ᒫᑎᐅᓯᐅᑉ ᐊᒡᓚᖏᑦ 11
11
ᔪᐊᓇᓯ ᐹᑉᑎᑎᕆᔨᐅᑉ ᐅᖃᕆᐊᕐᑐᕐᑎᑎᓂᖓ
ᓘᑲᓯ 7:18-35
1ᔩᓱᓯᐅᑉ ᐃᓕᓐᓂᐊᕐᑎᓂ 12 ᑕᒪᒃᑯᓂᖓ ᐅᖃᐅᑎᔭᕇᕋᒥᒋᑦ, ᑕᕝᕙᓐᖓᑦ ᐊᐅᓪᓚᕐᐳᖅ, ᓄᓇᓖᑦ ᖃᓂᒋᔮᓃᑦᑐᓄᐊᕐᓗᓂ ᐃᓕᓐᓂᐊᕐᑎᑦᓯᕗᖅ ᐊᔪᕆᕐᓱᐃᓪᓗᓂᓗ. 2ᔪᐊᓇᓯ ᐹᑉᑎᑎᕆᔨ ᑎᒍᔭᐅᓯᒪᕕᖕᒦᓪᓗᓂ ᙭ᔅᑑᓯᐅᑉ ᐱᓂᐊᕐᓂᖓᓂᒃ ᑐᓴᕋᒥ, ᐃᓕᓐᓂᐊᕐᑎᒥ ᐃᓚᖏᓐᓂᒃ ᑎᓕᓯᕗᖅ ᔩᓱᓯᒧᐊᖁᓪᓗᒋᑦ. 3ᑖᒃᑯᐊ ᔩᓱᓯᒧᐊᕋᒥᒃ ᐊᐱᕆᕚᑦ, “ᑖᓐᓇᐅᕖᑦ ᔪᐊᓇᓯᐅᑉ ᑎᑭᓐᓂᐊᕐᓂᕋᕐᓯᒪᔭᖓ, ᐅᕝᕙᓗ ᐊᓯᖕᓂᒃ ᓂᕆᐅᒋᐊᖃᕐᐱᑖ?”
4ᔩᓱᓯᐅᑉ ᑭᐅᕔᑦ, “ᐅᑎᕐᓗᓯ ᔪᐊᓇᓯ ᐅᖃᐅᑎᓚᐅᕐᓯᐅᒃ ᑐᓴᕐᑕᑦᓯᓐᓂᒃ ᑕᑯᔭᑦᓯᓐᓂᒃᓗ: 5#ᐂᓮᐊᓯ 35:5,6; ᐂᓮᐊᓯ 61:1.ᑕᐅᑐᖏᑦᑐᑦ ᑕᐅᑐᓕᕐᐳᑦ, ᑐᓯᐊᑦᑐᑦ ᐱᓱᑦᓯᐊᓕᕐᐳᑦ, ᐸᕐᑎᕐᑐᓪᓗ ᓯᕗᕋᓇᓂᕋᕐᑕᐅᔪᓂᒃ ᐋᖅᑭᒃᑕᐅᕗᑦ ᐋᖅᑭᑦᓯᐊᕐᓗᑎᒃ, ᑐᓵᖏᑦᑐᑦ ᑐᓵᓕᕐᐳᑦ, ᑐᖁᖓᔪᓪᓗ ᒪᑭᑉᐳᑦ, ᐅᖃᐅᓰᓪᓗ ᑐᓴᕈᒥᓇᕐᑐᑦ ᐅᖃᐅᓯᐅᕗᑦ ᐊᔪᕐᓴᕐᑐᓄᑦ. 6ᓮᒪᓇᕐᑐᒦᐳᖅ ᑖᓐᓇ ᐅᕙᓐᓂᒃ ᖁᓚᕈᑎᖃᖏᑦᑐᖅ!”
