Populære bibelvers fra ‘Apositoló 1

Del

Ka te mou ma‘u pē ha mālohi, ‘oka hifo ‘a e Laumālie Mā‘oni‘oni kiate kimoutolu: pea te mou hoko ko ‘eku kau fakamo‘oni, ‘o ‘ikai ‘i Selusalema pē, ka ‘i Siutea kātoa, mo Samēlia, ‘io, ‘o a‘u ki he ngata‘anga ‘o māmani.

Pea ne folofola kiate kinautolu, ‘Oku ‘ikai ‘amoutolu ke ‘ilo ‘a e ngaahi taimi mo e ngaahi kuonga, ‘a ia kuo ta‘ofi ‘e he Tamai ki he‘ene fa‘iteliha ‘a‘ana.

Pea na‘a ne kai mo kinautolu, ‘o ne tu‘utu‘uni ai ke ‘oua te nau hiki mei Selusalema, kae talitali ki he tala‘ofa ‘a e Tamai, ‘A ia (na‘a ne me‘a mai) na‘a mou fanongo ki ai ‘iate au. He na‘e papitaiso vai pē ‘e Sione; ka ‘e papitaiso kimoutolu ‘aki ‘a e Laumālie Mā‘oni‘oni hili ‘a e ngaahi ‘aho si‘i.

Ko kinautolu ia foki na‘a ne fakahā ia ki ai hili hono feia: pea lahi mo mahino ‘ene ngaahi fakamo‘oni kuo ne mo‘ui: he na‘a ne hā kiate kinautolu, ‘o ‘aho fāngofulu, mo ne lea ki he ngaahi me‘a na‘e kau ki he Pule‘anga ‘o e ‘Otua.

Pea ‘i he‘ene folofola pehē, Lolotonga ‘enau siofia ia, na‘e ‘ave ia ki ‘olunga; pea na‘e kilala hake ia ‘e ha ‘ao, ‘o fakapuli meiate kinautolu.

Pea ‘i he‘enau mo‘u sio fakamama‘u ki he langi, lolotonga ‘ene hā‘ele, pea tā kuo tu‘u mai kiate kinautolu ha ongo tangata kofu hinehina. Pea na‘a na pehē, ‘A e tu‘unga mātu‘a Kāleli, ko e hā ‘oku mou tutu‘u ai, ‘o sio pehē ki langi? Ko e Sīsū ko ia ‘a ia kuo ‘ohake meiate kimoutolu ki he langi, te ne toe ha‘u; pea ‘e hangē tofu pē hono anga pea mo ‘ene hā‘ele ki langi kuo mou mamata ki ai.