ᒫᑎᐅᓯᐅᑉ ᐊᒡᓚᖏᑦ 18
18
ᑭᓇ ᐱᓪᓚᕆᐅᓂᕐᐸᐅᕙ?
ᒫᑯᓯ 9:33-37; ᓘᑲᓯ 9:46-48
1 #
ᓘᑲᓯ 22:24. ᑍᑦᓱᒪᓂ ᐃᓕᓐᓂᐊᕐᑏᑦ ᔩᓱᓯᒧᐊᕐᐳᑦ, ᐅᖃᕐᓗᑎᒃ, “ᑭᓈ ᐱᓪᓚᕆᐅᓂᕐᐸᐅᕙ ᒎᑎᐅᑉ ᐊᑕᓂᐅᕕᖓᓂ?”
2ᔩᓱᓯ ᓱᕈᓯᕐᒥᒃ ᕾᖁᔨᕗᖅ, ᑖᒃᑯᐊ ᓵᖓᓄᑦ ᓂᑯᕕᑎᓪᓗᒍ, 3#ᒫᑯᓯ 10:15; ᓘᑲᓯ 18:17.ᐅᖃᕐᐳᖅ, “ᓱᓕᔪᒥᒃ ᐅᖃᐅᑎᕙᑦᓯ, ᐱᐅᓯᑦᓯᓐᓂᒃ ᐊᓯᑦᔨᕐᓗᓯ ᑭᓯᐊᓂᐅᕗᖅ ᓱᕈᓯᑯᓗᒃᑐᑦ ᑍᒤᓕᕐᓗᓯ, ᐊᓯᑦᔨᓐᖏᒃᑯᑦᓯ ᒎᑎᐅᑉ ᐊᑕᓂᐅᕕᖓᓄᑦ ᐃᑎᕈᓐᓇᕐᓂᐊᖏᒻᒪᕆᒃᐳᓯ. 4ᐃᒻᒥᓂᒃ ᒥᑭᒡᓕᑎᕐᑐᖅ ᐆᑐᓇᖅ ᓱᕈᓯᑯᓗᒃᑎᑐᓪᓗ ᑍᒤᓕᕐᓗᓂ, ᑖᓐᓇ ᒎᑎᐅᑉ ᐊᑕᓂᐅᕕᖓᓂ ᐱᓪᓚᕆᐅᓂᕐᐸᐅᕗᖅ. 5ᓇᓪᓕᐊᑦ ᓱᕈᓯᑯᓗᒃᑎᑐᑦ ᑍᒤᑦᑐᒥᒃ ᐃᓚᓕᐅᕐᓯᔪᖅ ᐅᕙᖓ ᐱᓪᓗᖓ, ᑖᓐᓇ ᐅᕙᓐᓂᒃ ᐃᓚᓕᐅᕐᓯᕗᖅ.”
ᐱᔪᒥᓵᕐᑕᐅᓂᖅ ᐊᔪᕐᓂᕐᒧᑦ
ᒫᑯᓯ 9:42-48; ᓘᑲᓯ 17:1-2
6“ᓇᓪᓕᐊᑦ ᑍᒤᑦᑐᑯᓗᖕᓂᒃ ᐅᒃᐱᕐᓂᖓᓂᒃ ᐅᕙᓐᓄᑦ ᐊᒡᕕᐊᕐᓯᒃᐸᑦ ᐊᔪᕐᑐᓕᑎᑦᓯᓗᓂ, ᑖᓐᓇ ᐊᑲᐅᓂᕐᓴᐅᒐᔭᕐᐳᖅ ᓂᐊᖂᔭᒃᓴᓂᒃ ᓯᖃᓪᓕᓯᑦᔪᑎᐅᑉ ᐅᔭᕌᓗᖓᓂᒃ ᖁᖓᓯᖓᒍᑦ ᕿᓚᒃᓯᕕᐅᓗᓂ ᐃᒪᕕᖕᒧᑦ ᐃᑎᔪᒧᑦ ᑭᕕᑎᑕᐅᒍᓂ. 7ᑲᑉᐱᐊᓇᒻᒪᕆᒃᐳᖅ ᓯᓚᕐᔪᐊᕐᒥᐅᓄᑦ ᑲᑕᒍᑕᐅᔪᓐᓇᕐᑐᓂᒃ ᐊᔪᕐᑐᓕᓂᕐᒧᑦ ᐱᓇᓱᐊᕐᐸᒃᑐᑦ! ᑍᒤᓕᐅᕐᑐᖃᑦᓮᓐᓇᕐᓂᐊᕋᓗᐊᕐᐳᖅ; ᑲᑉᐱᐊᓐᓇᒦᒡᓕ ᐃᓄᒃ ᑲᑕᒍᑕᐅᔪᓐᓇᕐᑐᓂᒃ ᐊᖅᑯᑎᒋᔭᐅᔪᖅ!
