Есүсийн ярьсан сургаалт зүйрлэлүүдЗагвар

САЙН УРГАЦАН ДУНДАХ ҮРИЙН СҮҮЛ, ЗАГАСЫГ ЯЛГАХ НЬ

Сүмд явсанаар, тэр ч бүү хэл насан туршдаа сүмд явсан ч энэ нь шинэчлэгдсэн зүрх сэтгэлийг болон Есүстэй харилцах харилцааг маань илтгэн харуулдаггүй болохыг эдгээр хоёр сургаалт зүйрлэлүүд бидэнд харуулдаг. Авралынхаа хувьд "Христитгэлт байдал" дээрээ бус, харин Христ дээр үндэслэж байгаа эсэхээ зүрх сэтгэлээсээ бид шинжлэн харах хэрэгтэй.



Гэрчлэлийн тань талаар асуух үед, "Би бүхий л насаараа Христитгэлтэн байсан," эсвэл "Би сүмд байнга л явдаг" гэж хариулах үе танд гарч байсан уу? Бичээсийн талаарх мэдлэг тань Христтэй харилцах харицаанаас тань хамаагүй чухал зүйл үү? Цэвэр ариун байх хүслийг өөрийнхөө дотор улам илүүгээр хөгжүүлэхээс илүүтэйгээр хуулийг хэрхэн чанд сахиж буйгаасаа тохь тухыг олж авах нь илүү байдаг уу? Дагалдагчдийг бэлтгэх болон Бурханы Хаанчлалыг тэлэхийн оронд "аврагдсан хэвээрээ" байхыг л та хичээж байна уу?



Эдгээр сургаалт зүйрлэлүүд нь сүм доторх тодорхой, илэрхий гэм нүглүүдийг тоохгүй өнгөрөх шалтгаан биш. Сүмийн гишүүдийнхээ амьдрал дахь эдгээр асуудлуудыг сүмийн ахлагч хүн шийдвэрлэдэг байх ёстой. Гэсэн хэдий ч, сүнсний мөрдөн байцаагчид болон хувирч, сүмээсээ болон эргэн тойрныхоо сүмүүдээс "үрийн сүүл"-ийг хайж олох ажилд өөрсдийгөө томилохынхоо оронд бидний өөрсдийн маань зүрх сэтгэлд "үрийн сүүл" ургаж байна уу, үгүй юү гэдгийг шинжлэн хардаг байх ёстой!