7ᔪᐊᓇᓯᐅᓪᓕ ᐃᓕᓐᓂᐊᕐᑎᖏᑦ ᐅᑎᓕᕐᑎᓪᓗᒋᑦ, ᔩᓱᓯᐅᑉ ᔪᐊᓇᓯ ᐃᓄᒋᐊᕐᑐᕐᔪᐊᓄᑦ ᐅᖃᐅᓯᕆᓕᕐᐹ, ᐅᖃᕐᓗᓂ: “ᔪᐊᓇᓯ ᓄᓇᖃᕐᕕᐅᖃᑦᑕᖏᑦᑐᒦᑎᓪᓗᒍ ᐅᐸᒃᑲᑦᓯᐅᒃ, ᖃᓄᐃᑦᑐᒥᒃ ᑕᑯᓂᐊᕋᓱᒋᓚᐅᕐᐱᓰ? ᐃᕕᒡᔪᐊᕐᒥᒃ ᐊᓄᕆᒧᑦ ᓂᐅᓐᖓᒃᓯᒪᔪᒦᒃ? 8ᖃᓄᐃᑦᑐᒥᒡᓕ ᑕᑯᔭᕐᑐᓚᐅᕐᐱᓰ? ᐊᖑᒻᒥᒃ ᐊᓐᓄᕌᑦᓯᐊᕐᓯᒪᔪᒦᒃ? ᐊᓐᓄᕌᑦᓯᐊᕐᓯᒪᔪᓪᓕ ᐊᖓᔪᖅᑳᕐᔪᐊᒃᑯᕕᖕᒥ ᐃᓂᖃᓲᖑᕗᑦ! 9ᖃᓄᐃᑦᑐᒥᒃ ᑕᑯᔭᕐᑐᓚᐅᕐᐱᓰ? ᓇᓚᐅᑦᑍᔪᒦ? ᐃᓛᒃ, ᑕᑯᓚᐅᕐᐳᓯ ᓇᓚᐅᑦᑍᔪᒥᑦ ᐱᓪᓚᕆᐅᓂᕐᓴᒥᒃ. 10#ᒪᓚᑬ 3:1.ᔪᐊᓇᓯ ᑖᓐᓇᐅᕗᖅ ᒎᑎᐅᑉ ᐅᖃᐅᓯᖏᑕ ᐅᖃᐅᓯᕆᔭᖓᑦ ᐃᒫᒃ: ‘ᑕᑯᒋᑦ, ᐅᖃᕆᐊᕐᑐᕐᑎᑕᕋ ᓯᕗᓂᕐᓂ ᑎᓕᓂᐊᕐᐸᕋ ᐊᖅᑯᑎᒃᓴᕐᓂᒃ ᐋᖅᑭᒃᓱᐃᖁᓪᓗᒍ.’ 11ᓱᓕᔪᒥᒃ ᐅᖃᐅᑎᕙᑦᓯ, ᔪᐊᓇᓯ ᐹᑉᑎᑎᕆᔨ ᐃᓄᓕᒫᓂᑦ ᐃᓅᓯᒪᔪᓂᑦ ᐱᓪᓚᕆᐅᓂᕐᐸᐅᕗᖅ; ᒎᑎᐅᓪᓕ ᐊᑕᓂᐅᕕᖓᓂ ᒥᑭᒡᓕᑎᕐᑐᖅ, ᑖᓐᓇ ᔪᐊᓇᓯᒥᑦ ᐱᓪᓚᕆᐅᓂᕐᓴᐅᕗᖅ. 12#ᓘᑲᓯ 16:16.ᑍᒪᓐᖓᑦ ᔪᐊᓇᓯᐅᑉ ᐅᖃᓪᓚᖃᑦᑕᓕᕐᓂᖓᓂᑦ ᐱᒋᐊᕐᓗᓂ ᐅᓪᓗᒥᒧᑦ ᑎᑭᓪᓗᒍ ᒎᑎᐅᑉ ᐊᑕᓂᐅᕕᖓ ᐊᒃᓱᕈᕐᓇᕐᑐᒃᑰᕐᑎᑕᐅᓯᒪᕗᖅ, ᐃᓄᐃᓪᓗ ᐱᕋᔭᖕᓂᒃᑯᑦ ᐊᒃᓱᕈᕐᓗᑎᒃ ᐱᓇᓱᐊᕐᓯᒪᓪᓗᑎᒃ. 13ᓇᓚᐅᑦᑍᔪᑦ, ᒨᓯᓯᐅᓪᓗ ᐱᖁᔭᖏᑦ ᐅᖃᐅᓯᖃᕐᓯᒪᕗᑦ ᒎᑎᐅᑉ ᐊᑕᓂᐅᕕᖓᓂᒃ, ᔪᐊᓇᓯ ᑎᑭᓪᓗᒍ; 14#ᒪᓚᑬ 4:5; ᒫᑎᐅᓯ 17:10-13; ᒫᑯᓯ 9:11-13.ᐅᖃᐅᓯᕆᔭᖏᓐᓂᒡᓗ ᐅᒃᐱᕈᓱᒍᓐᓇᕈᑦᓯ, ᑖᓐᓇ ᔪᐊᓇᓯ ᐃᓔᑦᔭᐅᕗᖅ, ᑎᑭᓛᕐᓂᖓ ᐅᖃᐅᓯᐅᓯᒪᓚᐅᕐᑐᖅ. 15ᑐᓵᔫᖕᓂᒃ ᓯᐅᑎᓕᒃ, ᑐᓴᕐᓕ!