8 #
ᒫᑎᐅᓯ 5:30. “ᐊᒡᒐᒃᐱᑦ ᐃᑎᒐᒃᐱᓪᓘᓐᓃᑦ ᐊᔪᕐᑐᓕᑎᑉᐸᑎᑦ, ᓇᑲᒃᑭᑦ ᐃᒋᓪᓗᒋᑦ; ᐃᓕᖕᓄᑦ ᐱᐅᓂᕐᓴᐅᒐᔭᕐᐳᖅ ᐃᓅᓯᕐᒧᑦ ᐃᑎᕈᕕᑦ ᐃᒡᓗᐃᓐᓇᕐᒥ ᐊᒡᒐᖃᕐᓗᑎᑦ, ᐃᒡᓗᐃᓐᓇᕐᒥᒡᓘᓐᓃᑦ ᐃᑎᒐᖃᕐᓗᑎᑦ ᑐᓯᐊᓪᓗᑎᓪᓗ. ᐃᒡᓗᒃᑐᑦ ᐊᒡᒐᖃᕐᓗᑎᑦ, ᐃᒡᓗᒃᑐᓪᓗ ᐃᑎᒐᖃᕐᓗᑎᑦ ᐃᒋᑕᐅᑐᐃᓐᓇᕋᔭᕐᓂᕐᓂᑦ ᐃᑯᒪᕐᔪᐊᕐᒧᑦ ᓄᖑᓱᐃᑦᑐᒧᑦ. 9#ᒫᑎᐅᓯ 5:29.ᐃᔨᕕᑦ ᐊᔪᕐᑐᓕᑎᑉᐸᑎᑦ, ᐲᓚᐅᕈᒃ ᐃᒋᓪᓗᒍᓗ; ᐃᓕᖕᓄᑦ ᐱᐅᓂᕐᓴᐅᒐᔭᕐᐳᖅ ᐃᓅᓯᕐᒧᑦ ᐃᑎᕈᕕᑦ ᐃᒡᓗᐃᓐᓇᕐᒥᒃ ᐃᔨᖃᕐᓗᑎᑦ, ᐃᒡᓗᒃᑐᑦ ᐃᔨᖃᕋᓗᐊᕈᕕᑦ ᐃᒋᑕᐅᑐᐃᓐᓇᕋᔭᕐᓂᕐᓂᑦ ᐃᑯᒪᕐᔪᐊᕐᒧᑦ ᑲᑉᐱᐊᓇᕐᑐᕕᖕᒧᑦ.”
