Рик Воррений өдөр бүрийн чимээгүй цагЗагвар

Бурханы хангалтад сэтгэл хангалуун байх

Харин итгэл сүсэг ба сэтгэл хангалуун байдал нь хамтдаа агуу ашиг мөн. Учир нь бид ертөнцөд юу ч авчраагүй, мөн юу ч авч гарч чадахгүй. 1 Тимот 6:6-7 (АБ2013)

Хэрэв та (1) Түүнээс тусламжийг гуйх юм бол бас (2) сэтгэл хангалуун байхад суралцах юм бол санхүүгийн хэрэгцээг тань хангана гэж Бурхан амладаг --

Хэрэв та хүүхэд төрөхийг харж байсан бол тэд энэ дэлхий дээр хүйний хамт ирдэг ба энэ нь удалгүй таслагддаг бөгөөд үүнээс өөр юуг ч авч ирдэггүй болохыг мэддэг.

Тэгээд, оршуулган дээрээ та өөртэйгөө хамт юуг ч авч очдоггүй. Бид сэтгэл хангалуун байхад суралцах ёстойг Библи бидэнд заадаг.

Сэтгэл хангалуун байдал гэж юуг хэлдэг вэ? Аз жаргал маань нөхцөл байдлаас маань огт хамаардаггүй болохыг сэтгэл хангалуун байдал гэдэг. Ихэнх хүмүүс "л үед" гэсэн сэтгэхүйдээ гацсан байдаг: "Би тодорхой ажилтай л болох үедээ ... Би тэтгэвэртээ л суух үедээ ... Байшингийнхаа өрийг төлөөд дуусах үедээ л ... Бүх төлбөрөө төлж дуусах үедээ л ... тэр л үед би аз жаргалтай болох болно!"

Бурхан, "Үгүй дээ, тэнд хүрэх үедээ, үүнээс арай өөрийг та хүсэх болно." гэж хэлдэг. Хэрэв та сэтгэл хангалуун байж сурахгүй юм бол та хэзээ ч аз жаргалтай байж чадахгүй. Та үргэлж улам илүүг хүсэх болно.

"Харин итгэл сүсэг ба сэтгэл хангалуун байдал нь хамтдаа агуу ашиг мөн. Учир нь бид ертөнцөд юу ч авчраагүй, мөн юу ч авч гарч чадахгүй. Хэрэв хоол хүнс, хувцас хунар байвал эдгээрээр бид сэтгэл хангалуун байх болно." (1 Тимот 6:6-8)