Populære bibelvers fra ‘Apositoló 2

Del

Pea pehē ‘e Pita kiate kinautolu, Mou fei mo fakatomala, pea takitaha papitaiso ‘i he huafa ‘o Sīsū ko e Mīsaia, ki he fakamolemole ‘o ho‘omou ngaahi angahala, pea te mou ma‘u ‘a e me‘a‘ofa ko e Laumālie Mā‘oni‘oni.

Pea na‘a nau nofo faka‘utumauku ki he faiako ‘a e kau ‘Aposetolo, mo e fakakautaha, mo e pakipaki ‘o e mā, mo e ngaahi feingalotu.

Pea fā‘ofale ‘iate kinautolu kātokatoa ‘a e Laumālie Mā‘oni‘oni; pea nau hanga ‘o lea ‘i he ngaahi lea kehe, ‘o fakatatau ki he fakalea‘i kinautolu ‘e he Laumālie.

Pea fakafokifā na‘e hoko mei he langi ha me‘a, ‘o hangē ko e mumuhu ‘o ha fu‘u tu‘oni matangi ‘oku tō mai, pea na‘e fā‘ofale ‘i he loki na‘a nau nofo ai. Pea na‘e hā, kiate kinautolu ha ngaahi ‘elelo hangē ha afi, ‘o mavahevahe, ‘o nofo hifo kiate kinautolu takitaha. Pea fā‘ofale ‘iate kinautolu kātokatoa ‘a e Laumālie Mā‘oni‘oni; pea nau hanga ‘o lea ‘i he ngaahi lea kehe, ‘o fakatatau ki he fakalea‘i kinautolu ‘e he Laumālie.

Pea ko e ‘aho kotoa pē na‘a nau faka‘utumauku ‘o loto taha he ‘alu ki he Temipale, mo nau pakipaki mā ‘i ‘api; pea na‘a nau kai honau ‘inasi ‘i he fiefia mo e loto hangamālie; ‘o nau tuku kolōlia ki he ‘Otua, pea tokangaekina kinautolu ‘e he kakai kotoa. Pea na‘e fakaului ‘e he ‘Eiki ki he‘enau fakataha ‘i he ‘aho kotoa pē ‘a kinautolu kuo kamata mo‘ui.

‘Oku me‘a mai ‘a e ‘Otua, Pea ‘e hoko ‘o pehē ‘i he kuonga fakamui, te u lilingi ha me‘a mei hoku Laumālie ki he kakano kotoa pē; pea ‘e toki palofisai ‘e homou ngaahi foha mo homou ngaahi ‘ōfefine pea ko e kau talavou ‘omoutolu te nau mata vīsone, pea ko e mātu‘a ‘omoutolu te nau fa‘a misi

Pea ko kinautolu kotoa pē na‘e tui na‘a nau fa‘a nofo fakataha, pea na‘a nau mātu‘aki me‘a taha. Pea nau fakatau atu honau ngaahi tofi‘a mo e nga‘oto‘ota; mo nau tufa ‘a e pa‘anga na‘e ma‘u ai ki he kakai kehekehe, ‘o fakatatau ki he‘enau masiva.

pea ‘e hoko ai ‘o pehē, ko ia te ne tautapa ki he huafa ‘o e ‘Eiki ‘e fakamo‘ui.

‘e liliu ‘a e la‘ā ‘o po‘uli, mo e māhina ‘o toto, ‘i he tei hoko ‘a e ‘aho ‘o e ‘Eiki, ‘a e ‘aho lahi mo ‘ilonga