16“ᖃᓄᕐᓕ ᐊᑦᔨᐅᑎᑦᓱᓐᓇᕐᐸᒃᑳ? ᒫᓐᓇ ᐃᓅᔪᑦ, ᐃᒤᑦᑑᔭᕐᐳᑦ ᓱᕈᓰᑦ ᓂᐅᕕᕐᕕᐅᑉ ᓴᓂᐊᓂ ᐃᒃᓯᕚᕐᑐᑦ, ᐱᓐᖑᐊᕐᓗᑎᒃ ᕾᒐᓛᖃᑦᑕᐅᑎᓪᓗᑎᒃ ᐃᒻᒥᖕᓄᑦ, ᐃᒤᓕᐅᕐᓗᑎᒃ, 17‘ᑲᑎᑎᑕᐅᔪᖃᓐᖑᐊᕐᑎᓪᓗᒍ ᓂᑦᔮᑎᑦᓯᓐᖑᐊᕐᐳᒍᑦ ᐃᓕᑦᓯᓐᓄᑦ, ᑖᓂᓯᕈᒪᓐᖏᓚᓯᓕ! ᑐᖁᔪᕐᓯᐅᑎᓄᓪᓗ ᐃᓐᖏᕐᕕᒋᓐᖑᐊᕐᐸᑦᓯ, ᕿᐊᔪᒪᖏᑦᑐᓯᓕ!’ 18ᔪᐊᓇᓯᓕ ᑎᑭᒻᒪᑦ, ᓂᕆᑦᑍᓕᕙᒃᓗᓂ ᐅᐂᓂᒥᒡᓗ ᐃᒥᕐᐸᒐᓂ, ᐃᓄᐃᓪᓗ ᐅᖃᕐᐳᑦ, ᑖᓐᓇ ᐊᓂᕐᓂᕐᓗᖕᒥᒃ ᐃᓗᒻᒥᕐᑕᐅᓯᒪᕗᖅ! 19ᐃᓅᓪᓕ ᐃᕐᓂᖓ ᑎᑭᒻᒪᑦ, ᓂᕆᖃᑦᑕᕐᐳᖅ ᐃᒥᖃᑦᑕᕐᓗᓂᓗ, ᐃᓄᐃᓪᓗ ᐅᖃᕐᐳᑦ, ‘ᐅᓇ ᐊᖑᑦ ᑕᑯᓯᐅᒃ! ᓂᕆᓗᐊᖃᑦᑕᕐᑐᖅ, ᐅᐂᓂᒥᒡᓗ ᐃᒥᕐᑎᐅᓪᓗᓂ, ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖏᑕ ᐊᔪᕐᑐᓕᔪᓪᓗ ᐱᖃᓐᓇᕆᔭᖓᑦ!’ ᒎᑎᐅᓪᓕ ᓯᓚᑐᓂᖓ ᓴᖅᑭᑎᑕᐅᕗᖅ ᐱᓂᐊᕐᓂᖏᑎᒍᑦ.”
