အက်ပ်ကို ရယူပါချီးမွမ်းခြင်း၏ ထူးဆန်လှသောတန်ခိုး—ဆာလံကျမ်းမှ (၅) ရက်တာအစီစဉ်နမူနာ
ဘုရားသခင်ကို ထောမနာချီးမွမ်းခြင်းသည် မိမိခန္တီပါရမီကို ပိုမိုပြည့်စုံစေသည်
ဆာလံဆရာ ဒါဝိဒ်မင်းကြီးသည် ဘုရင်ဖြစ်လိမ့်မည်တည်းဟူသော ဘုရားသခင်၏ ကတိတော်ကို ပြည့်စုံစေဖို့ အချိန်ကြာရှည် စောင့်ဆိုင်းခဲ့ပါသည်။ ဤကတိတော်ကို ပြည့်စုံစေဖို့ စောင့်ဆိုင်းစဉ်တွင်၊ ရှောလုဘုရင်ကြီးက ဒါဝိဒ်မင်းကြီးကို လုပ််ကြံသတ်ဖြတ်ရန် လိုက်လံရှာဖွေသောကြောင့်၊ သူသည် လူဆိုးဘေးမှ လွတ်မြောက်စေရန် မကြာခဏ ပုန်းအောင်းနေခဲ့ရပါသည်။ ဤခဲယဉ်းလှသောကာလတွင်၊ ဒါဝိဒ်မင်းကြီးသည် ယုံမှားသံသယမရှိဘဲ ထာဝရဘုရား၌ အစဉ်အမြဲ ခိုလှုံခဲ့ပါသည်။ (ဆာ၊ ၅း၃) တွင်၊ အို ထာဝရဘုရား၊ နံနက်အခါ အကျွန်ုပ်စကားသံကို ကြားတော်မူရပါ၏။ နံနက်အခါ ကိုယ်တော်ကို မျက်မှောက်ပြု၍ မျှော်လင့်ပါမည်ဟု ဒါဝိဒ်မင်းကြီး ပြောဆိုခဲ့ပါသည်။ ဒါဝိဒ်မင်းကြီးသည် ဘုရားသခင်ကို စိတ်နှလုံးအကြွင်းမဲ့ ချစ်၍ ယုံကြည်သောကြောင့် အရာရာ၌ မျှော်လင့်လျက် စောင့်ဆိုင်ခဲ့ပါသည်။ သို့ရာတွင်၊ (ဆာ၊ ၅း၁) တွင်၊ ဒါဝိဒ်မင်းကြီးသည် ဤသို့ပြောဆိုခဲ့ပါသည်... အို ထာဝရဘုရား၊ အကျွန်ုပ်၏ စကားကို နားထောင်တော်မူ၍၊ အကျွန်ုပ်မြည်တမ်းခြင်းကို ဆင်ခြင်တော်မူပါ။ သူ၏ စိတ်နှလုံးကို ပွင့်ပြပြီးနောက်၊ သူ၏ ဓမ္မအာရုံကို ပြောင်းလွဲပြီး ဘုရားသခင် ပြန်ထူးတော်မူမည်ဟု ယုံကြည်စွဲလမ်းလျက် ချီးမွမ်းခဲ့ပါသည်။ ထာမနာချီးမွမ်းစဉ်တွင်၊ သန့်ရှင်းသောဝိညာဉ်တော်သည် လောကုတ္တရာမျှော်လင့်ခြင်းကို ဒါဝိဒ်မင်းကြီး၏ စိတ်နှလုံးထဲသို့ သွန်းလောင်းတော်မူခဲ့သည်။ ဤသည်မှာ ထာမနာချီးမွမ်းခြင်း၏ ထူးဆန်းသောတန်ခိုး ဖြစ်ပါသည်။
မိတ်ဆွေလည်း မိမိဆုတောင်းချက်၏ အဖြေအဖို့ စောင့်မျှော်နေစဉ်၊ ထိုနည်းကို ပြုလိုက်ပါ။ မိမိဓမ္မအာရုံကို စူးစိုက်ပြီး၊ ဘုရားသခင်၌ အစဉ်မပြတ် ခိုလှုံလျက်၊ ရှေ့တော်၌ မိမိစိတ်နှလုံးကို ဖွင့်ပြ၍ ဘုရားသခင်၏ ဂုဏ်တော်အနန္တကို ချီးမွမ်းလိုက်ပါ။ ဘုရားသခင်သည် သစ္စာရှိစွာ ပြန်ထူးတော်မူလိမ့်မည်။ သစ္စာနှင့် ပြည့်စုံတော်မူသော ဘုရားသခင်သည် မိမိကတိတော်များကို တည်စေတော်မူမည်။ ဘုရားသခင်သည် တိတ်ဆိတ်နေသလို ခံစားရသော်လည်း သန့်ရှင်းသောဝိညာဉ်တော်သည် လောကုတ္တရာမျှော်လင့်ခြင်းကို မိတ်ဆွေ၏ စိတ်နှလုံးထဲသို့ သွန်းလောင်းတော်မူလိမ့်မည်။