ᐊᑦᔨᐅᔪᖅ ᓰᐱ ᐊᓯᐅᓯᒪᔪᖅ
ᓘᑲᓯ 15:3-7
10 #
ᓘᑲᓯ 19:10. “ᖃᐅᔨᓕᕆᑦᓯ ᑕᒪᒃᑯᐊᑯᓗᐃᑦ ᓇᕐᕈᒋᔭᕆᐊᖃᖏᓐᓇᑦᓯᐅᒃ; ᓱᓕᓪᓗᖓ ᐅᖃᕐᐳᖓ ᑖᒃᑯᐊ ᐂᖏᓖᖁᑎᖏᑕ ᐊᑖᑕᒪ ᕿᓚᖕᒦᑦᑑᑉ ᑮᓇᖓ ᑕᑯᐃᓐᓇᖃᑦᑕᕐᐹᑦ. 11ᐃᓅᑉ ᐃᕐᓂᖓ ᑎᑭᓯᒪᖕᒪᑦ ᐊᓯᐅᓯᒪᔪᑦ ᕿᓂᕆᐊᕐᓗᒋᑦ.#18:11 ᑕᑯᓗᒍ ᓘᑲᓯ 19:10
12“ᖃᓄᕐᓕ ᐃᓱᒪᕕᓰ ᐊᖑᑦ 100ᓂᒃ ᓰᐱᖁᑎᓕᒃ, ᑖᒃᑯᐊ ᐃᓚᖓᑦ ᐊᑕᐅᓯᖅ ᐊᓯᐅᒃᐸᑦ, ᑖᒃᑯᐊ ᓰᐲᑦ 99 ᕿᒪᒃᑲᔭᓐᖏᓔᑦ ᖃᖅᑲᒧᑦ ᕿᓂᕆᐊᕐᓗᓂ ᓰᐱᒥᒃ ᐊᓯᐅᓯᒪᔪᒥᒃ? 13ᓱᓕᓪᓗᖓ ᐅᖃᐅᑎᕙᑦᓯ, ᓇᓂᒍᓂᐅᒡᓗ, ᖁᕕᐊᓲᑎᒋᓂᕐᓴᕆᓂᐊᕐᐹ ᓰᐱᓂᑦ 99ᓂᑦ ᐊᓯᐅᓯᒪᖏᑦᑐᓂᑦ. 14ᑍᒫᑦᓮᓐᓇᕐᑕᐅᖅ, ᐊᑖᑕᓯ ᕿᓚᖕᒦᑦᑐᖅ ᑕᒪᒃᑯᓂᖓᑯᓗᒃ ᐊᓯᐅᖁᔨᓐᖏᓚᖅ.”
ᐃᓅᖃᑏᑦ ᐊᔪᕐᑐᓕᔪᖅ
15 #
ᓘᑲᓯ 17:3. “ᐅᒃᐱᕐᑑᖃᑎᕕᓪᓕ ᐊᔪᕐᑐᓕᕕᒋᒃᐸᑎᑦ, ᐅᐸᒍᒃ ᑕᒻᒪᕐᓂᖓᓂᒃ ᐅᖃᐅᑎᓗᒍ, ᐃᓄᑑᖃᑎᒋᓗᒍ ᐅᖃᖃᑎᒋᒍᒃ. ᑕᕝᕙ ᑖᑦᓱᒪ ᓈᓚᒃᑯᓂᑎᑦ, ᑕᕝᕙ ᐅᒃᐱᕐᑑᖃᑏᑦ ᐅᑎᕐᑎᓐᓂᐊᕐᐸᑦ. 16#ᒨᓯᓯ ᑕᓪᓕᒪᖏᑦ 19:15.ᑖᑦᓱᒪᓕ ᓈᓚᖏᑉᐸᑎᑦ, ᐊᑕᐅᓯᕐᒥᒃ ᒪᕐᕉᖕᓂᒡᓘᓐᓃᑦ ᐃᓚᖃᕐᓗᑎᑦ, ‘ᒪᕐᕉᒃᐸᑎᒃ ᖃᐅᔨᓯᒪᔫᒃ ᐱᖓᓱᓪᓘᓐᓃᑦ, ᐸᓯᔭᒃᓴᓐᖑᕐᑎᑦᓯᔪᓐᓇᕐᐳᑦ.’ ᑍᒫᒃ ᒎᑎᐅᑉ ᐅᖃᐅᓯᖏᓐᓂ ᐅᖃᕐᓯᒪᖕᒪᑕ. 17ᓱᓕᓕ ᑖᒃᑯᐊᖑᑎᓪᓗᓯ ᓈᓚᒍᒪᖏᑉᐸᑦ, ᑕᕝᕙ ᐅᖃᐅᑎᒋᓕᕐᓯᐅᒃ ᐅᒃᐱᕐᑑᖃᑎᒌᓄᑦ ᐃᓚᒌᒃᑐᓄᑦ; ᑖᒃᑯᓂᖓᓕ ᐃᓚᒌᒃᑐᓂᒃ ᓱᓕ ᓈᓚᒍᒪᖏᑉᐸᑦ, ᑕᕝᕙ ᐅᒃᐱᖏᑦᑐᑎᑐᑦ ᑍᒤᑦᑑᑎᓕᕈᒃ, ᐅᕝᕙᓗ ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖏᑎᑐᑦ.”