ᓄᓇᓖᑦ ᐅᒃᐱᕈᓱᖏᑦᑐᑦ
ᓘᑲᓯ 10:13-15
20ᓄᓇᓕᖕᓂᓕ ᔩᓱᓯᐅᑉ ᑲᒪᓇᕐᑐᓕᓂᕐᓂᒃ ᐱᓇᓱᐊᕐᕕᒋᓂᕐᐹᕆᔭᖏᑦ ᐃᓄᐃᑦ ᐊᔪᕐᑐᓕᓂᕐᒥᖕᓂᒃ ᖃᕿᐊᓕᕐᑐᖃᓐᖏᓚᑦ, ᑖᒃᑯᐊᓕ ᔩᓱᓯᐅᑉ ᐅᖃᕐᕕᒋᓕᕐᐰᑦ, ᐅᖃᕐᓗᓂ; 21#ᐂᓮᐊᓯ 23:1-18; ᐃᓯᑭᐊᓕ 26:1—28:26; ᔪᐃᓕ 3:4-8; ᐂᒨᓯ 1:9,10; ᓴᑲᕅᐊ 9:2-4.“ᑲᑉᐱᐊᓐᓇᒦᒃ ᐃᓕᑦᓯ, ᑯᕋᓯᓐ! ᑲᑉᐱᐊᓐᓇᒦᒡᓗ ᐃᓕᑦᓯ, ᐱᑦᓮᑕ! ᑕᒪᒃᑯᐊ ᑲᒪᓇᕐᑐᓕᓃᑦ ᐃᓕᑦᓯᓐᓂ ᐱᓂᐊᕐᓂᐅᖃᑦᑕᓚᐅᕐᑐᑦ ᐱᓂᐊᕐᓂᐅᖔᓚᐅᕐᐸᑕ ᓄᓇᓂ ᑍᕆᒥ ᓮᑐᓂᒥᓗ, ᐃᓄᖏᑦ ᖃᕿᐊᓕᖅᑲᒻᒥᕋᔭᓚᐅᓐᖏᓚᑦ ᐃᒃᐱᐊᕐᔪᖕᓂᒃ ᖃᕿᐊᓕᕐᑐᕐᓯᐅᑎᓂᒃ ᐊᑎᓗᑎᒃ ᐊᕐᔭᓕᓂᕐᓂᒡᓗ ᐃᒻᒥᖕᓄᑦ ᑲᓐᖓᕐᑎᕐᕕᒋᓗᑎᒃ ᐱᒐᔭᓚᐅᕐᐳᑦ! 22ᓱᓕᑦᓯᐊᕐᑐᒥᒡᓕ ᐅᖃᐅᑎᕙᑦᓯ, ᐃᖅᑲᕐᑐᕐᑕᐅᕕᐅᑉ ᐅᓪᓗᖓ ᓇᓪᓕᐅᑎᒃᐸᑦ, ᒎᑎᐅᑉ ᓄᓇᓖᑦ ᑍᕆᒥᐅᑦ ᓮᑐᓂᒥᐅᓪᓗ ᓂᑲᒋᓂᕐᓴᕆᔪᒫᕐᐰᑦ ᐃᓕᑦᓯᓐᓂᑦ! 23#ᐂᓮᐊᓯ 14:13-15; ᒨᓯᓯ ᓯᕗᓪᓖᑦ 19:24-28.ᐃᕝᕕᓪᓗ ᑲᐲᕐᓂᐊᒻ! ᐃᓕᖕᓂᒃ ᖃᖓᑦᑕᕐᑎᑦᓱᒪᕖᑦ? ᕿᓚᖕᒧᑦ, ᐃᒋᑕᐅᔪᒫᕐᐳᑎᓪᓕ ᐃᑯᒪᕐᔪᐊᕐᒧᑦ! ᑲᒪᓇᕐᑐᓕᓃᓪᓕ ᐃᓕᑦᓯᓐᓂ ᐱᓂᐊᕐᑕᐅᓚᐅᕐᑐᑦ ᐱᓂᐊᕐᓂᐅᒐᔭᓚᐅᕐᐸᑕ ᓱᑑᒪᒥ, ᓱᑑᒪᒥᐅᑦ ᓱᓕ ᐅᓪᓗᒥ ᓴᖅᑭᔮᕋᔭᕐᐳᑦ! 24#ᒫᑎᐅᓯ 10:15; ᓘᑲᓯ 10:12.ᓱᓕᑦᓯᐊᕐᐳᖓ, ᐃᖅᑲᕐᑐᕐᑕᐅᕕᐅᑉ ᐅᓪᓗᖓᓂ ᒎᑎᐅᑉ ᓄᓇᓖᑦ ᓱᑑᒪᒥᐅᑦ ᓂᑲᒋᓂᕐᓴᕆᔪᒫᕐᐰᑦ ᐃᓕᑦᓯᓐᓂᑦ!”
