عيد الميلاد، وفي أي عيد تاني. إزاي ممكن نكون مبررين قدام الله العادل والقدوس؟
لكن الله رحيم ووعد في إرميا ٣١ (٥٠٠ سنة قبل المسيح) بأنه في يوم من الأيام هيعمل حاجة جديدة. هيبدل الظلال بحقيقة المسيا وإنه هيجي بقوة على حياتنا ويكتب مشيئته على قلوبنا، علشان الشريعة ما تبقاش قيد من برانا، لكن تبقى رغبتنا من جوانا إننا نحبه ونثق فيه ونتبعه.
ده يبقى أعظم خلاص ممكن نتخيله، لو الله يقدم لينا أعظم حقيقة في الكون كله، حقيقة المسيا، علشان نستمتع بيه وبعدها يحركنا علشان نعرف الحقيقة دي بشكل يخلينا نستمتع بيها بأعظم حرية وبهجة ممكنة. دي تبقى هدية عيد ميلاد تستاهل إننا نرنم بيها وبسببها.
هو ده في الحقيقة اللي وعد بيه في العهد الجديد. لكن كان في عائق كبير، خطيتنا، انفصالنا عن الله بسبب إثمنا.
إزاي ممكن إله قدوس وعادل يتعامل معانا إحنا الخطاة بكمية اللطف دي للدرجة إنه يدينا أعظم واقع في الكون (اللي هو ابنه) علشان نستمتع بيه بأكبر قدر ممكن من الفرح؟
الإجابة هي إن الله حط خطايانا على ابنه، ودان الخطايا دي فيه، علشان ينهي مشكلة الخطية تمامًا، ويتعامل معانا برحمة وفي نفس الوقت يفضل عادل وقدوس. عبرانيين ٩: ٢٨ بتقول الْمَسِيحُ ... «قُدِّمَ مَرَّةً لِكَيْ يَحْمِلَ خَطَايَا كَثِيرِينَ».
تحمل المسيح خطايانا في جسده لما مات (١بط ٢:٢٤)، وأخذ دينونتنا (رومية ٨:٣). ومحا ذنبنا (رومية ٨:١). وده معناه إن خطايانا اتغفرت (أعمال ١٠:٤٣). خلاص مش هتفضل الخطايا دي موجودة في ذهن الله كسبب لدينونتنا. بالمعنى ده الله لا يعود يذكرها (إرميا ٣١:٣٤). خلاص اتقضى عليهم تمامًا في موت المسيح.
وده معناه إن لله الحرية دلوقتي في عدالته إنه يغمرنا بكل وعود العهد الجديد العظيمة اللي ما تتوصفش. الله بيدينا المسيح، أعظم حقيقة في الكون، علشان نستمتع بيه. وبيكتب مشيئته، اللي في قلبه، على قلوبنا علشان نقدر نحب المسيح ونثق في المسيح ونتبع المسيح من جوة لبرة بحرية وفرح.
Scripture
About this Plan

٢٥ قراءة تأملية عن موسم الاستعداد لعيد الميلاد لجون بابير يميز موسم عيد الميلاد التأمل السعيد والتوقع الشغوف حيث يحتفل المسيحيون في جميع أنحاء العالم بمجيء مخلصهم. يدعو جون بايبر القراء في “بشرى سارة بفرح عظيم” لإعادة تركيز قلوبهم على المسيح خلال موسم الاستعداد لمجيء المسيح
More
Related Plans

Bump-Free Traveling

Celebrate Everything: 3 Days to Joyful Living

A Teen’s Guide To: Fearless Faith in a Challenging World

The Gates of Hell: Where Christ Prevails

From Acceptance to Approval: Living a Life That Pleases the Father

The Book of Galatians With Kyle Idleman: A 6-Day RightNow Media Devotional

The Coach Approach: A Better Way to Live, Lead, and Leave a Legacy

A Kid's Guide To: Facing Fear With Faith

Being Made New