ᕿᓚᒃᓱᕐᑕᐅᔪᑦ ᕿᓚᕈᑦᔮᕐᑕᐅᔪᓪᓗ
18 #
ᒫᑎᐅᓯ 16:19; ᔪᐊᓇᓯ 20:23. “ᓱᓕᔪᒥᒃ ᐅᖃᐅᑎᕙᑦᓯ, ᓄᓇᕐᔪᐊᕐᒥ ᕿᓚᒃᓱᕐᑕᓯ ᑖᒃᑯᐊ ᕿᓚᖕᒥ ᕿᓚᒃᓱᕐᓯᒪᔪᒫᕆᕗᑦ, ᕿᓚᕈᑦᔮᕐᑕᓯᓗ ᓄᓇᕐᔪᐊᕐᒥ ᑖᒃᑯᐊᑦᑕᐅᖅ ᕿᓚᕈᑦᔮᕐᓯᒪᔪᒫᕆᕗᑦ ᕿᓚᖕᒥ.
19“ᓱᓕ ᐅᖃᐅᑎᒃᑲᓐᓂᕐᐸᑦᓯ, ᓄᓇᕐᔪᐊᕐᒥ ᒪᕐᕉᓗᓯᒃ ᐊᖏᖃᑎᒌᒃᑯᑦᓯᒃ ᓱᓇᑐᐃᓐᓇᕐᒥᒃ ᑐᒃᓯᐊᕈᑎᖃᕈᒪᓗᓯᒃ, ᑕᒪᑐᒥᖓ ᑕᕝᕙ ᑐᓂᓯᕕᐅᓂᐊᕐᐳᓯᒃ ᐊᑖᑕᓐᓄᑦ ᕿᓚᖕᒦᑦᑐᒧᑦ. 20ᒪᕐᕉᒃ ᐱᖓᓱᓪᓘᓐᓃᑦ ᑲᑎᓐᖓᓕᕐᐸᑕ ᐊᑎᓐᓂ, ᑕᕝᕙᓃᓐᓂᐊᕐᐳᖓ ᐃᓚᒋᓗᒋᑦ.”
ᐊᑦᔨᐅᔪᖅ ᐱᔨ ᓮᒻᒪᐅᑦᔨᓗᓂ ᐃᓱᒪᒋᔪᓐᓁᕐᕕᖃᕈᒪᖏᑦᑐᖅ
21 #
ᓘᑲᓯ 17:3,4. ᑕᕝᕙ ᐲᑦᑐᕉᓯ ᔩᓱᓯᒧᐊᕐᐳᖅ ᐅᖃᕐᓗᓂ, “ᐊᑕᓃᖅ, ᐅᒃᐱᕐᑑᖃᑎᒪ ᐊᔪᕐᑐᓕᕕᒋᖃᑦᑕᕐᐸᖓ, ᖃᑦᓰᕐᑐᕐᓗᖓ ᐃᓱᒪᒋᔪᓐᓁᕐᕕᒋᔭᒃᓴᕆᕙᕌ? 7ᐃᕐᓱᕐᓗᖔ ᓈᒻᒪᒃᐸ?”