ᕾᒋᑦᓯ ᐅᕙᓐᓄᑦ ᑕᕾᕐᓯᕐᓗᓯᓗ
ᓘᑲᓯ 10:21-22
25ᑍᑦᓱᒪᓂᐅᑎᓪᓗᒍ ᔩᓱᓯ ᐅᖃᕐᐳᖅ, “ᐊᑖᑖᒃ, ᖁᔭᒋᕙᒋᑦ, ᐊᑕᓂᐅᔪᑎᑦ ᕿᓚᖕᒥ ᓄᓇᕐᔪᐊᕐᒥᓗ! ᑕᒪᒃᑯᐊ ᐃᔨᕐᓯᒪᒐᕕᒋᑦ ᓯᓚᑐᔪᓄᑦ ᐃᓕᓯᒪᔪᓄᓪᓗ, ᑕᒪᑐᒥᖓᓕ ᓴᖅᑭᑎᑦᓯᓚᐅᕋᕕᑦ ᓄᑕᖅᑲᑎᑐᑦ ᑍᒤᑦᑐᓄᑦ; 26ᐃᓛᒃ, ᐊᑖᑖᒃ, ᑕᒪᓐᓇ ᑍᒤᓕᖓᑎᓪᓗᒍ ᖁᕕᐊᒋᒐᕕᐅᒃ.
27 #
ᔪᐊᓇᓯ 3:35;
ᔪᐊᓇᓯ 1:18; 10:15. “ᐊᑖᑕᒪ ᑕᒤᓐᓂᒃ ᑐᓂᓯᕕᒋᓚᐅᕐᒪᖓ; ᐃᕐᓂᖅ ᖃᐅᔨᒪᔭᐅᓐᖏᓚᖅ ᐊᑖᑕᐅᑉ ᑭᓯᒥ ᖃᐅᔨᒪᕚ, ᐊᑖᑕᑦᑕᐅᖅ ᖃᐅᔨᒪᔭᐅᖏᓐᓂᕗᖅ ᐃᕐᓂᐅᑉ ᑭᓯᒥ ᖃᐅᔨᒪᕚ, ᑖᒃᑯᓄᖓᓗ ᐃᕐᓂᐅᑉ ᖃᐅᔨᑎᑦᓱᒪᔭᖏᑕ ᑭᓯᒥ ᖃᐅᔨᒪᕚᑦ.
28“ᕾᒋᑦᓯ ᐅᕙᓐᓄᑦ, ᑕᒪᑦᓯ ᐊᒃᓱᕈᕐᑐᓯ ᐅᖁᒤᒃᓴᕐᑐᓯᓗ, ᑕᕾᕐᓯᕐᑎᑦᑐᒪᕙᑦᓯ. 29#ᔨᕆᒤᐊ 6:16.ᓇᖕᒪᐅᑕᕋ ᑎᒍᓯᐅᒃ ᐊᑎᓗᒍ, ᐃᓕᓐᓂᐊᕐᕕᒋᓕᕐᓯᓐᖓ; ᐱᖁᓐᓂᕐᑑᒐᒪ ᐱᐅᔪᕆᓇᖓᓗ ᐆᒻᒪᑎᒃᑯᑦ; ᑕᕾᕐᓯᕐᓂᕐᒥᒃ ᑕᕝᕙ ᓇᓂᓯᓂᐊᕐᐳᓯ ᑕᕐᓂᑦᓯᒍᑦ. 30ᓇᖕᒪᐅᑕᕋ ᐃᓗᐊᕐᒪᑦ, ᓇᖕᒪᒑᒃᓴᖁᑎᒐᓗ ᐅᕿᑦᑑᕗᖅ.”
Одоогоор Сонгогдсон:
ᒫᑎᐅᓯᐅᑉ ᐊᒡᓚᖏᑦ 11: EAIB
Тодруулга
Хуваалцах
Харьцуулах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Eastern Arctic Inuktitut Bible © Canadian Bible Society, 2012, 2021-2023.