ဆေလာ (Selah) - ငြိမ်ဝပ်စွာ နေလျက် ဆင်ခြင်စဉ်းစားပါ။ ဘုရားသခင်၏ အောင်မြင်ချမ်းသာအတွက် စောင့်မျှော်လျက် နေပါသလား။ မိတ်ဆွေသည် စောင့်ဆိုင်းစဉ်တွင်၊ ဘုရားသခင်၏ ဂုဏ်အင်္ဂါတော်များကို ချီးမွမ်းခြင်းဖြင့် မိမိမျှော်လင့်ခြင်းကို ဘယ်လိုတိုးပွားစေနိုင်မလဲ။
ထောမနာပတ္ထနာစကား။မြတ်စွာဘုရားသခင်၊ ကိုယ်တော်သည် သန့်ရှင်း၍ ကောင်းမြတ်တော်မူသောကြောင့် ကျေးဇူးတော်ကို ချီးမွမ်းပါ၏။ ကိုယ်တော်ဘုရားသည် သစ္စာနှင့်ပြည့်စုံတော်မူသောသခင် ဖြစ်တော်မူ၏။ တောင်းကြလော့။ တောင်းလျှင်ရမည်။ ရှာကြလော့။ ရှာလျှင်တွေ့မည်။ တံခါးကို ခေါက်ကြလော့။ ခေါက်လျှင်ဖွင့်မည်ဟု ကတိပေးသည့်အတွက် ကျေးဇူးတော်ကို ချီးမွမ်းပါ၏ (မ၊ ၇း၇)။ ဘုရားသခင်သည် အကျွနုပ်၏ ပတ္ထနာစကားကို နားထောင်လျက် အရာရာ၌ သစ္စာစောင့်တော်မူမည်အတွက် ကျေးဇူးတင်ပါ၏ (ဆာ၊ ၅း၃။ ၂ကော၊ ၁း၂၀)။ ယနေ့၊ ထာဝရဘုရားကို ချီးမွမ်းစဉ်တွင်၊ သန့်ရှင်းသောဝိညာဉ်တော်သည် လောကုတ္တရာမျှော်လင့်ခြင်းကို အကျွန်ုပ်၏ စိတ်နှလုံးထဲသို့ သွန်းလောင်းတော်မူလိမ့်မည်ဟု ယုံကြည်ပါ၏။ အာမင်။
အို ထာဝရဘုရား၊ နံနက်အခါ အကျွန်ုပ်စကားသံကို ကြားတော်မူရပါ၏။ နံနက်အခါ ကိုယ်တော်ကို မျက်မှောက်ပြု၍ မျှော်လင့်ပါမည် (ဆာ၊ ၅း၃)။
ကျမ်းစာများ
ဤအစီအစဉ်အကြောင်း
သောက၊ သံဝေဂ၊ အထီးကျန်ခြင်းနှင့် စိတ်ဓာတ်ကျခြင်းတို့သည် လွန်ခဲ့သော နှစ်အနည်းငယ်အတွင်း သိသိသာသာ တိုးပွားလာခဲ့ပါသည်။ ဆာလံဆရာများသည် ဤခံစားချက်များကို ကိုယ်တိုင်ခံစားဖူးပါသည်။ သို့သော်၊ ထိုသူတို့သည် ချီးမွမ်းခြင်း၏ ထူးဆန်လှသောတန်ခိုးကို သိကျွမ်း၍ အရာရာ၌ အောင်မြင်စွာ ကျော်လွှားစေဖို့ သင်ယူခဲ့ကြသည်။ ဤအစီစဉ်အားဖြင့် လောကုတ္တရာငြိမ်သက်ခြင်း၏ လျှို့ဝှက်ချက်ကို ရှာဖွေပါ။
More