22 #
ᒨᓯᓯ ᓯᕗᓪᓖᑦ 4:24. ᔩᓱᓯᐅᑉ ᑭᐅᕚ, “7ᐃᕐᑐᑐᐃᓐᓇᖁᓗᑎᑦ ᐅᖃᐅᑎᓐᖏᓚᒋᑦ, 70ᓪᓕ 7ᐃᕐᑐᕐᓗᒋᑦ, 23ᑍᒤᒻᒪᑦ ᒎᑎᐅᑉ ᐊᑕᓂᐅᕕᖓ ᐃᒫᒃ ᐊᑦᔨᖃᕈᓐᓇᕐᐳᖅ; ᑍᑦᓱᒪᓂ ᐊᖓᔪᖅᑳᕐᔪᐊᕐᑕᖃᓚᐅᕐᐳᖅ, ᑖᓐᓇ ᐃᓱᒪᑖᓚᐅᕐᐳᖅ ᐱᔨᓂ ᐊᑭᓕᒃᓴᖏᓐᓂᒃ ᐋᖅᑮᖃᑎᒋᔪᒪᓪᓗᒋᑦ. 24ᑲᒪᓇᓱᐊᓯᒋᐊᕐᑎᓪᓗᒍ ᐱᔨᖓᑦᑕ ᐃᓚᖓᑦ ᐃᓯᕐᑎᑕᐅᕗᖅ ᐊᖓᔪᖅᑳᕐᔪᐊᕐᒧᑦ ᐊᑭᓕᒃᓴᓕᒃ ᑮᓇᐅᔭᓂᒃ ᑖᓕᓐᑎᓂᒃ 10ᑕᐅᓴᓂᒃ. 25ᐱᔨ ᐊᑭᓕᐅᑎᒃᓴᖃᖏᒻᒪᑦ, ᑕᕝᕙ ᐊᖓᔪᖅᑳᕐᔪᐊᑉ ᓂᐅᕕᐊᖑᖁᓕᕐᐹ ᐱᖁᑎᑎᑐᑦ ᐱᑖᕆᔭᐅᖁᓪᓗᒍ, ᓄᓕᐊᖓᓗ ᕿᑐᕐᖓᖏᓪᓗ ᐱᖁᑎᓕᒫᖏᓪᓗ, ᐊᑭᓕᒃᓴᖏᑦ ᐊᑭᓕᕐᑕᐅᖁᓪᓗᒋᑦ. 26ᐱᔨ ᐊᖓᔪᖅᑳᕐᔪᐊᑉ ᓵᖓᓄᑦ ᓰᖅᑯᕐᐳᖅ, ᕿᓄᓪᓗᓂ ᐅᖃᕐᐳᖅ, ‘ᐊᖓᔪᖅᑳᒃ, ᕿᓄᐃᓵᕐᕕᒋᓚᐅᓐᖓ, ᐊᑭᓕᓛᕐᐸᒋᑦ ᐃᓘᓐᓇᖏᓐᓂᒃ.’ 27ᐊᖓᔪᖅᑳᕐᔪᐊᖅ ᑖᑦᓱᒥᖓ ᐃᓚᑦᓱᒍᓱᓕᕋᒥ, ᐃᓱᒪᒋᔪᓐᓁᕐᕕᒋᕚ ᐊᑭᓕᒃᓴᓕᒫᖏᓐᓂᒃ; ᐊᓂᖁᓕᕐᓗᒍᓗ.
28“ᑖᓐᓇ ᐊᖑᑦ ᑕᕝᕙᓐᖓᑦ ᐊᓂᒐᒥ ᐱᔨᐅᖃᑎᒥᓂᒃ ᑲᑎᓯᕗᖅ ᐊᑭᓕᒃᓴᖃᕐᕕᒋᔨᒥᓂᒃ ᑮᓇᐅᔭᓂᒃ ᐅᓄᖏᑦᑐᓂᒃ; ᐅᐸᒃᓗᒍ ᑐᖅᑯᔮᒃᓯᕚ ᐅᖃᐅᑎᓪᓗᒍ, ‘ᐊᑭᓖᓚᐅᕆᑦ ᐅᕙᓐᓄᑦ ᐊᑭᓕᒃᓴᕆᔭᕐᓂᒃ.’ 29ᐱᔨᐅᖃᑎᖓᓗ ᑖᓐᓇ ᓰᖅᑯᕐᓗᓂ ᓵᖓᓄᑦ ᕿᓄᕕᒋᕚ, ‘ᕿᓄᐃᓵᕐᕕᒋᓚᐅᓐᖓ, ᐊᑭᓕᓛᕐᐸᒋᑦ.’ 30ᑖᓐᓇ ᐊᖏᓐᖏᓚᖅ ᑎᒍᔭᐅᓯᒪᕕᖕᒧᓪᓗ ᐱᑎᑉᐹ ᐊᑭᓕᒃᓴᒥᓂᒃ ᐊᑭᓖᓚᐅᖏᓐᓂᖓᓂ. 31ᐱᔨᐅᖃᑎᖏᑕ ᑕᒪᓐᓇ ᑕᑯᒐᒥᑦᔪᒃ, ᖁᕕᐊᓱᖏᑦᔪᑎᒋᒻᒪᕆᓕᕐᐹᑦ, ᐊᖓᔪᖅᑳᒥᖕᓄᑦ ᐅᐸᒍᑎᓪᓗᑎᒃ ᐅᖃᐅᑎᒋᕚᑦ ᐱᓂᐊᕐᓂᕆᔭᐅᔪᓕᒫᓂᒃ. 32ᑕᕝᕙ ᐊᖓᔪᖅᑳᕐᔪᐊᑉ ᐱᔨᓂ ᐃᑎᕐᑎᑕᐅᖁᓕᕐᐹ; ᐃᑎᕐᒪᑦ ᐅᖃᐅᑎᕚ, ‘ᐱᐅᖏᑦᑐᐊᓘᔪᑎᑦ! ᐃᓱᒪᒋᔪᓐᓁᕐᕕᒋᓚᐅᕐᐸᒋᑦ ᕿᓄᕕᒋᒐᕕᖓ ᐃᓘᓐᓇᓕᒫᖏᓐᓂᒃ ᐅᕙᓐᓄᑦ ᐊᑭᓕᒃᓴᕆᔭᕐᓂᒃ. 33ᓂᑲᒍᓱᒃᑐᒃᓴᐅᓚᐅᕋᓗᐊᕐᐳᑎᑦ ᐱᔨᐅᖃᑎᖕᓄᑦ, ᓲᕐᓗᑦᑕᐅᖅ ᓂᑲᒋᓚᐅᕋᒃᑭᑦ.’ 34ᐊᖓᔪᖅᑳᕐᔪᐊᖅ ᑕᕝᕙ ᓂᓐᖓᒃᑐᐊᓘᕗᖅ, ᑖᓐᓇ ᑎᒍᔭᐅᓯᒪᕕᖕᒧᐊᕐᑕᐅᑎᑉᐹ, ᓱᒋᐊᕐᑕᐅᖁᓪᓗᒍ ᐊᑭᓕᒃᓴᕆᔭᒥᓂᒃ ᐃᓘᓐᓇᖏᓐᓂᒃ ᐊᑭᓖᓚᐅᖏᓐᓂᓕᒫᖓᓂ.
35“ᑍᒫᒃᑕᐅᖅ ᐊᑖᑕᒪ ᕿᓚᖕᒦᑦᑑᑉ ᐱᓂᐊᕐᕕᒋᒐᔭᕆᕚᓯ ᐅᒃᐱᕐᑑᖃᑎᑦᓯᓐᓂᒃ ᐃᓱᒪᒋᔪᓐᓁᕐᕕᖃᕐᓂᐊᖏᒃᑯᑦᓯ, ᐆᒻᒪᑎᑦᓯᓐᓂᑦ ᐱᔪᒥᒃ.”
Одоогоор Сонгогдсон:
ᒫᑎᐅᓯᐅᑉ ᐊᒡᓚᖏᑦ 18: EAIB
Тодруулга
Хуваалцах
Харьцуулах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Eastern Arctic Inuktitut Bible © Canadian Bible Society, 2012, 2021-2023.